Isaiah 10:12 - Hawaii Pidgin Bible

¹² Wen God my Boss pau all he goin do on top Mount Zion inside Jerusalem town wea da Temple stay, den God goin tell, “Now I goin punish da king fo Assyria, cuz he get big head an high nose.

Isaiah 10:12 ပူးပေါင်းရင်းမြစ်များ

2 Kings 19:31

Cuz from Jerusalem, da peopo dat still stay alive goin come out one mo time, Da ones from Mount Zion dat goin get outa trouble. “Cuz me, Da One In Charge, Da God Ova All Da Armies, I goin go all out fo make shua az wat goin happen.

Songs 18:27

Da kine peopo dat get hard time, You get um outa trouble. But da peopo dat ack high makamaka, You shame um in front erybody.

Songs 21:10

Dea peopo dat goin come from dem, same ting, You goin wipe dem out from da earth. Dey no goin be ancesta guys fo nobody.

Songs 76:10

Wen peopo come real huhu, Dat show proof dat you da bestes. An if dey stay had it wit you still yet, Dat make you look good.

Songs 76:5

Had hard head peopo Dat come agains us, But us guys wen take away All da tings dey get fo fight, An now, dey look Jalike dey sleeping— But dey mahke fo real kine! Not even one a dea strong army guys Can use dea hands fo hurt us.

Smart Guys 21:4

Watevas da bad kine peopo do, Az bad. Dey ack high makamaka, An tink dey can do wateva dey like do.

Smart Guys 30:13

Dey da kine peopo Dat ack jalike dey mo betta den erybody. Az why wen dey look at you, dey ack jalike you notting.

Isaiah 2:11

Anybody dat get real high nose, Dey goin come shame. Anybody ack real high makamaka, Dey goin come notting. Dat time, Da One In Charge da ony One Da peopo goin talk good bout.

Isaiah 2:12

Da One In Charge, he da God Ova All Da Armies. Goin come one day, he goin go Agains erybody dat get big head, An agains all da peopo dat ack high makamaka. God goin bring down da kine peopo dat tink dey importan. He goin make all dat kine peopo come notting.

Isaiah 24:21

“Dat time, Da One In Charge goin punish All da bad angel army guys inside da sky dat get powa dea. An da kings on top da earth dat get powa dea.

Isaiah 27:7

Da time Da One In Charge wen bus up da Israel peopo, You tink he wack um mo hard, Den wen he bus up da odda peopo Dat wen bus up da Israel peopo? No way! Da time he wen wipe out da Israel peopo, You tink he wipe um out mo plenny, Den wen he wipe out da odda peopo Dat wen wipe out dem? Not even!

Isaiah 27:9

Dass wat God goin do fo pay da price, Fo hemo da shame fo da Jacob ohana. Dass wat goin happen Wen God throw out all da bad kine stuff dey wen do. Den, God goin make all da stones Inside da altars fo da odda gods Come jalike chalk wen somebody smash um. Da poses wea dey pray to da wahine god Asherah An da altars wea dey burn da incense fo da odda gods, Dey no goin stan dea no moa.

Isaiah 29:14

Az why I goin do dis awesome ting One mo time fo dis peopo, All plenny kine stuff, ova an ova. All da stuff dat da guys tell Dat know wat fo do erytime, Goin all come wipe out. An all da stuff dat da guys tell Dat undastan stuff, Nobody goin know wat dey know, bumbye.”

Isaiah 33:1

Bummahs! you Assyria guys Dat stay wipe out da odda peopos! Nobody eva wipe you out. Bummahs! you dat set up yoa braddah! Nobody eva set you up. But wen you pau wipe out da odda peopos, Den somebody goin do da same ting to you. Wen you pau set dem up, Den somebody goin set you up.

Isaiah 37:23

“ ‘Who you wen make shame, Sennakerib?! Who you talk bad bout, aah?! You wen go talk strong agains me! You tink you mo betta den me, Da Good An Spesho God fo da Israel peopo!

Isaiah 37:29

Cuz you stay mad agains me, An I hear how big head you get Cuz you tink you mo betta den me, Me, Da One In Charge, goin make you my prisona Fo do wateva I like you fo do, Jalike I put one hook inside yoa nose, An one bit inside yoa mout, jalike you one horse. An I goin make you go back yoa place On top da same road wea you wen come from.’ ”

Isaiah 5:15

All dem goin lose face an come notting, No matta dey big head an high nose.

Isaiah 50:11

But, all you odda guys dat make fire An put arrows dat burn inside yoa arrow bag, Go walk in da light from da fire you guys wen make An da burning arrows you wen light. Da ony ting you guys goin get from me, Goin be dis: Bumbye wen you guys lay down, You goin suffa plenny!

Isaiah 65:7

Cuz a da bad kine stuff Dey an dea ancesta guys wen do.” Dass wat Da One In Charge tell. “Cuz dis peopo wen burn incense on top da mountains Fo dea idol kine gods, An make me shame on top da hills. I goin pay um back plenny Fo all da tings dey wen do befo time.”

Isaiah 9:9

All da peopo dea goin know wat God tell, Da Israel peopo, an da peopo inside Samaria town. But dey come high nose, an get big head. Az why dey talk lidis:

Jeremiah 25:29

Da firs ting I goin do, I goin punish da peopo from Jerusalem, da town dat get my name! An if I do dat, how come you guys tink I no goin punish you too?! Fo shua I goin punish you guys! I goin make war agains erybody dat stay on top da earth!’ ” Az wat Da One In Charge, da God Ova All Da Armies, tell.

Jeremiah 50:18

Az why Da One In Charge, da God Ova All Da Armies, da God fo da Israel peopo, tell dis: “Me, I stay ready fo punish da Babylon king an his land, Jalike I wen punish da Assyria king.

Jeremiah 50:32

You peopo wit big head goin trip an fall down. No goin get nobody fo help you guys stan up. I goin make one fire inside yoa towns. An dat fire goin burn up erybody dat stay aroun Babylon town.”

Ezekiel 31:10

“ ‘Az why dis wat Da One In Charge, da Boss, tell: Egypt jalike dat tree! She stay mo tall ova all da odda trees, an cuz a dat she ack high makamaka bout how tall she stay.

Ezekiel 31:14

Az why no goin get anodda tree dat drink plenny watta grow real tall lidat, above da odda trees dat get plenny leaf. Da ones dat drink plenny watta fo come tall, dey all goin mahke an go down inside da groun, wit da odda peopo dat mahke an go down inside da Deep Dark Hole.

Daniel 11:45

He goin put up his king kine tents wit da Mediterranean Sea makai side, an da nice looking mountain dat stay spesho fo God, mauka side. But den, he goin mahke, an no goin get nobody dea fo help him.”

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Census 24:24

Goin get big boats come from aroun Cyprus Islan. Dey goin win ova da Asshur peopo an da Eber peopo. But da Cyprus Islan boats goin come wipe out too, foeva.”

Matthew 12:33

“You gotta tink lidis: Wen da tree good, den da fruit good. Wen da tree junk, den da fruit junk. Cuz da fruit goin show if da tree stay good o junk.

Matthew 15:19

Any kine bad kine stuff come out from inside. Dass how erybody tink how fo do bad kine stuff. Dass why dey kill peopo, o dey married an go fool aroun, o dey not married an dey still yet go fool aroun, dey rip off da odda guy, dey bulai bout da odda guy, o dey talk bad bout da odda guy.

Rules Secon Time 32:27

But bodda me plenny, dat maybe Da peopo dat stay agains da Israel peopo Goin talk bad bout dem Cuz dey no undastan, An cuz a dat, dey goin tell, ‘Us guys strong! Az why we wen win ova dem! Da One In Charge neva do all dis!’

1 Peter 4:17

Da time hea awready fo da peopo stan in front God da Judge. God goin start wit his ohana, an he goin judge um. So den, wat you tink goin happen to da guys dat no like lissen da Good Kine Stuff From God?