Isaiah 10:13 - Hawaii Pidgin Bible

¹³ “Cuz da Assyria king tink, ‘I can do all dis cuz I strong, An I know wat fo do erytime, Cuz I undastan plenny stuff. I wen take away da lines dat stay block off Fo all da countries come part a my country. I wen take all dea rich stuffs. An take down dea kings, Cuz I one real strong guy.

Isaiah 10:13 ပူးပေါင်းရင်းမြစ်များ

2 Kings 15:29

Wen Pekah stay king Israel side, da Assyria king Tiglat-Pileser come back attack one mo time. He take ova five town: Ijon, Abel Bet-Maakah, Janoah, Kedesh, an Hazor. He take da Gilead an Galilee lands too, an all da Naftali land, an make da peopo dea give up dea land an go Assyria side.

2 Kings 16:8

King Ahaz take da silva an gold tings dat get inside da Temple Fo Da One In Charge, an inside his palace too, an sen um to da Assyria king fo one present so da Assyria king no attack Ahaz land.

2 Kings 17:24

Da Assyria king wen bring in new peopo from Babylon, Kutah, Avva, Hamat, an Sefarvaim. He make all dem live inside da towns Samaria side wea da Israel peopo wen live befo time. Dey take ova Samaria town an make house dea, an dey live inside da odda Israel towns too.

2 Kings 17:6

Wen Hoshea stay king fo nine year, da Assyria king take ova Samaria town, an make da Israel peopo go Assyria side fo live. He make some a dem live Halah side, some a dem by da Habor Riva dat go by Gozan, an da res inside da towns wea da Mede peopo live.

2 Kings 18:11

Da Assyria king wen take out da Israel peopo an move um Assyria side, an make dem live inside Halah, inside Gozan on da Habor Riva, an inside da towns wea da Mede peopo live.

2 Kings 18:15

So Hezekiah give him all da silva dat dey find inside da Temple Fo Da One In Charge, an inside da rooms inside da king palace wea dey keep da expensive kine stuffs.

2 Kings 18:32

An goin stay lidis, till I come an move you guys to one diffren land dat stay jalike yoa land, da kine land wea get wheat an new wine, bread an grape farms, wit olive trees fo make oil, an honey. So, make up yoa mind wat you like! You guys like live, o you guys like mahke? “But no lissen Hezekiah, cuz he like make you guys tink diffren kine, wen he tell, ‘Da One In Charge goin get us outa dis.’

1 Records 5:26

So da God fo Israel make Pul, da king fo Assyria (az Tiglat-Pileser) catch da Reuben peopo, da Gad peopo, an half da Manasseh peopo, an make dem prisonas. He bring dem Halah, Habor, Hara, an da Gozan Riva side, an dey stay ova dea till today.

Smart Guys 28:11

Get rich guys dat tink dey da one Dat know wat fo do erytime But one guy dat no mo notting, He undastan plenny, He da one can figga if da rich guy fo real o not.

Isaiah 10:8

Da Assyria king tell: “Eh, oua army general guys, All a dem, dey king guys too!

Isaiah 5:21

“Bummahs! fo da guys dat tink dey know eryting erytime, An tink dey smart fo undastan eryting.

Jeremiah 46:8

Az da Egypt army, dat come real big Jalike da Nile Riva. Jalike how da rivas come Wen get flash flood. Da Egypt guys stay tell, “Us guys goin come mo big, an cova up da earth. Us guys goin wipe out da big towns An da peopo dat live inside um.

Jeremiah 48:14

“How come you Moab guys talk big an tell, ‘Us no sked fo fight! Us strong fo make war!’?

Ezekiel 25:3

Go tell um: Lissen wat me Da One In Charge, da Boss, tell. Da Babylon guys wen make da Temple dat stay spesho fo me come pilau so no can pray ova dea. Dey bus up da Israel land, an dey kick out da Judah ohana peopo fo make um go far away cuz dey prisonas. Dat time, you Babylon guys wen yell ‘Ahanas!’

Ezekiel 26:2

“Eh! Fo Real Kine Guy! Da Tyre peopo dance an sing cuz Jerusalem town stay all bus up. Dey tell, ‘Good fo you! Befo time, you Jerusalem peopo no let us guys pass thru yoa country fo us trade wit da odda peopos nea you. But now, yoa town gate all bus up an wide open fo us! Cuz Jerusalem town all wipe out, all yoa trade come ouas. Us guys goin come rich!’ ”

Ezekiel 29:3

Give dem dis message: Dis wat Da One In Charge, da Boss, tell: Eh Pharaoh! King a Egypt! Me, I stay agains you! You jalike one riva monsta dat live inside yoa Nile Riva channels. Cuz you tell, ‘Da Nile Riva mines! I wen make um fo me!’

Ezekiel 35:13

You guys talk big agains me, an you no hold back wat you tell notting. But me, I hear all dat awready!’ ”

Daniel 4:27

“Eh King Nebukadnezzar, az why I like you lissen an do wat I tell you now: Throw out all da bad kine stuff you wen do awready! Do wat stay right! Throw out all da tings you wen do fo go agains God! Make good to da peopo dat suffa plenny! Den maybe you can stay king long time.”

Daniel 4:30

He tink, “Dis town, Babylon, stay big now! Az cuz I wen build um lidat fo come my house, da king! I do um cuz I stay real strong an peopo goin know I awesome an importan!”

Amos 5:27

Dass why now, I goin throw you guys outa dis land An make you guys go da odda side Damascus. Go ahead! Take da idol kine gods wit you!” Dass wat Da One In Charge tell, da One dat stay da God Ova All Da Armies.

Amos 6:13

Get Israel guys dat feel real good inside Cuz dea army guys wen take ova Lo-Debar, da no wort notting town! But dey bulai. Dey tell, “You know wat? Us guys so strong, us wen take ova Karnaim, da muscle town!”

Habakkuk 1:11

Den dey move by you fas, jalike da wind. Dey go broke da rules an get plenny blame. Dey tink bout ony dea powa Jalike dat powa was one god.”

Habakkuk 1:16

Az why dey make sacrifice fo dea nets, Jalike da nets was gods. Dey burn incense fo dea nets. Cuz dea nets help dem stay rich An eat da bestes kine food.

Habakkuk 2:6

“All da nations dat da Babylon army guys take ova, dey goin start fo make fun a da big head Babylon army guys. Dey goin laugh at dem, cuz dey no mo respeck fo dem. Dey goin sing to dem dis mean kine song erybody know: “ ‘Bummahs, fo you Babylon guys! Dat rip off odda peopos property! You guys wen put presha on peopo fo give you stuffs! How long you goin make lidat an no lose um, aah?!’ ”

Rules Secon Time 8:17

But no go tink lidis: ‘Me, I get all dis rich kine stuff cuz my hand strong an I get powa!’

Local Leadas 7:2

Da One In Charge tell Gideon, “You get mo plenny army guys den you need! If I make dem win ova da Midian guys, da Israel guys goin talk big, but not bout me. Dey goin tink dey da awesome guys, cuz dey da ones wen bus up da Midian guys wit da powa dey get, an dey da ones do stuff dat get dem outa trouble.