Isaiah 10:29 - Hawaii Pidgin Bible

²⁹ Dey go ova Mikmash Pass. Dey tell, “Eh, we stay Geba town tonite!” Da peopo inside Ramah town, dey sked an shaking. All da peopo inside Gibeah, Saul town, dey stay run.

Isaiah 10:29 ပူးပေါင်းရင်းမြစ်များ

1 Kings 15:23

Odda stuff dat happen wen Asa stay king, an all da tings he wen do, all da powa he get, an all da towns he wen build, stay write inside da Record Book Fo Da Judah Kings. But wen Asa come ol, his feets come real sick.

Jeremiah 31:15

Dis wat Da One In Charge tell too: “I hear one voice from inside Ramah town. Somebody dea stay sad inside an cry. Jalike Rachel stay cry real hard fo da peopo dat come from her. She no let nobody tell her nice kine stuff bout her ohana. Cuz dey no stay no moa.”

Hosea 10:9

Da One In Charge tell, “From da time wen yoa ancesta guys Wen do bad kine stuff Gibeah side, You guys still stay do bad kine stuff jalike dem! Had one war Gibeah side fo attack Da bad guys dat wen live Gibeah town!

Hosea 5:8

“Blow da sheep horn trumpet inside Gibeah! Blow da metal trumpet inside Ramah! Yell fo fight inside Bet-Aven! Lead da army guys, you Benjamin guys!

Hosea 9:9

Dey go all out fo do plenny bad kine stuff, Jalike wen happen long time befo inside Gibeah town. God no foget da blame dese guys get. An he goin punish dem fo all da bad stuff dey do.

Joshua 21:17

From da Benjamin ohana da Israel leadas give da Kohat blood line dese towns: Gibeon, Geba,

1 Samuel 10:26

Saul go home too, Gibeah side. Some strong guys dat know how fo fight go wit him, cuz God wen take ova dem an make dem like fo help Saul.

1 Samuel 11:4

Wen da messenja guys come Gibeah town wea Saul stay, an tell da peopo wat kine deal Nahash stay make, all da Gibeah peopo start fo cry real loud.

1 Samuel 13:16

Saul, his boy Jonathan, an da guys dat still stay wit dem, stay Gibeah town inside da Benjamin land, an da Filisha guys stay inside dea camp Mikmash side.

1 Samuel 13:2

Saul pick three tousan guys from Israel fo be army guys. Two tousan guys stay wit him Mikmash side an up country Bethel side. One tousan guys stay wit Jonathan, Gibeah side, inside da Benjamin land. An Saul sen home da odda guys he neva pick.

1 Samuel 13:23

Had some Filisha army guys wen go make camp by da pass ova da hills Mikmash side.

1 Samuel 14:2

Dat time, Saul stay Migron town on da borda wit Gibeah, an make camp unda one pomagram tree. He get bout six hundred army guys ova dea wit him.

1 Samuel 14:4

On da two sides a da pass wea Jonathan gotta go across fo attack da Filisha army guys, get one cliff. Da cliff one side a da pass get da name Bozez, an da cliff da odda side, Senneh.

1 Samuel 14:5

You look in front you, from da north side cliff, get Mikmash down dea, an you look in front you, from da south side cliff, get Geba down dea.

1 Samuel 15:34

Den Samuel go his place Ramah side. But Saul go his place inside Gibeah.

1 Samuel 7:17

But he erytime go back by Ramah, cuz he stay judge da Israel peopo ova dea too, an az wea he live. An he build one altar ova dea fo Da One In Charge.