Isaiah 10:25 - Hawaii Pidgin Bible

²⁵ But ony litto bit mo time now, Den I no goin stay huhu wit you guys no moa. I goin come huhu wit da Assyria guys An go wipe dem out.”

Isaiah 10:25 ပူးပေါင်းရင်းမြစ်များ

2 Kings 19:35

Dat same day, nite time, one angel messenja guy from Da One In Charge go out inside da Assyria army camp. He kill 185,000 guys inside dea. Wen da Assyria guys dat no mahke get up da nex morning, get all da mahke bodies all ova da place!

Songs 37:10

Ony litto bit moa, An no goin get Da peopo dat do bad kine stuff. You goin look all ova da place Wea dey stay befo, An dey no goin be dea.

Smart Guys 22:8

Anybody do bad kine stuff, Dey goin get plenny trouble cuz a dat, Jalike somebody throw bad kine seed An bumbye, dey gotta eat da kine food dat come from dat. Da ones dat do bad kine stuff come huhu An like wack erybody, Still yet, dey no goin get notting.

Isaiah 10:5

God tell: “Bummahs fo you guys! I goin use da Assyria peopo jalike one club fo punish you, Cuz I stay huhu wit you Israel peopo, An I goin make da Assyria guys wack you!

Isaiah 13:6

“You Babylon peopo, Cry an yell cuz you feel sore inside, Cuz Da One In Charge, his day stay come nea! Da God Dat Get All Da Powa, He goin wipe out da bad guys.

Isaiah 26:20

My peopo, go inside yoa room An shut da door. Hide inside dea fo litto bit Till Da One In Charge pau come huhu.

Isaiah 54:7

Da One In Charge tell: “Eh my peopo, Ony short time I wen leave you guys. But I get plenny love an pity fo you guys, An I goin bring you guys back togedda wit me.

Daniel 11:36

“Da Syria king goin do watevas he like do. He goin ack jalike he mo big den all da gods. He goin talk mo bad den da peopo eva hear befo, agains da God Dass Mo Importan Den All Da Odda Gods. An eryting goin go good fo him till da time wen God punish him. Cuz wat God tell gotta happen goin happen fo shua.

Haggai 2:6

“Dis wat me Da One In Charge, Da God Ova All Da Armies, tell: ‘Pretty soon, one mo time I goin shake da sky an da earth, da ocean an da dry land.

Hebrews 10:37

Da Bible wen tell befo time, “You know da One dat goin come? He goin come fo shua real fas, Not afta real long time.