Isaiah 10:15 - Hawaii Pidgin Bible

¹⁵ You tink da ax mo betta den da guy dat swing um? Da saw mo betta den da guy dat use um? You tink da club goin lif da guy dat carry um? Da stick fo walk goin lif somebody dat use um? No way!

Isaiah 10:15 ပူးပေါင်းရင်းမြစ်များ

Isaiah 10:5

God tell: “Bummahs fo you guys! I goin use da Assyria peopo jalike one club fo punish you, Cuz I stay huhu wit you Israel peopo, An I goin make da Assyria guys wack you!

Isaiah 29:16

You guys make eryting all kapakahi! You tink da guy dat make clay pots He jalike da clay? You tink da ting somebody make Goin tell bout da guy dat make um, “Eh! He neva make me!”? You tink da pot goin tell bout da guy dat make um, “Eh! He donno notting!”?

Isaiah 37:23

“ ‘Who you wen make shame, Sennakerib?! Who you talk bad bout, aah?! You wen go talk strong agains me! You tink you mo betta den me, Da Good An Spesho God fo da Israel peopo!

Isaiah 45:9

“Bummahs! fo anybody dat make argue Wit da One dat wen make dem! Dey notting. Dey jalike one piece from one broke pot, An anodda piece from broke pots Dat get all ova da groun. You tink da clay aks da guy dat make pots, ‘Wat you stay making, aah?! Da stuff you make Look jalike you no mo hands!’

Isaiah 7:20

Dat time, you guys goin pay da king fo Assyria, fo his army come from da odda side a da Eufrates Riva fo help you guys. But wen dey show up, dey goin rip off eryting you guys get. Goin be jalike Da One In Charge stay use one razor fo cut off all da hair from on top yoa head an legs, an even yoa beard, an you goin come shame.

Ezekiel 28:9

So! You tink you goin tell, ‘I one god!’ Wen you in front da buggah dat goin kill you? Wen da buggahs go fo stab you an put dea hands on top you, You goin ony be one guy, not one god!