Isaiah 10:1 - Hawaii Pidgin Bible

¹ Bummahs! fo da guys dat make all kine rules dass not right, An write all kine rules dat make humbug fo da peopo!

Isaiah 10:1 ပူးပေါင်းရင်းမြစ်များ

1 Kings 21:13

Den da two no good guys come dea. Dey sit down right in front Nabot. Dey poin finga Nabot in front all da peopo. Dey tell, “Dis Nabot, he tell he like bad tings happen to God, an to da king!” Den dey all take Nabot outside da town. Dey all throw stone at him, an he mahke.

Songs 58:2

Fo shua, inside yoa head, You tink how fo do bad kine tings. Dat make you guys ready Fo bus up peopo all ova da world.

Outa Egypt 23:3

Same ting, if one guy dat no mo notting come in front da judge, no go make diffren kine to him, jus cuz da guy no mo notting.

Outa Egypt 23:6

Wen get peopo by you dat no mo notting an get hard time, an dey gotta go in front da judge, no do notting fo mess um up.

Isaiah 29:21

Da guys dat use words Fo make some odda guy do someting bad, Da guys dat trap one guy Dat stay talk to da judge, Da guys dat bulai bout one guy dat neva do notting bad, No matta wat dey tell no mean notting, Dey no goin stay.

Isaiah 3:11

Bummahs! fo da guys dat do bad kine stuff, Cuz eryting goin come out bad fo dem! Jalike wat dey do, Dass wat dey goin get.

Isaiah 3:14

Da One In Charge da One goin judge da older leadas An da odda ones dat stay lead his peopo. He tell dem, “You, jalike da guys Dat wen bus up my grape fields. All da stuff you guys wen rip off From da peopo dat no mo notting, All dat stuff you guys take um Inside yoa houses.

Isaiah 5:11

“Bummahs! to da guys Dat get up early in da morning Fo go all out fo da booze, Dey stay up late nite time, Till jalike dey stay on fire from da wine.

Isaiah 5:18

“Bummahs! fo da peopo dat drag All da bad kine stuff dey stay do wit dem, Jalike dey stay pulling heavy stuff wit one rope, But da stuff dey stay pulling no worth notting! Dey stay do bad tings, Jalike dey stay drag one wagon wit one rope.”

Isaiah 5:23

Dat kine guys, wen somebody do wrong kine stuff, Dey give da judge money Fo make um look jalike dey stay do eryting right. But fo da peopo dat stay do da right ting fo real kine, Dey take away dea rights.

Isaiah 5:8

An God tell, “Bummahs! fo you guys dat stay buy All da house an field dat get no mo space awready, You no leave even one place fo odda peopo live. So you guys goin be da ony one Fo live dea on top all dat land!

Isaiah 59:13

Us go agains Da One In Charge, An show he no can trus us guys. Us no follow oua God. Us tell “Laytas” to him. Us tell peopo az okay Fo make any kine to odda peopo An go agains odda peopo. Us tink how fo bulai peopo, An teach odda peopo how fo do da same ting.

Isaiah 59:4

No mo nobody fo tell peopo Dey betta do da right ting. Wen peopo talk in front da judge, Nobody tell um da trut. Dey tink az good, Fo tell stuff dat no mean notting, An talk bout wase time kine stuff, An make trouble, An cuz a dat, bad kine stuff happen. Jalike one wahine come hapai, An cuz a dat, she born one bebe.

Jeremiah 22:13

Da One In Charge tell dis: “Ho, King Jehoiakim! He all jam up! Cuz wen he build his palace, He neva do wass right, fo pay fo um. He bulai da peopo dat help him Fo him make da rooms upstairs. He make da guys from his peopo work fo notting. He no pay dem fo dea work.

Amos 2:7

Da guy dat not strong, You Israel peopo push his face inside da dirt. Da guys dat get presha on top dem, You Israel peopo ack jalike dey no mo rights. Da faddah an his boy, dey go sleep wit da same girl. Cuz a all dat, peopo talk bad bout me, An I da One dass good an spesho, you know!

Micah 6:16

But still yet you guys do Wat da rules from King Omri tell you fo do. An you copy eryting Omri boy King Ahab an his ohana stay do. You guys follow eryting dey tell you az good fo you do. Az why I goin let you guys come all bus up. So den, da odda peopos goin tell, “Bummahs!” Wen dey tink bout you guys. Da odda peopos goin laugh an make fun a you guys.’ ”

Habakkuk 2:12

“Bummahs, fo you guys dat kill peopo Fo grab da powa fo build one town. You guys do crooked kine stuff Fo put yoa town togedda how you like!

Habakkuk 2:15

“Bummahs, you guys dat make Da nations aroun you drink yoa wine! You make um come piloot, Fo show um how huhu you stay. Cuz you like look dea naked bodies!

Habakkuk 2:19

Bummahs, fo da guy dat tell one piece wood, ‘Go come alive!’ O tell one stone dat no can talk, ‘Wake up!’ You tink da wood can tell you wass good fo you do?! Da idol get gold an silva all ova, but no mo life inside.

Habakkuk 2:6

“All da nations dat da Babylon army guys take ova, dey goin start fo make fun a da big head Babylon army guys. Dey goin laugh at dem, cuz dey no mo respeck fo dem. Dey goin sing to dem dis mean kine song erybody know: “ ‘Bummahs, fo you Babylon guys! Dat rip off odda peopos property! You guys wen put presha on peopo fo give you stuffs! How long you goin make lidat an no lose um, aah?!’ ”

Habakkuk 2:9

“Bummahs fo da Babylon guys dat build fancy houses fo dem, But dey rip off odda peopo fo do um! Jalike dey one bird dat put dea nes up high, Fo make shua nobody hurt him!

Matthew 11:21

He tell, “Wassamatta you guys?! You guys from Korazin town, an you guys from Betsaida town! I neva show my powa to da Tyre an Sidon guys da way I wen show um to you guys. Az why dem Tyre an Sidon guys neva come sorry fo da bad kine stuff dey wen do, an no even come shame fo all dat. If dey wen see my powa da way you guys wen see um, dey put on burmbag clotheses an throw ash on top dea head fo erybody know dey sorry real quick, but dey neva do dat. But you guys wen see my powa fo real kine, an you still yet no stay sorry!

Matthew 23:23

“Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys give one piece to God from ten piece spice, like da mint, da dill kine spice, an da cummin spice. But you guys no do da main stuff da Rules From God tell you fo do. You guys no make right to da odda guys. You guys no give um chance. Dey no can trus you guys. Dass da main ting. Do dat stuff jalike you guys suppose to, an no foget da odda stuff too.

Matthew 23:27

“Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda! You guys jus like da tomb dey paint white so look good outside, but inside get ony mahke guy bones an all kine pilau stuff.

Matthew 23:29

“Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda! You guys make big tombs fo da guys dat wen talk fo God, an fix up da tombs fo da guys dat wen erytime do da right ting.

Matthew 26:24

I da Fo Real Kine Guy. I goin mahke jalike da Bible wen tell befo time. But bummahs to da guy dat goin set me up. Mo betta he neva wen born!”

Luke 11:52

“Wassamatta you teachas dat teach da Rules From God?! You guys goin get it! You guys donno wat God tell, an you no let da peopo dat like know wat he tell find out. Jalike you guys take away da key fo open da door fo peopo know wat God stay tell!”

John 19:6

Wen da Main Pries guys an da police guys see Jesus, dey make big noise, an dey yell, “Kill da buggah on top one cross! Kill da buggah on top one cross!” Pilate tell, “You guys take him an kill um on top one cross! I no find notting bad he wen do dat I gotta punish him.”

John 9:22

His muddah an faddah guys talk lidat, cuz dey sked da Jew leada guys. Cuz dem guys awready talk togedda, an tell, “If anybody tell dat Jesus da Christ, da Spesho Guy God Wen Pick, we goin throw him outa da Jew church.”

Jude 1:11

Wassamatta dem?! Dey goin get it! Dey goin go down da same road jalike Cain. Dey do any kine dey like do fo make money, jalike Balaam. Dey goin come wipe out, jalike wen Korah go up agains Moses.