Isaiah 13:20 - Hawaii Pidgin Bible

²⁰ Peopo no goin live ova dea no moa. Not even dea kids o grankids goin make house dea. No mo no guys from Arabia goin come dea Fo put up dea tent no moa. No mo no sheep guys goin bring dea sheeps Fo res ova dea no moa.

Isaiah 13:20 ပူးပေါင်းရင်းမြစ်များ

2 Records 17:11

Some Filisha guys bring presents an silva fo pay tax to Jehoshafat. Even da Arab guys bring 7,700 boy sheeps an 7,700 goats.

Job 3:7

I like fo no odda bebes born dat nite, An fo nobody hear somebody yell cuz dey stay good inside.

Love Song 1:7

You, da one I love! Tell me, Wea you goin take kea yoa sheeps? Wea you goin bring dem fo res noon time? No good I gotta put one veil on top my face fo go find you, O I gotta go look nea yoa frenz sheeps, aah?

Isaiah 14:23

“I goin make Babylon town come jalike da boonies, One place wea da heron bird live inside da swamp. I goin wipe out Babylon town, Jalike I sweep um wit one broom.” Az how goin be, Da One In Charge, Da God Ova All Da Armies, tell.

Isaiah 21:1

Get heavy kine stuff fo tell too, bout wat goin happen to da Babylon land, Da Boonies By Da Sea: “One army go come agains Babylon, From one land wea da peopo real tough An erybody stay sked a dem! Dey goin go quick thru da Babylon land, Jalike da kine big storm wind dat blow hard Outa da boonies an go thru da south part a Judah.”

Isaiah 25:2

I goin tell dat you da greates, Cuz get big towns dat you bus up An make um come one pile a rubbish. Get strong towns wea da army guys no can come inside, You make um all fall down. Da place inside odda countries Wea da peopo build palace, No even get one mo town dea now. No way dey goin build um up one mo time.

Isaiah 34:17

He wen measure da land he goin give To all da birds an animals. An to dea kids an dea grankids, Fo dem get da Edom land all da time.

Jeremiah 49:33

“Da Hazor districk goin come one place Wea ony get wild dogs stay live dea. Goin stay all wipe out, foeva. No mo nobody goin live Hazor side. No mo nobody goin stay ova dea even fo one short time.”

Jeremiah 50:13

Cuz Da One In Charge tell ‘Laytas’ to wat da Babylon peopo stay do, No mo nobody goin live ova dea. Erybody dat pass by Babylon goin make big noise So da bad kine spirits no come nea, Cuz da town stay all bus up.

Jeremiah 50:21

“Attack da Babylon peopo Da ones dat live Meratayim side, An da ones dat live Pekod side. Kill dem, an wipe out eryting dey leave, Jalike wen you kill one animal fo make sacrifice! Do eryting I tell you fo do.” Az wat Da One In Charge tell.

Jeremiah 50:3

Goin get one peopo Come from da north side An attack Babylon town. Dey goin wase da Babylon land. So no mo nobody goin live ova dea. Da peopo an da animals all goin run away from dea, But dey not goin know wea dey going.’ ”

Jeremiah 50:39

“Cuz a dat, ony bad kine spirits goin live ova dea, An hyena kine wild dogs. Da pueo goin live ova dea too. But no mo peopo goin make house one mo time inside Babylon, Fo dem an fo erybody dat goin come from dem bumbye.

Jeremiah 50:45

So lissen up, wat Da One In Charge make plan fo do Agains da Babylon peopo, An agains dea land: Jalike somebody goin drag away da young sheeps, An Da One In Charge goin wipe out all dea land dat get good grass.

Jeremiah 51:25

Da One In Charge tell: “I da One stay agains you Babylon guys, You jalike one volcano dat wipe out da whole earth. I goin use my powa agains you, An roll you off da cliffs. I goin make you jalike one mountain dat stay all burn up.

Jeremiah 51:29

Da land shake an move jalike stay hurt, Cuz Da One In Charge know wat he like do, An fo shua he goin do um! He goin wase da Babylon land, So dat no mo nobody goin live ova dea.

Jeremiah 51:37

Babylon goin come one big pile a rocks from da ol buildings, One place wea da jackal kine wild dogs can hide. I goin bus up dis big town so no get notting dea, An peopo goin come shock wen dey see Babylon. An no mo nobody goin live ova dea.

Jeremiah 51:43

Da small towns aroun Babylon goin come wasted, All dry up jalike da boonies, Wea nobody live, An nobody go thru dea.