Isaiah 11:11 - Hawaii Pidgin Bible

¹¹ Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 11:11 ပူးပေါင်းရင်းမြစ်များ

Start 10:10

Nimrod come one king, an da main places wea he was king was Babylon town, Erek town, Akkad town, an Kalneh town, ova dea Shinar side.

Start 10:22

Dis da peopos dat come from Shem: Elam, Asshur, Arpakshad, anodda Lud guy, an Aram.

Start 11:2

Dat time, had plenny peopo dat no like stay da same place long time. Dey like move house mo to da east side. Wen dey stay go out, dey come Shinar side (dass Babylon), an dey find one flat place wit plenny land. So dey make house ova dea.

Start 14:1

Dat time, had one king, King Kedorlaomer from Elam town dat wen take ova plenny odda towns all ova da place. Fo twelve year, him an three odda king guys from da big towns da east side aroun Babylon wen stay go togedda fo give hard time to da peopo dat live aroun da valley wea Lot stay live. Dea names, King Kedorlaomer from Elam, King Amrafel from Shinar, King Ariok from Ellasar, King Tidaal, da king guy fo diffren peopos. Dem four king guys an dea army guys, ery year dey put presha on da peopo dat live west side aroun Sodom. Da peopo dat side get five king guys fo dea big towns. Dea names, King Bera from Sodom, King Birsha from Gomorrah, King Shinab from Admah, King Shem-Eber, da king guy fo da Zebo peopo, Da king from Bela. (Bela, dass da place dey call Zoar too, you know.) All dat time, da king guys from Babylon side make da king guys from Sodom side pay um plenny ery year. But afta dey pay fo twelve year, year numba thirteen, da five king guys from Sodom an Gomorrah side no pay notting. Dey go get all dea army guys togedda fo get ready wen da Kedorlaomer guys come back da nex time fo make war. Dey put togedda one big army inside da Siddim Valley, wea get da Big Salt Lake inside.

Start 2:13

Anodda riva get da name Gihon, an go aroun da outside a Cush land.

2 Kings 17:24

Da Assyria king wen bring in new peopo from Babylon, Kutah, Avva, Hamat, an Sefarvaim. He make all dem live inside da towns Samaria side wea da Israel peopo wen live befo time. Dey take ova Samaria town an make house dea, an dey live inside da odda Israel towns too.

Esther 10:1

King Xerxes stay make all da peopos all ova da land work fo him an no mo pay, even da far islans.

Songs 68:22

My Boss tell dis: “I goin bring back da guys Dat stay agains me from Bashan, An from da bottom a da ocean.

Isaiah 1:9

Da One In Charge, Da God Ova All Da Armies, If he neva leave us guys some peopo ova dea still yet, Us guys goin come jalike da Sodom peopo, An da Gomorrah peopo—no mo nobody dea.

Isaiah 10:20

Dat time goin come, An some a da Israel peopo dat still stay alive Da ones from da Jacob ohana dat get away, Dey no goin trus da Assyria king no moa, Da one dat wen wack um. But dey goin trus Da One In Charge fo real kine, Da One dat stay good an spesho fo da Israel peopo.

Isaiah 10:9

Us guys awready win an take ova Kalno an Karkemish, Hamat an Arpa, Samaria an Damascus!

Isaiah 11:16

Goin get one big wide easy road Fo God peopo dat still yet stay alive, An dat neva mahke inside Assyria, Jalike da time da Israel peopo come outa Egypt.

Isaiah 19:21

Da One In Charge goin let da Egypt peopo know who him. Wen dat happen, dey goin come tight wit him. Dey goin pray to him an bring animal sacrifices an wheat an barley sacrifices to him. Dey goin make strong promises to him, an dey goin do wat dey wen promise fo do.

Isaiah 19:22

He goin punish da Egypt peopo wit one bad kine sick, but den he goin make um come good. Cuz dey goin change dea mind an come tight wit Da One In Charge, an he goin lissen wen dey pray to him, an make um come good.

Isaiah 21:2

God wen show me stuff Dat make me come real bum out jalike one bad dream: “Jalike da guy dat like set up his braddahs, He goin do um. Da guy dat like bus up eryting, He goin bus um up. Da Babylon guys goin make plenny peopo suffa an moan, But I goin make da Babylon guys stop all dat! You Elam army guys, go afta Babylon town! You Media army guys, make camp all aroun Babylon too, Fo nobody go inside dea o come outside!”

Isaiah 22:6

Da Elam guys goin shoot dea bow an arrow at da Jerusalem guys From inside da war wagon, Wit odda guys fo drive da horses fo da war wagon. Da guys from Kir goin put up da shield.

Isaiah 24:15

Dass why you peopo dat live east side Wea da sun come up, Make shua da peopo dea show respeck fo Da One In Charge! An you guys dat live dea on top da islans, Make shua da peopo dea know wat kine god Da One In Charge, Da God fo us Israel peopo!

Isaiah 37:31

One mo time, goin get some a da Judah peopo Dat da Assyria guys wen leave dea. Dey goin be jalike one plant Dat da root go down an da fruit come up.

Isaiah 42:10

Sing one new song fo Da One In Charge! Sing from da mos far places inside da world Fo tell dat he da greates! Sing, you peopo dat go work on da ocean An eryting dat live inside da ocean, you sing too! Sing, you islans, An da peopo dat live on top um!

Isaiah 42:12

Let dem tell how awesome Da One In Charge. On top da islans, let dem tell Good stuff bout him!

Isaiah 42:4

He no goin hold back o lose fight, Cuz he goin make shua da peopo all ova da world Goin judge da right way erytime. Da peopo dat live on top da islans goin wait Fo hear da rules he goin teach um.”

Isaiah 45:14

Dis, anodda message from Da One In Charge: “Da stuff dey make inside Egypt an Sudan, An da tall Yemen peopo, Dey goin come ova yoa side, An goin come yoa guys. Dey goin walk behind you An come by you wit chains on top dea legs. Dey goin go down in front you. Dey goin beg you an tell, ‘Fo shua God stay wit you. No mo anodda one dass God.’

Isaiah 49:12

Look! Da peopo goin come from far places. Some a dem come from da north, Some from da west, Some from da south side a Egypt.

Isaiah 66:19

“I goin do one awesome ting wea my peopo stay. Den I goin sen some a da peopo dat still yet stay alive to da odda countries: to Spain, an Libya, an Lydia (wea get plenny guys dat know how fo use da bow an arrow), an Tubal, an Greece. Dey even goin go to islans dat stay far away, wea get peopo dea dat neva hear bout me, an neva see how awesome I stay. Dey goin tell da diffren peopos ova dea, how awesome I stay.

Jeremiah 25:25

all da king guys fo da Zimri, Elam, an Mede peopo,

Jeremiah 31:10

“Lissen wat me, Da One In Charge, tell, you peopos! Make shua erybody inside da far away islans know dis! Tell um: ‘Da One dat wen scatta da Israel peopo, He da One goin bring dem back togedda. He goin take kea dem Jalike one sheep guy take kea his sheeps.’

Jeremiah 44:1

Dis wat Da One In Charge tell Jeremiah, bout all da Jew guys dat live inside da Egypt land. Dey live Migdol, Tahpanhes, an Memphis towns, an from dea, up da Nile Riva valley.

Jeremiah 49:23

Dis wat Da One In Charge tell bout da Damascus peopo: “Hamat town an Arpad town, Da peopo dea donno wat fo do. Cuz dey wen hear bad kine stuff Bout wat wen happen Damascus side. Dey all bodda inside cuz a dat. Dass why dey stay nerjus, Jalike da ocean dat no can stop go up an down.

Ezekiel 27:6

Dey take oak trees from Bashan Fo make da oars. Dey take da cypress wood from da Cyprus Islan coast Fo make da planks, an dey put ivory inside fo make um look nice.

Ezekiel 29:14

I goin bring back da prisonas. Dey goin go da south part a da Egypt land, da place wea dea ancestas come from befo time. Ova dea, dey goin get one king, but dey no goin be importan no moa.

Ezekiel 30:14

I goin wipe out da peopo from da Nile Riva valley makai from Aswan to Memphis town. I goin burn down Zoan town. I goin punish da peopo dat live Thebes town.

Ezekiel 32:24

“Da Elam peopo stay dea too, an all dea choke plenny peopos aroun da Elam tomb. Dey all get kill wit swords. Dey da ones dat make da peopo sked dat still stay alive. But dey all wen go down jalike da odda peopos dat no mo da mark from God dat show dey his peopo. Dey shame in front erybody, jalike da oddas dat go down inside da Deep Dark Hole.

Ezekiel 38:8

Long time goin be befo somebody call you fo fight. Bumbye you goin take yoa armies fo go afta da peopo inside da Israel land wea da peopo get war befo time, an den now come good one mo time. Da Israel peopo goin bring back dea peopo from diffren lands, an bring um inside da mountains inside Israel, dat was wasted fo long time. God wen bring dose peopo outa diffren lands, an now dey all goin live dea an stay safe.

Daniel 1:2

Da Boss, Da One In Charge, let da Babylon guys catch Jehoiakim, da Judah king. An afta dey take ova Jerusalem, dey take some a da stuff from da Temple Fo God. Dey bring um Babylon side to dea temple fo dea god, an put um inside da store house fo all dea rich kine stuff.

Daniel 11:18

“Laytas, da Syria king goin attack da peopos dat live by da ocean an on top da islans. He goin make plenny a dem prisonas. “But goin get one army leada guy from anodda place dat goin make da Syria king change his plan, no matta he no mo respeck fo nobody. Cuz a dat, da Syria king goin come da guy dat nobody get respeck fo!

Daniel 8:2

Fo dis dream, me Daniel stay da Elam districk, inside da part a Susa town dat get strong wall. I stay stan by da side a da Ulai Canal.

Hosea 1:11

Den da Judah peopo an da Israel peopo goin come back togedda one mo time. Dey goin pick one leada. An dey goin come up outa da land wea dey stay. Dass goin be one real importan time fo da Jezreel peopo, cuz Jezreel mean ‘God plant’ too. God goin plant dem inside dis country one mo time!”

Hosea 11:10

“Bumbye da Israel peopo goin come follow me, Da One In Charge. I goin make one loud noise jalike one lion. Wen I make dat loud noise, My peopo goin come from da islans on da west side, sked an shaking!

Hosea 11:11

Dey goin come, sked an shaking, Jalike sparrows from Egypt an doves from Assyria. I goin let dem live inside dea homes.” Az wat me Da One In Charge tell.

Micah 7:12

Dat time da peopo goin come Fo show you respeck From Assyria an da Eufrates Riva east side, An all da way from da Egypt towns south side, From seas all ova, An from mountains all ova.

Zefaniah 2:11

Da One In Charge goin make awesome an unreal kine to dem, Wen he make all da gods all ova da world come weak. Den even da peopos dat live on top da far islans, Goin show Da One In Charge love an respeck inside dea land.

Zekariah 5:11

He tell, “Dey stay take um da Babylon land. Ova dea, dey goin build one temple fo um. Wen stay ready, dey goin put da basket on top one base.”

Zekariah 8:7

Dis wat Da One In Charge, Da God Ova All Da Armies, tell: “I goin get my peopo outa trouble from da lands on da east side an da west side.

Zekariah 9:2

Da One In Charge talk bout Hamat too, Dat stay nex to Damascus, An bout Tyre an Sidon towns too, No matta dea peopo know plenny bout wat fo do erytime.

Rome 11:15

Wen God tell “Laytas” to wat his peopo do befo time, dat mean dat da odda peopos all ova da world get chance fo come pono wit God. Bumbye, God goin take back his peopo. Goin be jalike dey was mahke befo, but now dey come back alive fo real kine!

Rome 11:26

Dass how God goin take all da Israel peopo outa da bad kine stuff dey stay in, jalike God tell inside da Bible befo time: “Goin get one guy dat goin take us outa da bad kine stuff, He goin come from Jerusalem, Zion side. He goin make da peopo dat come from Jacob tink diffren kine, Dem guys, dey ack jalike God no matta, Bumbye, dey no goin tink lidat no moa.

2 Corint 3:16

But weneva somebody start fo trus Da One In Charge, Christ help um fo undastan. Jalike da Bible tell bout Moses, “He take away da cova.”

Rules Secon Time 9:29

But da Israel peopo, dey yoa peopo. You own dem. You wen use yoa awesome powa fo bring dem outa dea cuz you strong!