Isaiah 10:6 - Hawaii Pidgin Bible6 I goin sen da Assyria army guys agains my peopo Dat ack jalike I no matta. I no can take awready Da bad kine stuff da Israel peopo stay do. Dass why I tell da Assyria peopo Fo come take da Israel peopo rich stuff An take um all away. Jalike dey goin walk on top da Israel peopo An push um down jalike dey mud on top da streets. အခန်းကိုကြည့်ပါ။ |
Isaiah 10:6
38 ပူးပေါင်းရင်းမြစ်များ
“Da One In Charge a me, Da God Ova All Da Armies, One day he goin come. Den, God goin jam up da Jerusalem peopo head Fo dem no tink an donno wat dey stay do. He goin make dem run all ova each odda, Right dea, inside da place wit mountain all aroun Wea can see wat goin come bumbye. Dat time, da army goin broke down da Jerusalem wall. All da way to da mountain goin hear da peopo stay yelling.
Cuz da stupid kine guys Dat ack jalike God no matta, Dey talk stupid kine stuff. Dey tink plenny bout how fo make trouble. Az why, wateva God like, dey no like um. Az why dey teach Da wrong kine stuff bout Da One In Charge. Az why dey make shua Da hungry guy no get notting fo eat, An dey no let da guy dat stay thirsty Get notting fo drink.
Dass why Da One In Charge stay come huhu Agains his peopo. He put up his hand An stay ready fo wack dem down. Dass why da mountains stay shake, An da peopo body dat mahke Lay all ova outside jalike opala. “But no matta God wack his peopo lidat, He still yet stay huhu An he stay ready fo wack um one mo time.
Dass why my Boss No goin feel good bout da young guys, He no goin show pity notting Fo dea widows o dea kids dat no mo faddah o muddah. Cuz all dem peopo ack jalike God no matta to dem, An still stay do bad kine stuff. All dem get pilau mout. An Da One In Charge stay huhu wit da Israel peopo still yet, An he stay ready fo bus um up.
I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.
I goin rip um off!’ An God tell, ‘Yeah, you Gog goin use yoa powa agains da places dat befo time stay all bus up. But now I bring back da peopo from da diffren lands fo live dea one mo time. An da Israel peopo get plenny animals an odda stuffs, cuz da place dey live az da mos importan place fo live in da whole world!’
Den da peopo from odda lands dat stay agains me goin see dat, An dey goin come plenny shame in front erybody. Cuz dey wen make fun a me an tell, ‘Eh! Yoa God, Da One In Charge, wea he stay?!’ But I goin see dem lose face! Dey goin come jalike da mud dat get on top da streets, Wen peopo walk all ova um.
ကြော်ငြာတွေ