Isaiah 10:3 - Hawaii Pidgin Bible

³ But wat you guys goin do Wen da time come fo God punish you guys? Wen da army guys from far away Wipe you guys out jalike one storm? Wat peopo you guys goin run to Fo dem help you guys? Wea you guys goin leave all yoa rich stuffs Wen you run away?

Isaiah 10:3 ပူးပေါင်းရင်းမြစ်များ

Start 31:1

One time, Jacob wen find out dat Laban boys stay talking lidis: “Eh! Dat Jacob, he take away eryting oua faddah get. Da buggah use oua faddah stuffs fo make him come real rich.”

2 Kings 7:15

Dey go afta da Aram army guys all da way by da Jordan Riva. Dey see dat all ova da road, get da Aram guys clotheses an stuffs all ova da place dat da Aram guys wen throw way wen dey come sked an run away! So da messenja guys come back an tell da king.

Job 31:14

Wat I goin do wen God poin finga me, aah? Wat I goin tell him wen he aks me how come I wen make lidat?

Smart Guys 11:4

Wen God ready fo wipe out eryting Cuz he no can stan wat peopo stay do, All da money you get, no goin help you! Wen you stay do da right ting erytime, Dat goin get you outa trouble wit wateva can make you mahke.

Isaiah 13:6

“You Babylon peopo, Cry an yell cuz you feel sore inside, Cuz Da One In Charge, his day stay come nea! Da God Dat Get All Da Powa, He goin wipe out da bad guys.

Isaiah 17:4

Dat time, eryting dat stay awesome now Bout da Israel ohanas, Dat goin change, an dey no goin stay awesome no moa. Jalike wen one guy had plenny fo eat An now he come skinny.

Isaiah 20:6

Dat time, da peopo dat stay live hea nea da Judah coast, dey goin tell, ‘Eh, us guys wen trus dose Egypt an Sudan peopo! Us wen run away an go by dem fo dem help us fo get outa da trouble da Assyria king like make fo us. If dat wen come to dem, den how us guys goin get outa dis bad kine stuff?! No way!’ ”

Isaiah 26:14

Now, all dose odda boss guys, mahke awready. Dey no goin come back alive no moa, Dea spirits no goin come back. Dass cuz you punish dem awready. You wen bus um up An wipe out eryting bout dem, So peopo no tink bout dem!

Isaiah 26:21

Cuz you know wat?! Da One In Charge stay come out from his place Fo punish da peopo on top da earth Fo all bad kine stuff dey do. Den da earth goin show All da peopo dat wen bleed an mahke dea, Da ones dat wen murda dem No can hide um no moa.

Isaiah 28:20

Da peopo, dey no goin get one place fo hide, Jalike dey stay sleeping in one bed dass too short, Jalike dey stay using one blanket dass too small.

Isaiah 29:6

From me, Da One In Charge, Da God Ova All Da Armies, Goin come time fo make eryting come good. Goin get thunda, An da groun goin shake, an get big noise. Goin get strong wind, an storm, An fire dat goin wipe out eryting.

Isaiah 30:16

Dass how come you guys wen tell, “No way! We goin ride horse an run away!” So den, you guys goin run away! You guys wen tell, “We goin ride horse dat run real fas!” But da guys dat come chase you guys, Dey get fas horse too.

Isaiah 30:5

Erybody dat tell da Pharaoh guy fo help dem Goin come shame. Cuz da Egypt peopo no can do notting good fo dem. Dey no goin help dem, Dey no goin do notting good fo dem. Dey ony goin make da Judah peopo come shame, An make fun a dem!”

Isaiah 30:7

Da Egypt peopo, even if dey try fo kokua da Judah peopo No goin help da Judah peopo notting. Az why I call da Egypt peopo, ‘Da proud fake crocodile Dat ony make plenny noise!’ ”

Isaiah 33:14

Inside Jerusalem town, Da peopo dat stay do bad kine stuff, Dey stay sked! Da ones dat tink God notting, Dey no can stop shake no moa! Dey talk: ‘No mo nobody from us guys Can live wit da fire dat goin burn us up! No mo nobody from us guys Can live wea da fire goin burn all da time!’

Isaiah 39:3

Den Isaiah, da guy dat talk fo God, go by King Hezekiah an aks him, “Wat dose guys tell? Wea dey come from?” Hezekiah tell, “Dey come by me from one far place, from Babylon.”

Isaiah 5:14

Dass why, jalike wea da mahke peopo go, Da mout stay open big, An waiting fo erybody. Cuz down inside dea, All da rich kine peopo goin go. Same ting fo da odda kine peopo Dat stay make big kine noise an go party out.

Isaiah 5:26

God goin put up one flag Fo all da peopo inside da lands dat stay far see um. He goin whistle fo dem fo come, Fo dem come togedda fas from one real far place.

Jeremiah 22:7

I goin make guys come fo wipe out da palace. Erybody goin bring dea tools fo work. Dey goin chop up yoa nice cedar wood beams. An throw um inside da fire.

Jeremiah 4:30

“All a you Jerusalem peopo, How come you make jalike one jam up wahine, No matta you goin get wipe out quick?! How come you put on fancy kine red dress? How come you put on gold jewelry? How come you paint yoa eyes fo make um look big? You dress up fo notting! Da guys befo time dat get da hots fo you, Dey tink you no good now. Dey like kill you.

Jeremiah 5:31

Da guys dat tell dey talk fo God, Wateva dey tell, dey bulai. Da pries guys make da kine rules dey like. An my peopo like fo eryting stay lidat. But how you guys goin handle Wat goin happen cuz a dat, aah?”

Jeremiah 9:9

You tink I no need punish dem fo all dis stuff?! I goin punish um! You tink I no need pay back dat kine nation fo dis?! I goin pay um back!” Az wat Da One In Charge tell.

Hosea 5:13

“Wen da Efraim peopo an da Judah peopo Wen see dey sick, Den da Efraim peopo wen go Assyria side Fo tell da strong Assyria king help dem. But he no can help you guys. He no can make yoa sores come pau.

Hosea 9:5

Egypt side an Assyria side, wat you guys goin do Wen you suppose to make da spesho religious ceremonies? Da times dat stay spesho fo Da One In Charge?

Hosea 9:7

Da time fo punish you stay come. Az da time fo pay you back, cuz you wen make lidat. Make shua da Israel peopo know dat! You guys do plenny bad kine stuff, An you guys hate me plenny. Az why you guys tink da guys dat talk fo God Do bad kine stuff an no bodda dem, An you tink da guys dat lissen God Spirit, pupule.

Amos 5:19

Fo you guys, goin be jalike dis—you go run away from da lion, An anodda kine wild animal goin catch you from da odda side! Den you go inside yoa house, An put yoa hand on top da wall fo res, An da snake bite you!

Micah 7:4

Even da bestes kine guy dea, He jalike one bush wit thorns all ova um. Da guy wit dem dat do da mos right kine stuff, He still mo worse den one plant wit thorns! “Dis, da time yoa guys dat watch fo messages from God Wen talk bout awready. Az time awready fo God punish you guys. Now erybody stay all mix up.

Zefaniah 1:18

Dea silva an gold no can get dem outa trouble dat day Wen Da One In Charge go wild wit dem. He goin be jealous, jalike one fire Dat goin burn up all da peopo inside da world. Cuz az fo real, dat he goin bring one skery end Fo all da peopo dat live on top da earth!”

Luke 19:44

Dey goin wipe out you guys, you an yoa kids inside dea. Dey not goin let one stone stay on top da odda. Cuz you guys neva like know wen God goin show up.”

Rules Secon Time 28:49

“Da One In Charge goin bring one peopo agains you guys from one far place, from da mos far part a da earth. Dey goin come real quick, jalike one eagle dat dive down real fas fo grab one small animal. You no goin undastan dea language.

1 Peter 2:12

Make shua you guys do da right tings in front da peopo dat donno God, so dat no matta dey poin finga you guys now, dey goin ony see da good kine stuff you guys do. Den wen Christ come back, dey goin tell how awesome God stay.