Isaiah 13:13 - Hawaii Pidgin Bible

¹³ “Dass why I goin make da sky shake An da groun goin move from da place he stay, Cuz dass da time dat me, Da One In Charge, Da God Ova All Da Armies, I still had it, an I no goin take wat da peopo do.

Isaiah 13:13 ပူးပေါင်းရင်းမြစ်များ

Job 9:6

He shake da earth from wea stay. He make da poses undaneat um shake.

Songs 18:7

Den da groun wen shake cuz a da earthquake, Undaneat da mountains da foundation stay shake! Da foundation wen move one side to da odda side, Cuz God come huhu!

Songs 88:16

Wen you stay huhu wit me, I feel I pounded down. Wen you do tings Dat make me come sked, I no can do notting.

Isaiah 2:19

Peopo goin go inside caves inside da big rocks, An inside da big kine pukas undaneat da groun, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Isaiah 21:1

Get heavy kine stuff fo tell too, bout wat goin happen to da Babylon land, Da Boonies By Da Sea: “One army go come agains Babylon, From one land wea da peopo real tough An erybody stay sked a dem! Dey goin go quick thru da Babylon land, Jalike da kine big storm wind dat blow hard Outa da boonies an go thru da south part a Judah.”

Isaiah 23:11

Wen Da One In Charge put up his hand fo use his powa ova da ocean, He make da kings an dea peopos come sked an shaking. He da One dat tell, az time fo wipe out Da towns inside Fonisha dat get strong wall.

Isaiah 24:1

Da One In Charge, he stay ready fo wipe out da whole world An make um come empty! He goin change da mountains an valleys An all da peopo goin go all ova da place.

Isaiah 24:18

Anybody run away from some skery kine noise, Dey goin fall down inside da deep hole. Anybody climb outa da deep hole, Somebody goin catch dem in da trap. “Az goin be jalike da time Da sky wen open fo let da watta come down, An undaneat da earth, da foundation stay shake!

Isaiah 24:19

“Da earth stay all bus up. Da earth stay all crack. Da earth stay shake plenny.

Isaiah 34:4

All da stars inside da sky goin come jalike dey rotten. Da whole sky goin roll up, jalike peopo roll up one paypa. All da stars goin fall down, Jalike da leaf fall down from one grape plant wen stay dry, An jalike da dry up fig fruits fall down from one tree.

Isaiah 47:1

Go sit down on top da dirt, You Babylon town peopo! You Babylon guys was jalike One beautiful young princess. But now, you gotta go sit down on top da groun, Cuz now you no mo throne an no mo king. Az why nobody goin tink you make nice to peopo An you no need work.

Isaiah 51:6

Look up to da sky. Look down at da earth. Da sky goin go way, jalike smoke. Da earth goin come boros, jalike da boros clotheses. All da peopo on top da earth goin mahke, jalike small bugs. But I goin get my peopo outa trouble all da time. I still yet goin do wass right fo da peopo, all da time.

Isaiah 9:19

Da One In Charge, Da Boss Ova All Da Armies, He no take da bad kine stuff dey do. Dass why he huhu, an da land come all burn up. So da peopo, dey jalike da kine stuff dat da fire goin burn up. Nobody show pity fo dea ohana.

Jeremiah 51:1

Dis wat Da One In Charge tell: “Look! I stay ready fo make somebody Wipe out Babylon town an da Babylon nation.

Sad Song 1:12

“Eh! All you guys dat stay go by hea, You guys no kea, o wat?! Look aroun an see. No mo nobody stay suffa jalike I stay suffa. Da One In Charge bring dis hard time on top me, Wen he come real huhu.

Joel 3:16

Da One In Charge goin make one big noise From his temple on top Mount Zion. His voice goin soun real loud from Jerusalem. Da earth an da sky goin shake. But Da One In Charge goin be jalike one place fo hide fo his peopo, Jalike one strong place wea da Israel peopo can hide.

Matthew 24:29

“Right afta dat time fo suffa plenny, dis wat goin happen: “ ‘Da sun goin come black. Da moon no goin shine. Da stars goin fall down from da sky. An all da spirits inside da sky dat get plenny powa, Dey goin come all hamajang.’

Matthew 24:35

Da world an da sky goin go way, but da tings I tell no goin go way foeva.

2 Peter 3:10

But da time wen Da One In Charge come back, no goin get nobody dat know wen he goin come. Az jalike wen da steala guy go inside yoa house an you donno he wen come. Dat time, da sky, da sun, da moon, an da stars up dea inside da sky goin come burning hot an wipe out eryting! An den, no goin get notting no moa. Da world an all da tings dat peopo do hea goin burn up.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.