Isaiah 11:8 - Hawaii Pidgin Bible

⁸ Da bebe goin tink az good fun fo play On top da hole dat get one snake inside dat can kill um. Da small kids goin put dea hand inside da hole fo try catch um, But da snake no goin like kill nobody.

Isaiah 11:8 ပူးပေါင်းရင်းမြစ်များ

Job 5:23

Cuz you goin get one deal wit da stones inside da field. Da wild animals goin stay good wit you.

Songs 140:3

Da stuff dey tell can kill you, Jalike one snake bite. Wen dey open dea mout, Eryting dey tell, Jalike da poison from da cobra snake. (Time out fo da music.)

Smart Guys 23:32

Cuz bumbye, goin bite you jalike one snake, An fill you up wit poison, Jalike da kine snake dat kill you!

Isaiah 11:7

Da cow an da bear goin eat grass same place togedda. Dea bebes goin lay down togedda. Da lion goin eat dry grass jalike da cows.

Isaiah 11:9

All ova da mountain dat stay spesho fo me, Nobody goin hurt o wipe out nobody. Cuz all ova da world, erybody goin know me, Da One In Charge, Jalike all ova da ocean, da watta stay cova eryting.

Isaiah 14:29

Eh! All you Filisha peopo! You betta not stay good inside cuz you tink lidis, “Da king fo da Assyria peopo dat wen bus us guys up, He mahke, an now dey no mo powa!” But da king guys dat goin come Afta da Assyria king mahke Goin be mo worse den him! Cuz jalike you kill one snake, Anodda snake goin come from da firs one Dat can kill you wit poison. An you kill dat one, An goin get anodda snake come from dat one Dat can fly an catch you an bite you.

Isaiah 59:5

Jalike dey make da egg come open From one poison snake can kill you. Dey make one web jalike one spida. But anybody go lissen dat kine peopo, Jalike dey eat da poison snake egg an mahke. You broke open one poison snake egg, Ony make anodda poison snake come out.