Isaiah 13:1 - Hawaii Pidgin Bible

¹ Me, Isaiah, Amoz boy, I get heavy kine stuff fo tell bout wat I see goin happen to Babylon:

Isaiah 13:1 ပူးပေါင်းရင်းမြစ်များ

2 Kings 9:25

Jehu tell Bidkar, da officer dat help drive his war wagon, “Pick up his mahke body, an throw um on top da field dat Nabot, da guy from Jezreel, wen own um befo Ahab take um away. No foget how me an you wen ride togedda inside two war wagons in back a Ahab, Joram faddah, wen Da One In Charge give dis word bout Ahab:

Isaiah 1:1

Isaiah, Amoz boy, he wen talk fo God bout Judah an Jerusalem. Dat time, da king fo da Judah peopo was Uzziah, den Jotham, den Ahaz, an den Hezekiah. Dis book tell wat God wen show Isaiah.

Isaiah 13:19

From all da diffren countries, Babylon, dass da mos awesome looking one. All da peopo dea feel real good Cuz Babylon stay da leada. But God goin wipe dem out Jalike he wen wipe out Sodom an Gomorrah.

Isaiah 14:28

Da One In Charge wen give me, Isaiah, dis heavy ting fo tell, da same year dat King Ahaz mahke:

Isaiah 15:1

Me Isaiah, I get heavy kine stuff fo tell bout wat I see goin happen to da Moab peopo: Ony one nite, Ar town goin come wipe out! Dass how da Moab land goin come all bus up. Ony one nite, Kir town goin come wipe out too! Dass how da Moab land goin come all bus up.

Isaiah 17:1

Me, Isaiah, I get heavy kine stuff fo tell bout wat I see goin happen to da Damascus peopo: Look! Damascus no goin be one big town no moa. Da whole place goin come one pile a bus up junks.

Isaiah 19:1

Me, Isaiah, I get heavy kine stuff fo tell bout wat I see goin happen to da Egypt peopo: Da One In Charge stay come Egypt side, Jalike he stay ride on top one cloud. Da idol kine gods da Egypt peopo pray to Stay shake in front him. Da Egypt peopo stay plenny sked An no can tink good.

Isaiah 20:2

Dat time, Da One In Charge wen tell me, Isaiah, Amoz boy, fo talk fo him. He tell me, “Hemo da burmbag cloth from yoa body, an take off da slippa from yoa feets.” So I do dat. I take um off an go naked an barefeet.

Isaiah 21:13

I get heavy kine stuff fo tell bout da boonies up country da east side from Judah: “You Dedan peopo, You get wagons fo carry stuffs fo sell, An you make camp nite time wea get plenny tree Inside da boonies up country.

Isaiah 22:1

Me Isaiah, I get heavy kine stuff fo tell bout wat I see goin happen to da Jerusalem peopo: Dis wat God tell bout da place Wit mountains all aroun, Wea can see wat goin come bumbye. “Wassup wit all you guys?! How come erybody go up on top yoa flat roof?!

Isaiah 22:25

Da One In Charge, Da God Ova All Da Armies, Dis wat he tell: “Bumbye, even Eliakim goin come jam up, Jalike wen somebody put one peg fo hang someting On top one solid place an da peg come loose. Somebody goin chop um off, Den da whole load goin fall down An eryting dat hang on top um goin come wipe out.” Da One In Charge, he da One tell all dat.

Isaiah 43:14

Dis, da message from Da One In Charge, Da One dat pay da price Fo get you guys outa trouble, Da Good An Spesho God fo da Israel peopo. He tell: “Fo help you guys, I goin sen army guys Babylon side. I goin make da Babylon peopo run away on top da boats Dat befo time dey make um look real nice. I goin make dem go down da Eufrates riva An run away.

Jeremiah 24:1

One time, Da One In Charge show me two basket figs dat somebody put in front da Temple Fo Da One In Charge. (Az was afta King Nebukadnezzar from Babylon wen make Koniah his prisona an bring um from Jerusalem to Babylon. Koniah, da Judah king an Jehoiakim boy. Nebukadnezzar make da leada guys fo da Judah peopo prisonas an take dem away too. An he do da same ting wit da guys dat smart fo make fancy kine stuff an wit da military engineer guys.)

Jeremiah 28:8

From befo time, da guys dat wen talk fo Da One In Charge befo me an you, dey wen tell bout all da bad kine stuff dat goin happen to plenny countries an plenny strong kings. Dey tell how goin get war, an real bad kine tings goin happen, an goin get da real bad kine sick.

Jeremiah 50:1

Dis da message Da One In Charge give Jeremiah, da guy dat talk fo him, bout da Babylon peopo an dea land. He give um da message fo tell da Jerusalem guys:

Jeremiah 51:51

Da Jerusalem peopo tell: “Us stay real shame, Cuz we hear da peopo from odda places talk bad bout us. Us guys get shame an lose face, cuz dey wen go Inside da place a Da One In Charge Temple dat stay spesho ony fo him.”

Ezekiel 12:10

“So tell dem, ‘Dis wat da Boss, Da One In Charge tell: Dis bout da bad tings dat goin happen fo da prince guy inside Jerusalem, an fo all da Israel ohana peopo dat stay dea.

Daniel 5:28

“An ‘parsin,’ mean dat God half half da land wea you stay king, an give half to da Mede peopo an half to da Persia peopo.”

Daniel 5:6

His eyes come real big, an he come real sked. His knee stay knock togedda, an he come real weak an he stay shake an he no can tink good.

Nahum 1:1

Da One In Charge show Nahum from Elkosh town someting jalike one dream, bout wat goin happen to da Assyria peopo dat live Nineveh town.

Habakkuk 1:1

Habakkuk one a da guys dat talk fo God. He tell wat God show him.

Zekariah 12:1

Dis wat me Da One In Charge tell bout da Israel peopo. Da One In Charge, da One dat spread out da sky, Dat put down da foundation fo da earth, An make da spirit inside peopo. I tell dis:

Zekariah 9:1

Dis message from Da One In Charge tell bout da Hadrak an Damascus peopo an dea land: Cuz all da peopos inside da world, Jalike all da Israel ohanas, stay look to Da One In Charge.

Malakai 1:1

Lissen up! Dis wat Da One In Charge tell. He tell dat me, Malakai, da messenja guy dat suppose to tell da Israel peopo bout Da One In Charge.

Matthew 1:11

Josiah, he Koniah faddah, an Koniah braddahs too. Was dat time wen da Babylon armies wen make prisonas all da Jew guys, an take um away Babylon side.

Jesus Show 14:8

Den I see da numba two angel messenja guy come. He tell, “Babylon, da Big Town, come wipe out! Cuz da Babylon peopo wen ack jalike one wahine dat make all da diffren peopos drink her kine wine, an dat make dem all go pupule an ony like fool aroun somebody.”