Isaiah 10:26 - Hawaii Pidgin Bible

²⁶ Dat time, Da One In Charge, Da God Ova All Da Armies, Goin bring somebody fo wack da Assyria guys wit one whip, Jalike befo time, wen he let Gideon win Ova da Midian guys at da Oreb Rock. Jalike da time da peopo come outa Egypt, An Moses hold out da stick fo walk Ova da Red Sea.

Isaiah 10:26 ပူးပေါင်းရင်းမြစ်များ

2 Kings 19:35

Dat same day, nite time, one angel messenja guy from Da One In Charge go out inside da Assyria army camp. He kill 185,000 guys inside dea. Wen da Assyria guys dat no mahke get up da nex morning, get all da mahke bodies all ova da place!

Songs 35:23

Eh! Wake up! Do someting fo me get my rights! Eh God, you da boss guy fo me. Do someting fo wat I gotta tell In front da judge!

Songs 83:11

Make dea alii guys come Jalike Oreb an Zeeb. Make all dea leada guys come Jalike Zebah an Zalmunna,

Outa Egypt 14:16

You take yoa stick fo walk, an hold um out ova da sea fo make da watta go one side an da odda side. Den da Israel peopo goin go thru da middo a da Red Sea, an da groun in da middo goin be dry.

Isaiah 10:24

Dass da ting Da One In Charge a me tell, Da God Ova All Da Armies: “My peopo dat stay in Jerusalem town, lissen! No sked da Assyria guys! No matta dey beat you guys wit sticks, An pick up dea club fo wack you, Jalike da Egypt guys wen do befo time!

Isaiah 11:16

Goin get one big wide easy road Fo God peopo dat still yet stay alive, An dat neva mahke inside Assyria, Jalike da time da Israel peopo come outa Egypt.

Isaiah 30:30

Da One In Charge Goin make peopo hear his awesome voice, An show his strong arm come down Wit plenny powa. Cuz he stay huhu, Jalike da fire dat stay burn up eryting, An da strong wind, rain, An hail dat fall down From da sky jalike rocks.

Isaiah 30:31

Wen Da One In Charge start fo yell, He goin make da Assyria army guys lose fight. Jalike he use his big stick fo wack um.

Isaiah 30:32

Erytime Da One In Charge wack da Assyria guys Wit da stick he use fo punish dem, Da Judah peopo goin play music Wit tammorine an harp, Wen Da One In Charge Win ova da Assyria guys Wit his strong powa.

Isaiah 9:3

God, you goin make da Israel peopo come mo plenny peopo. You goin make da peopo come real good inside. Dey goin dance an sing in front you, Jalike wen da peopo harves da food inside dea fields An dey stay good inside, An jalike wen da army guys steal rich stuffs from da guys dey wen fight, An give dea frenz some a da stuff, Dey all stay good inside.

Isaiah 9:4

Jalike you wen do befo time, Wen da Midian peopo make da Israel peopo bus ass fo dem. You wen hemo da Israel peopo From da hard work da Midian peopo make dem do. Jalike you wen stop da Midian peopo Fo dem no wack dem wit one stick An poke dem fo dem work mo fas.

Jesus Show 11:18

Da peopos dat no trus you, Dey real huhu, But you tell ‘Laytas’ to da bad kine stuff dey do. “Time awready fo you Fo come da Judge fo da mahke peopo. An fo give yoa worka guys da good kine stuff you get fo dem Fo wat dey do fo you. Same ting you goin give to all da guys dat talk fo you, An all yoa spesho peopo, An you goin give um to da ones dat get respeck fo how you stay, Da big peopo an da litto peopo. “Time awready fo wipe out da guys Dat wipe out all da odda peopo Dat stay on top da earth!”

Jesus Show 19:15

One sharp kine sword come out from his mout, an he win da war agains all da diffren peopos from all ova da world wit da sword. He goin be King ova dem, an lead dem wit one iron club. Da Guy on top da white horse goin walk all ova da grapes dat make da wine. An dat show dat Da God Dat Get All Da Powa stay huhu, an had it wit da bad kine stuff da peopo stay do.

Local Leadas 7:25

Dey catch two Midian leada guys too, Oreb an Zeeb. Dey kill Oreb by da rock dey call da “Oreb Rock.” Dey kill Zeeb by da place dat get da name “Zeeb” wea dey press da grapes. Dey chase da Midian guys. Den dey bring Oreb an Zeeb heads by Gideon, from da odda side a da Jordan Riva.