Isaiah 10:16 - Hawaii Pidgin Bible

¹⁶ Cuz a dat, Da One In Charge, da Boss, da God Ova All Da Armies, He goin make da big Assyria army guys Come sick an skinny, An come mo an mo weak jalike get feva. Fo shua, God goin light one fire Dat goin burn up all da awesome stuff Dat da Assyria king wen get.

Isaiah 10:16 ပူးပေါင်းရင်းမြစ်များ

2 Records 32:21

Az why Da One In Charge sen one angel messenja guy. He wipe out all da Assyria army guys, da officer guys, an da army leada guys inside da camp fo da Assyria king. Az why Sennakerib go back his land an lose face an come plenny shame. An wen he go inside da temple fo his god, some a his boys kill him dea wit dea swords.

Songs 106:15

So God give um da kine stuff dey aks fo, But he wack um wit one real bad sick.

Songs 78:31

God show he huhu wit dem. He kill dea mos stronges peopo, An make da young guys From da Israel ohana mahke.

Isaiah 10:18

Da Assyria king get any kine awesome fores An plenny place fo grow fruit tree. Da One In Charge goin make all dat no goin be no moa, Inside an outside, Jalike wen one sick guy come wipe out.

Isaiah 17:4

Dat time, eryting dat stay awesome now Bout da Israel ohanas, Dat goin change, an dey no goin stay awesome no moa. Jalike wen one guy had plenny fo eat An now he come skinny.

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Isaiah 31:9

Da big rock wea da Assyria guys like hide, Dey goin run pass um Cuz dey plenny sked. Wen dea officer guys see Da One In Charge flag fo war, Dey goin come sked an lose fight.” Dis word come strait from Da One In Charge: Wea can see da light from his fire Inside da Temple on top Mount Zion. Can see wea he burn up his rubbish Inside Jerusalem town.

Isaiah 37:29

Cuz you stay mad agains me, An I hear how big head you get Cuz you tink you mo betta den me, Me, Da One In Charge, goin make you my prisona Fo do wateva I like you fo do, Jalike I put one hook inside yoa nose, An one bit inside yoa mout, jalike you one horse. An I goin make you go back yoa place On top da same road wea you wen come from.’ ”

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Isaiah 5:17

Dat time, da sheeps goin eat grass Inside dea grass land. Dey goin stay on top da land an eat plenny, An da bebe sheeps goin eat Wea da rich peopo wen live befo time, But now, ony get bus up house all ova.

Isaiah 8:7

Cuz dey no like wat I do fo dem, You know wat goin happen? Me, Da One In Charge, goin bring da king fo Assyria ova hea, Wit all his awesome armies, Fo go agains da Judah peopo! Dey goin wack um Jalike wen da big watta come down strong Inside da Eufrates Riva An go up ova da sides.”

Isaiah 9:4

Jalike you wen do befo time, Wen da Midian peopo make da Israel peopo bus ass fo dem. You wen hemo da Israel peopo From da hard work da Midian peopo make dem do. Jalike you wen stop da Midian peopo Fo dem no wack dem wit one stick An poke dem fo dem work mo fas.

Isaiah 9:5

Fo shua, all da boots da army guys wear wen dey fight, An all da clotheses dat get blood all ova um, Dey goin throw all dat kine stuff on top da fire Fo burn um up.

Jeremiah 21:14

I goin punish you guys Cuz a da bad kine stuff you guys do. I goin burn up da wood palace inside yoa town, An all da odda stuff inside da town too!’ ” Az wat Da One In Charge tell.

Jeremiah 48:14

“How come you Moab guys talk big an tell, ‘Us no sked fo fight! Us strong fo make war!’?

Ezekiel 34:16

I goin look fo da lost sheeps, an bring back da sheeps dat get push off da trail. I goin bandage da sheeps dat get hurt, an make da weak ones come strong. But da real momona sheeps an da supa strong ones, I goin wipe dem out. I goin be one pono kine sheep guy an take kea my sheeps da right way.

Nahum 1:12

Dis wat Da One In Charge tell: “No matta da Assyria guys plenny peopo An get plenny frenz, I goin cut um down. No matta I wen punish you Judah peopo, I no goin do dat one mo time.

Zefaniah 2:13

An Da One In Charge goin use his powa agains da peopo north side too. He goin wipe out da Assyria peopo. Wen he pau, dea main town Nineveh goin stay wasted An all dry jalike da boonies.

Zekariah 7:4

Den Da One In Charge, da God Ova All Da Armies, give me, Zekariah, one message:

Jesus Guys 12:23

But King Herod neva tell notting. So right den an dea, cuz Herod no talk good bout God an tell um “Mahalo plenny!” one angel guy from Da One In Charge wack him, an he get worms dat eat up his inside an he mahke.