Isaiah 13:22 - Hawaii Pidgin Bible

²² Da hyena an da jackal kine wild dogs goin howl Inside da fancy kine palaces ova dea. Da Babylon town ony get litto mo time! No mo plenny time fo wait awready!

Isaiah 13:22 ပူးပေါင်းရင်းမြစ်များ

Songs 44:19

Cuz jalike you wen bus up us guys An leave us inside one place Wea ony get wild dogs. Jalike you wen make eryting Dark aroun us.

Isaiah 14:23

“I goin make Babylon town come jalike da boonies, One place wea da heron bird live inside da swamp. I goin wipe out Babylon town, Jalike I sweep um wit one broom.” Az how goin be, Da One In Charge, Da God Ova All Da Armies, tell.

Isaiah 25:2

I goin tell dat you da greates, Cuz get big towns dat you bus up An make um come one pile a rubbish. Get strong towns wea da army guys no can come inside, You make um all fall down. Da place inside odda countries Wea da peopo build palace, No even get one mo town dea now. No way dey goin build um up one mo time.

Isaiah 32:14

Erybody goin go way from da palace An leave da big town Dat wen get plenny noise befo time. Da hill wit da strong wall an da towas Goin get pukas an caves inside. Da wild donkeys goin like live dea Cuz no mo peopo, An da goats goin get food fo eat ova dea.

Isaiah 34:13

Dea palaces goin get thorn bush grow all ova da place. An dea towns dat get strong wall goin get stickas an kukus all ova. Da wild jackal dogs goin stay an eat dea, An goin be da place fo da owl birds.

Isaiah 34:14

Da wild hyena animal Goin come togedda wit odda wild animals Dat live inside da boonies. Da wild goats goin call out to each odda. Goin get nite time animals dat sleep ova dea too An find place fo res.

Isaiah 35:7

Da hot sand goin get pond wit reeds. Da groun dat no mo watta, Goin come one puka wea plenny watta come out. Ova dea, wea da jackal kine wild dogs Wen lay down fo res befo time, Goin get grass an watta plants an papyrus reeds dea.

Isaiah 43:20

Da wild animals ova dea show respeck fo me, Da jackal kine dogs, an da ostrich bird, Cuz I give dem watta fo drink inside da boonies, An streams wea nobody live, Fo give watta fo drink to my peopo, Da ones I wen pick.

Jeremiah 48:16

“Litto bit mo, befo da Moab peopo goin get wipe out. Fo real kine, all dese bad tings goin come real fas!

Jeremiah 51:33

Dis one message from Da One In Charge, da God Ova All Da Armies, da God fo da Israel peopo. He tell: “Babylon town an da peopo dat live dea Goin come jalike one flat place Wea peopo clean da groun Fo take da junk kine stuffs outa da wheat. Wen da flat place all clean up, Den da harves time almos ready fo come.”

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Sad Song 4:3

Even da wild dogs feed dea bebes, But my peopo no a rip, dey no take kea dea bebes. Jalike da big ostrich birds inside da boonies.

Micah 1:8

Micah tell: “Cuz a dis, I goin cry real hard an real loud. I goin walk aroun barefeet an naked, Fo show dat I stay sad inside. I goin cry real loud jalike one wild dog, An make sad noise jalike one pueo.

Habakkuk 2:3

Wat I goin show you, Gotta wait fo da right time. Az da trut bout da end. No matta how slow, wait fo um. Goin happen fo shua, but not late. Goin come wen come.

Zefaniah 2:14

All kine wild animals goin lay down wea Nineveh was, Da diffren animal nations. Da owl an da heron goin sleep on top da poses fo da buildings. Can hear um thru da windows. Goin get bus up stuff all ova da places wea had doors. Da fancy kine cedar wood goin come wasted from da sun an rain.

Rules Secon Time 32:35

Wen dat time come, I da One goin afta da peopo fo pay um back fo da bad tings dey do. Wen da right time come, jalike dea feets goin slip. Da time fo wipe dem out Stay come pretty soon. An dey goin mahke real fas.”

2 Peter 2:3

Dey greedy guys, da teachas dat bulai. Dey goin tell you guys any kine make up stories fo dem make choke plenny money from you guys. But you know, God da Judge. He no sleep! From long time, he stay ready fo punish dem an wipe um out fo shua. But he still stay waiting fo do dat.