Isaiah 11:3 - Hawaii Pidgin Bible

³ Cuz he get dat kine respeck fo Da One In Charge, He goin feel good inside Wen he do wat God tell um fo do. He da judge, He no goin ony look o lissen how peopo talk, An den make up his mind.

Isaiah 11:3 ပူးပေါင်းရင်းမြစ်များ

2 Samuel 14:17

“An now, I yoa worka wahine, an dis wat I tink: ‘I like come so no mo notting bodda me now, cuz a da promise my boss da king wen make.’ Cuz you, jalike one angel messenja from God dat lissen an undastan wass good an wass bad. I like Da One In Charge, yoa God, stay wit you.”

2 Samuel 14:8

King David tell da wahine, “Go home. I goin tell my peopo wat dey gotta do fo help you.”

1 Kings 3:28

All da Israel peopo, wen dey find out wat King Solomon wen tell cuz he da judge, dey get awesome respeck fo da King, cuz dey see how God help him fo know wat fo do, fo make shua da right ting happen.

1 Kings 3:9

You know, I yoa worka guy. So try give me one good heart fo lissen an undastan wat stay happen, fo me be da right kine judge fo yoa peopo. Help me fo undastan wass good an wass bad. Cuz no mo nobody hea, fo be da judge fo yoa awesome peopo!”

Job 12:11

Peopo use dea ears fo tes wat odda peopo tell, good o bad, Jalike dey use dea mout fo tes food, good o bad.

Job 34:3

Cuz us guys tes wat we hear, Jalike oua tongue taste wat we eat.

Smart Guys 2:5

Cuz if you do dat, Den you goin undastan fo real kine Wat mean, ‘You betta come sked Da One In Charge.’ An bumbye you goin know God.

Smart Guys 2:9

“You do all dat stuff, An den you goin undastan wass right, An how fo judge da right way An make same kine to erybody, An how fo find da good way fo go erytime.

Isaiah 33:6

All da time you stay alive, Da One In Charge goin be jalike one solid foundation fo you. He goin do plenny good tings fo you— Get you outa trouble, Help you know wat fo do erytime, Help you know how fo do stuff. Wen you Jerusalem peopo get respeck Fo Da One In Charge fo real kine, Goin be jalike az rich kine stuff he give you.

Ezekiel 45:8

Dat piece land goin be fo da prince guy inside Israel. An my princes no goin put presha on top my peopo no moa. Dey goin let da Israel peopo take ova da land fo dea ohanas.

Micah 4:3

Den he goin be da judge fo plenny peopos, An show da nations how dey no need fight, No matta how strong o how far dey stay. Dey goin take dea swords An make plow points outa dem. Dey goin take dea spears An make um come knifes fo prune da plants. Dat time, one peopo no goin fight anodda peopo. Dey no goin even learn how fo fight an make war no moa.

Luke 2:52

An Jesus grow mo an mo fo know wat fo do erytime, an grow up mo an moa. An God an all da peopo tink good bout him.

John 2:25

He neva need nobody fo tell um how da peopo stay, cuz he know how dey stay inside.

John 7:24

No ack jalike one judge wen you guys can see ony da outside stuff. If you guys goin ack jalike one judge, gotta judge da right way.”

Hebrews 5:14

An wat dat mean, “handle da solid stuff”? Dat kine stuff fo da grown up kine peopo. Dey jalike da ones dat work out all da time fo come mo strong. Dey do good kine stuff erytime an no do bad kine stuff. Dass how dey know how fo figga wass good an wass no good.

1 Samuel 16:7

But Da One In Charge tell Samuel, “No ways! No look da outside, how he look o how tall he stay. Cuz I no goin pick him. I no look fo da tings dat peopo like see. Peopo ony look wat stay da outside a peopo. But me, Da One In Charge, I look wat stay inside da peopo.”