Isaiah 11:5 - Hawaii Pidgin Bible

⁵ He goin stay ready fo make war agains da bad kine stuff peopo do. He goin be strong, cuz he do da right tings erytime, An you can trus him erytime.

Isaiah 11:5 ပူးပေါင်းရင်းမြစ်များ

Songs 109:19

Wen dey put kahuna on top peopo, Make da same ting happen to dem! Jalike one blanket dat cova dem O one belt dey no can take off.

Songs 45:4

You da winna erytime! Az why you get respeck! Az why wen you ride on top yoa horse Cuz you da leada guy, You fight fo show Dat peopo can trus you. An you show dat you no mo big head Wen you do wass right. I like fo you use yoa strong powa Fo do awesome kine tings.

Songs 89:9

You da one dat tell da ocean waves Fo come big An wen da waves come big, You calm um down.

Songs 93:1

Da One In Charge, he da king! He stay awesome an strong Jalike he wear king kine robes! He wen put da world in da right place, An no mo notting can shake up Da world from dea!

Isaiah 25:1

Da One In Charge, you my God! I goin tell dat you da greates, I goin tell peopo I know wat good kine god you! Cuz you wen do awesome kine tings Wen you make one plan from long time befo, An us guys can trus you fo dat, An we know you tell da trut.

Isaiah 32:1

Look! Fo make shua eryting stay right, Goin get one king stay in charge. He goin get odda leada guys Dat goin judge da right way too.

Isaiah 59:17

Fo make ready fo fight, Da One In Charge put on his body armor. Az how come nobody can hurt him. Dat mean, he stay do da right ting erytime. He put on his helmet. Dat mean, he know how Fo get his peopo outa trouble. Da shirt he put ova da body armor, Az jalike fo show da bad guys How he goin pay um back Fo eryting dey wen do. Da fancy kine robe he wear, Az jalike fo show Dat he goin go all out fo do all dis.

Isaiah 9:6

Cuz one bebe goin born fo us guys, One boy dat God give us. Da govmen goin be his kuleana. Dis da name peopo goin give him: “Da Awesome One Dat show us da bestes tings fo do. Da God dat get all da powa. Da Faddah dat stay foeva. Da Leada dat make us come so notting bodda us.”

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Hosea 2:20

I goin marry you an you goin trus me. An you goin know who me fo shua, Da One In Charge.”

Zekariah 8:16

Dese, da kine tings you guys suppose to do: Tell da trut to each odda! You judge guys, gotta tell da trut, an judge peopo da bestes way!

2 Corint 6:7

We tell da trut an we no bulai. God give us guys da powa fo do all da right kine stuff. Dass jalike we army guys, an oua boss give us eryting we need fo fight da bad guy an fo no let him wipe us out.

Efesus 6:14

Stan strong! Wen you trus wass true, dass jalike one army belt fo yoa wais. An wen you do da right kine stuff, dass jalike one metal ves fo cova yoa ches.

Hebrews 2:17

Dass why Jesus gotta come jalike his braddahs an sistahs, ery kine way. An cuz Jesus jalike his braddahs an sistahs, he goin come dea Main Pries Guy fo take kea all da kine stuff da Jew Main Pries Guy do fo God. He give da peopo chance, an he da kine guy dey can trus. Cuz az who him, an he goin hemo da shame fo all da bad kine stuff da peopo do, an bring um back togedda wit God.

1 Peter 4:1

Cuz Christ get one body jalike us, he wen suffa plenny in his body. An you guys, get ready fo suffa too jalike Christ. Whoeva suffa lidat, dey no goin do bad kine stuff no moa.

1 John 1:9

But if us tell God we sorry fo all da bad tings we wen do, we can trus God. An he goin do wat he tell he goin do: da right ting. God goin hemo oua shame, an wash us clean inside from all da stuff we do dass not right.

Jesus Show 1:13

An in da middo, had somebody dat look jalike us. He get one long robe dat hang down to his feet, an one gold cloth ova his shoulda an across his ches.

Jesus Show 3:14

Den da One I wen see tell me, “Da messenja guy I wen sen fo help da peopo dat come togedda fo church Laodicea side, write one letta to him, an tell um dis: “Da One dat stay true, he tell eryting jalike happen fo you trus wat he tell. He da one wen start eryting dat God make inside da world. Dis wat he tell: