Isaiah 12:5 - Hawaii Pidgin Bible

⁵ “Sing bout Da One In Charge, Cuz he do awesome kine stuff. Let peopo all ova da world know bout dis!

Isaiah 12:5 ပူးပေါင်းရင်းမြစ်များ

Songs 105:2

Sing fo him, Make music fo him. Tell ova an ova All da awesome kine tings he do!

Songs 72:19

I like fo erybody tell Good tings bout him all da time, Cuz dey know how awesome him! I like fo erybody all ova da world Know how awesome he stay! Dass it! Pau.

Songs 98:1

Sing one new song fo Da One In Charge, Cuz he wen do awesome tings! He da winna, Cuz he get plenny powa, An he no need nobody fo help him, Cuz he spesho!

Outa Egypt 15:1

Den Moses an all da Israel peopo sing fo Da One In Charge lidis: “I like make one song fo Da One In Charge, Cuz he awesome, da way he show how big he stay! He wen throw da horses an da guys dat ride um inside da sea.

Outa Egypt 15:21

Miriam, she give um dis song fo sing back to her: “I sing fo Da One In Charge! He awesome fo real kine! Da horses an da guys dat ride um, God throw um all inside da Red Sea!”

Isaiah 24:14

Bumbye, da peopo dat still stay inside da land, Dey goin yell plenny an sing Cuz dey stay feel good inside. From da west side nea da big sea, Da peopo goin yell Bout how awesome Da One In Charge stay.

Isaiah 40:9

“You Mount Zion peopo dat tell good kine stuff, Go up on top one high mountain Fo tell erybody! You Jerusalem peopo dat tell good kine stuff, Talk loud! No sked! Tell da peopo inside da towns all ova da Judah land, ‘Look! Dis yoa God!’

Isaiah 42:10

Sing one new song fo Da One In Charge! Sing from da mos far places inside da world Fo tell dat he da greates! Sing, you peopo dat go work on da ocean An eryting dat live inside da ocean, you sing too! Sing, you islans, An da peopo dat live on top um!

Isaiah 42:11

Sing, you peopo dat live Inside da towns in da boonies. Let da peopo stay good inside Dat live in da small towns Wea da Kedar ohana peopo stay. Let da peopo inside Sela town yell Cuz dey stay good inside. Let dem call real loud From da top a da mountains.

Isaiah 44:23

Dance an sing cuz you feel good inside, Erybody inside da sky! Yell plenny, erybody on top da groun! Yell cuz you feel good inside, Da mountains, an all da trees inside da fores, you can sing! Cuz Da One In Charge wen pay da price Fo get da Jacob ohana peopo outa trouble, An all da Israel peopo goin tell, he awesome!

Habakkuk 2:14

Cuz jalike da watta fill up all da oceans, All da peopo dat fill up da world goin know How awesome me Da One In Charge stay!

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Jesus Show 15:3

Dey stay sing jalike Moses, da guy dat wen work fo God, an jalike God Bebe Sheep Guy. Dey sing: “God, you Da One In Charge! You Da God Dat Get All Da Powa. You do big an awesome stuff. You erytime do wass right an wass true. You da King fo all da diffren peopos foeva an eva!