Isaiah 13:14 - Hawaii Pidgin Bible

¹⁴ “Den, jalike wen peopo chase da small deer, An jalike wen da sheep no mo nobody dat keep um togedda, Erybody goin go back by dea peopo. Dey all goin run away to dea land.

Isaiah 13:14 ပူးပေါင်းရင်းမြစ်များ

1 Kings 22:17

Den Mikaiah tell, “I see, jalike was one dream, All da Israel guys running all ova da hills, Jalike sheeps dat no mo sheep guy fo take kea dem. Da One In Charge tell me, ‘All dis guys, no mo boss fo dem. Let um all go home, An let eryting come good fo dem.’ ”

1 Kings 22:36

Wen da sun almos go down, da Israel army guys all start fo yell, “Erybody go back yoa town! Erybody go back yoa land!”

Isaiah 17:13

All da army guys from diffren countries make big noise, Jalike da big watta stay running. But God tell um, “No do dat!” An dey run away one far place, Jalike da junk kine stuff from da wheat An jalike da dry weeds in front one storm Dat blow in da wind in da hills.

Isaiah 21:15

Dey wen run away From da guys dat stay chase um wit swords, An from da guys wit bow an arrow dat stay ready fo shoot um, From all da bad kine stuff dat happen wen get war.”

Isaiah 47:15

Dass all da star watcha guys goin do fo you. You Babylon guys gotta work hard, Cuz from small kid time Da star watcha guys make you pay. But all dem goin go one diffren way, An no mo nobody goin get you guys outa trouble.”

Jeremiah 25:12

An Da One In Charge tell: “But wen da seventy year pau, I goin punish da Babylon king an his peopo an wipe out dea land, cuz dey get da blame fo da bad kine stuff dey wen do. An I goin wipe out dea land foeva, an dis goin make peopo come shock foeva.

Jeremiah 50:16

Kill erybody dat plant seed Babylon side! Kill erybody ova dea dat harves da food wen da time come! Cuz da army guys goin come wit swords Fo wipe out da Babylon peopo. Let all da peopos dat come from odda countries run back dea peopo! Let um all go back dea land!

Jeremiah 51:9

“Da peopo from anodda place dat live Babylon side tell, ‘We wen try fo make da Babylon peopo come good. But dey no can come good. Mo betta us bag from Babylon An go back oua land. Cuz wen God punish da Babylon peopo, He goin do um big time, Jalike he pile um up all da way to da sky, To da top a da clouds!’

Nahum 3:18

Bummahs, you king fo da Assyria peopo! Da guys dat take kea yoa peopo, jalike dey stay sleep. Yoa alii guys stay res. Yoa peopo stay scatta all ova da mountains. No mo nobody goin bring dem back togedda.

Matthew 9:36

Wen he see all da peopo, he get love an aloha an pity fo dem, cuz dey all wore out inside an no can do notting cuz a dat. Dey jalike da sheeps dat no mo one sheep guy fo take kea dem.

Mark 6:34

Wen Jesus get outa da boat, he see all da peopo. He get pity fo dem, cuz dey jalike da sheeps dat no mo one sheep guy fo take kea dem. Right den an dea he start fo teach um plenny stuff.

1 Peter 2:25

You guys was jalike da sheeps dat stay lost, but now you guys come back to God. He make shua he take kea a you guys good kine, jalike da sheep guy take kea his sheeps. An he da main leada guy fo make shua you guys no come pilau inside.