Isaiah 11:15 - Hawaii Pidgin Bible

¹⁵ Da One In Charge goin wipe out Da skinny part a da Red Sea, Egypt side. He goin put out his hand ova da Eufrates Riva An bring one real hot strong wind, Fo make um come seven small stream, Fo peopo go walk on top da dry part wit slippas.

Isaiah 11:15 ပူးပေါင်းရင်းမြစ်များ

Outa Egypt 14:21

Den Moses hold his hand out ova da sea. Da One In Charge make da wind blow strong on top da watta from da east side all dat nite. Da wind push da sea watta one side an da odda side an make da sea bottom come dry land!

Outa Egypt 14:22

An da Israel peopo go thru da middo inside da Red Sea, but da groun wea dey stay walking come dry awready. Da watta, stay fo dem jalike one wall on da right side an anodda wall on da lef side.

Outa Egypt 14:29

But da Israel peopo, dey walk thru da Red Sea from one side to da odda side, an da groun stay dry, an da watta stay jalike two wall fo dem, right side an lef side.

Isaiah 19:16

Dat time, da Egypt peopo goin come jalike da wahines. Dey goin stay sked an shaking, wen dey see dat Da One In Charge, Da God Ova All Da Armies, put up his hand an shake um cuz he goin wack um.

Isaiah 43:16

Dis one message from Da One In Charge, Da One wen make one road in da middo da Red Sea, One place fo da Israel peopo go Inside da danger watta.

Isaiah 44:27

I da One tell da deep ocean, ‘Come dry! I goin make yoa channels all dry.’

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Isaiah 51:11

“Dis time, same ting! Fo get da peopo outa trouble, Da One In Charge goin pay da price. Dey goin come back Mount Zion side Inside Jerusalem town, Dey goin yell plenny cuz dey feel real good. Jalike dey stay wear one haku lei on top dea head Fo show dey like dance an sing all da time. Dey stay feel good inside An dance an sing wen dey stay coming. Dey no goin feel sore inside, An no goin moan no moa.”

Isaiah 63:12

Wea da One dat wen use his awesome powa Fo go wit Moses fo help him?! Da One In Charge wen go open da watta on da two side Fo da peopo walk thru, Strait thru da middo. An dass how Da One In Charge make erybody know Wat kine God him, foeva!

Isaiah 7:20

Dat time, you guys goin pay da king fo Assyria, fo his army come from da odda side a da Eufrates Riva fo help you guys. But wen dey show up, dey goin rip off eryting you guys get. Goin be jalike Da One In Charge stay use one razor fo cut off all da hair from on top yoa head an legs, an even yoa beard, an you goin come shame.

Isaiah 8:7

Cuz dey no like wat I do fo dem, You know wat goin happen? Me, Da One In Charge, goin bring da king fo Assyria ova hea, Wit all his awesome armies, Fo go agains da Judah peopo! Dey goin wack um Jalike wen da big watta come down strong Inside da Eufrates Riva An go up ova da sides.”

Ezekiel 29:10

az why I stay agains you, an agains yoa Nile Riva channels, an I goin bus up da Egypt land. I goin wase da land from Migdol north side to Aswan south side all da way to da edge a da Sudan land.

Ezekiel 30:12

I goin make da Nile channels come dry groun. I goin sell da Egypt land fo da bad kine guys take um ova. I goin wase da land an eryting inside um. I goin use guys from odda countries fo do all dat. Az me Da One In Charge tell dis.

Zekariah 10:11

Dey goin go thru trouble jalike thru one ocean. But I goin make da wild ocean waves come quiet. An da deep places inside da Nile Riva goin come dry. Da Assyria peopo get big head, but I goin bring um down, An da Egypt king goin get wipe out.

Jesus Show 16:12

Da numba six angel guy pour out da stuff from his bowl on top da big Eufrates Riva, an all da watta come dry up, fo make ready da way fo da kings from da east side fo come.