Isaiah 1:4 - Hawaii Pidgin Bible

⁴ Ho! Erybody from inside dea Stay do plenny bad kine stuff, Gotta punish um fo teach um. Dem an dea braddahs, dey no do right kine stuff, Dey da kine peopo dat like bus up eryting! Dey go way from Da One In Charge. Dey hate da God fo da Israel peopo dat stay good an spesho. Jalike dey no like lissen an stay turn dea back on him.

Isaiah 1:4 ပူးပေါင်းရင်းမြစ်များ

Start 13:13

But da Sodom peopo, dey bad peopo. Dey erytime do bad kine stuff dat Da One In Charge tell dey betta not do.

2 Kings 21:22

He tell “Laytas” to Da One In Charge, da God fo his ancesta guys, an no live how Da One In Charge tell um fo live.

2 Records 12:1

Afta Rehoboam stay solid fo be king, an he come strong, den him an all da Israel peopo too, bag from da rules Da One In Charge wen teach um.

2 Records 27:2

He do wat stay right, da way Da One In Charge see um, jalike his faddah Uzziah wen do, but he neva go inside da Temple Fo Da One In Charge jalike Uzziah wen do. But dat time, da peopo still yet stay do pilau kine stuff.

Nehemiah 1:7

We stay do real bad kine tings agains you. We no do da tings you stay tell us fo do. You wen give yoa worka guy Moses yoa Rules an all da tings we gotta do, but we no do um.

Songs 58:3

Da peopo dat stay do bad kine stuff, From da time dey born Dey go da wrong way. From da time dea muddah Was hapai wit dem, Dey stay all jam up. An wen dey talk, dey bulai.

Songs 71:22

I goin tell erybody dat I yoa guy, An sing bout you, my God, Wit da ten-string harp, Bout how I can trus you Fo do wat you tell. I goin sing fo you Wit da small harp too, Cuz you da God Dat Stay Good An Spesho, Da One us Israel peopo stay pray to.

Songs 78:40

Plenny time, ova dea inside da boonies, Da Israel peopo wen tell God Dey no goin do how he tell um fo do. Dey wen make God Come plenny sore inside, Ova dea wea no mo notting!

Songs 78:41

Ova an ova, dey wen tes God Fo find out wat he goin do. Dey wen make him come sore inside, Da One dass good an spesho Fo da Israel peopo.

Songs 78:57

Jalike dea ancesta guys, Dey wen bag from God An neva stay tight wit him. Az why God no can trus dem. Dey jalike one bow dat no shoot strait.

Songs 78:8

God no like fo dem ack Jalike dea ancesta guys, Cuz da peopo from dat time, Dey get hard head, An neva like do wat God tell um fo do. Dose peopo, dey neva make shua Dey stay solid inside, Cuz da way dey stay inside, God no trus um.

Songs 89:18

Fo shua, you Da One In Charge, An you wen give us guys da king Dat take kea us guys jalike one shield. You da One dat stay good an spesho, Dat help us Israel peopo, An dat wen give us da king.

Outa Egypt 32:7

Den Da One In Charge tell Moses, “Go back down da mountain quick! Yoa peopo, da one you wen bring outa da Egypt land, dey stay jam up an stay do all pilau kine stuff awready.

Isaiah 1:23

Yoa leada guys, dey go agains me. Dey hang aroun wit steala guys. Dey all like get unda da table kine money Fo eryting dey do. Dey no make jalike one good judge Fo kokua da kids dat no mo faddah o muddah. Dey no even tink notting Bout kokua da widow wahines.

Isaiah 1:28

But da peopo dat go agains me An da ones dat stay do bad kine stuff, I goin bus up all dem. Me, Da One In Charge, an I goin wipe all dem out!

Isaiah 10:6

I goin sen da Assyria army guys agains my peopo Dat ack jalike I no matta. I no can take awready Da bad kine stuff da Israel peopo stay do. Dass why I tell da Assyria peopo Fo come take da Israel peopo rich stuff An take um all away. Jalike dey goin walk on top da Israel peopo An push um down jalike dey mud on top da streets.

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Isaiah 14:20

Dey no goin bury you guys, Jalike dey bury all da odda king guys, Cuz you wen jam up yoa land, An kill yoa peopo. Bumbye, nobody goin talk bout yoa blood line, Cuz all you Babylon king guys Stay do ony wass bad!

Isaiah 29:19

Da peopo dat no need be numba one all da time Dey stay feel good inside one mo time Cuz dey stay tight wit Da One In Charge. Da peopo dat no mo notting goin dance an sing Cuz dey stay tight Wit da God fo da Israel peopo, Da One dat stay good an spesho.

Isaiah 3:8

You know, da peopo inside Jerusalem, Jalike dey no can walk strait. Da peopo inside Judah, Jalike dey stay fall down too. Cuz wit wat dey tell, An wit wat dey do, Dey talk bad bout Da One In Charge An go agains him. Dey tink he no good, no matta he awesome.

Isaiah 30:1

Dis, one message from Da One In Charge: “Bummahs! to da hard head peopo Dat stay go agains me! Dey make one plan an do um, But da plan, not from me. Dey make one deal wit peopo from anodda country, But my Spirit neva tell dem fo do dat. Dey do one bad ting, Den anodda mo worse ting.

Isaiah 30:15

But dis message come from Da One In Charge a me, Da One dat stay good an spesho fo da Israel peopo: “Fo you guys get outa trouble, You gotta come back my side, Fo come so notting bodda you. Fo you guys come strong inside, You gotta stay quiet an trus me.” But you guys still no like lissen!

Isaiah 30:9

Go do dat cuz dis peopo Dey hard head. Dey ony like go agains Da One In Charge. Dey jalike kids dat stay bulai erybody. Da One In Charge stay teach dem plenny, But dey no like lissen.

Isaiah 31:2

But no matta wat dose guys tink, Da One In Charge know wat fo do erytime, An he can make bad tings happen too. Wen Da One In Charge tell someting, He no need change his mind bumbye. He goin go agains da ohanas dat do bad kine stuff. An agains da peopo dat help dem.

Isaiah 37:23

“ ‘Who you wen make shame, Sennakerib?! Who you talk bad bout, aah?! You wen go talk strong agains me! You tink you mo betta den me, Da Good An Spesho God fo da Israel peopo!

Isaiah 41:14

“No sked, you Jacob guys, No matta you no mo powa, jalike one worm. No sked, you Israel guys! I da One goin help you!” Az da spesho message from Da One In Charge, Da Good An Spesho God fo da Israel peopo, Da One dat pay da price Fo get you guys outa trouble.

Isaiah 41:16

Jalike wen you throw da junks up in da air, An da wind blow um, Den one strong wind blow um all away. But you guys goin stay real good inside Cuz you stay tight wit Da One In Charge, An you goin talk plenny bout how awesome Da One In Charge stay, Da Good An Spesho God fo da Israel peopo.

Isaiah 41:20

I goin do dat fo peopo see um. Dass how dey goin know Dat was me, Da One In Charge, wen do all dat Cuz I get da powa fo do um. Dey goin tink plenny bout um, An try fo undastan, Cuz was me, da Good An Spesho God fo da Israel peopo, Wen make all dat.”

Isaiah 5:19

Dat kine peopo tell, “We like God fo hurry up! We like him make fas fo do his work, Fo us guys see da ting Dat da Good An Spesho God fo da Israel peopo Make plan fo do. We like see dat happen quick, Den us guys goin know bout um.

Isaiah 5:24

“Az why, wen dose peopo make lidat, Dey goin come poho, Jalike one plant wit da root all rotten, An da wind blow away all da flowas jalike dus, Jalike da fire burn up da junks from da wheat, An da dry grass no mo wen stay burn. Az cuz dey no take da Rules Dat Da One In Charge, Da God Ova All Da Armies, teach um, An dey ack jalike wateva Da One In Charge tell dem, Stay no good! No matta he da Good An Spesho God fo da Israel peopo,

Isaiah 57:17

Wen dey do bad kine stuff, An dey come greedy fo get eryting fo ony dem, I punish dem, An no do notting good fo dem Cuz I real huhu. But still yet, dey do Wateva dey tink az good.

Isaiah 58:2

Me, da One dey aks wat fo do, ery day! Dey ack jalike dey fo real kine like know how I ack. Dey ack jalike dey one nation Dat stay do wass right erytime, An lissen wat me dea God tell um fo do, Cuz I da Judge. Dey aks me fo judge da right way fo dem. Dey ack jalike dey like Fo me come nea dem.

Isaiah 65:11

“But you guys, you go way from me, Da One In Charge! You foget fo pray On top da mountain dat stay spesho fo me! You guys put up one table fo da Good Luck god, An you pour wine wit spice In front Da God Fo Wateva Goin Happen Bumbye!

Isaiah 65:3

Dose guys, one peopo dat try Fo make me come sore inside erytime. Dey make sacrifice to da idol kine gods inside dea gardens. Dey burn incense fo um on top dea altars dey make from brick.

Isaiah 9:17

Dass why my Boss No goin feel good bout da young guys, He no goin show pity notting Fo dea widows o dea kids dat no mo faddah o muddah. Cuz all dem peopo ack jalike God no matta to dem, An still stay do bad kine stuff. All dem get pilau mout. An Da One In Charge stay huhu wit da Israel peopo still yet, An he stay ready fo bus um up.

Jeremiah 15:6

Dis, da message from Da One In Charge: “You guys da ones dat bag from me awready. You guys no give a rip an you go way from me. So I goin grab you guys an wipe you out. I had it awready! I no goin show you love an pity no moa!”

Jeremiah 2:13

“My peopo wen do two real bad tings: Numba one, dey wen bag from me, No matta I jalike one watta spring Wea da watta come out all da time An make peopo come alive. Numba two, dey go wit odda gods, dass good fo notting. Jalike dey dig big holes fo hold watta, But no can hold da watta!

Jeremiah 2:17

You guys do all dis to you, Cuz you guys wen bag From yoa God, Da One In Charge, Da time he show you guys da way fo go.

Jeremiah 2:19

Da bad kine stuff you guys do, Dass wat goin punish you guys. Da way you guys make deaf ear to me, Dat show proof awready dat you guys stay wrong. Try tink hard, an you goin know Dat eryting come real bad fo you guys, Jalike you haunas! Az cuz you guys bag from me, yoa God, Da One In Charge, An no show respeck fo me.” Dass da message from Da One In Charge, da God Ova All Da Armies.

Jeremiah 2:31

You peopo dat live nowdays, Tink bout wat I tell! Dis me, Da One In Charge! You Israel guys tink I jalike da empty boonies fo you, O I jalike one land wea eryting stay real dark, o wat? How come my peopo tell, “We goin go wea eva we like go! No way we goin go back by you no moa!”?

Jeremiah 2:33

You guys know fo shua how fo make da odda gods love you! You can even teach hoaz da way fo do da mos baddes kine tings!

Jeremiah 2:5

Lissen wat he tell, “How come yoa ancesta guys tell ‘Laytas!’ to me?! Wot?! Dey tink I wen do someting wrong, o wat?! Dey wen pray to da idol kine gods dat good fo notting. Az how come yoa ancesta guys come good fo notting too.

Jeremiah 32:32

I goin dump da town, cuz a all da bad kine stuff da Israel peopo an da Judah peopo stay do fo make me come huhu—dea king guys, dea govmen guys, dea pries guys, an dea guys dat tell dat dey talk fo me, da Judah guys, an da peopo dat live Jerusalem.

Jeremiah 50:29

“Go tell all da guys dat shoot bow an arrow fo come, Da guys dat know how fo make da bow ready fo shoot, Fo dem go attack Babylon town. Go camp all aroun Babylon. No let nobody get outa dea. Pay dem back fo wat dey wen do. Make to dem jalike dey wen make to da odda peopos. Cuz dey wen get big head an go agains Da One In Charge, Da God Dat Stay Good An Spesho fo da Israel peopo.

Jeremiah 51:5

Cuz Da One In Charge, da God Ova All Da Armies, He no goin bag from da Israel an Judah peopo, Jalike one husban leave his wife wen he mahke. No matta da Israel an Judah peopo get plenny blame fo wat dey do, Da way Da One In Charge see um, He da Good An Spesho God fo da Israel peopo.

Jeremiah 7:19

But you tink I da One dey hurt?! No way! Dey ony make lidat fo dem come shame. Dey hurt ony dem wen dey do dat. Az da message from Da One In Charge.

Jeremiah 7:26

But yoa ancesta guys no lissen me o tink bout wat I tell. Dey hard head, an dey do mo plenny bad kine stuff den dea ancesta guys wen do.

Ezekiel 14:5

I goin make lidat fo all da Israel ohana peopo fo make um come back my side. Cuz dey all wen bag from me, an now dey stay tight wit dea idol kine gods.’

Ezekiel 16:33

All dose hoaz take money dea guys give um. But you Jerusalem peopo, you give gifs to all yoa guys! Fo da guys from all aroun you, you give dem money fo come by you fo make sex!

Ezekiel 16:45

You one real girl from yoa muddah. She no can stan her husban an her kids. An you one real sistah wit yoa sistahs. Cuz dey no can stan dea husban an dea kids. Fo shua, yoa muddah was from da Het peopo an yoa faddah from da Amor peopo!

Daniel 9:11

All da Israel peopo wen make deaf ear fo da rules you wen teach, an go da odda way from you, an tell dat dey no goin lissen you. “Az why, jalike you wen drop on top us guys all da bad tings dat Moses yoa worka guy wen write down inside da rules. You wen make one promise dat dese bad tings goin happen if us guys no do da tings we wen make one deal wit you fo do. All dat bad stuff stay happen to us cuz we do bad kine stuff agains you.

Zefaniah 1:6

An I goin wipe out da peopo dat wen bag from me, Da One In Charge, An tell me fo help dem, O try find out from me wass good fo dem do.

Census 32:14

“So hea you guys stay now, braddahs dat do bad kine stuff. You stay ack hea jalike yoa faddah guys wen ack. You guys goin make Da One In Charge come even mo mad still yet wit you Israel peopo!

Matthew 11:28

“All you guys dat stay work hard an carry heavy kine stuff dat make you come wore out, come! Go come ova hea by me. I goin give you guys res.

Matthew 23:33

You guys jalike da poison snakes, an you guys come from one snake ohana! You guys tink God da Judge goin let you guys go? No way! You tink you guys not goin go Hell? No way!

Matthew 3:7

Plenny Pharisee guys an Sadducee guys come fo him baptize dem too. He see um, an tell, “Eh you guys! You guys jalike one snake ohana! God had it wit all da bad kine stuff you do. He goin punish you guys fo dat. No way you guys goin get away!

Rome 8:7

An if you tink fo do bad kine stuff an ack da way yoa body like you fo ack, cuz dass how you stay inside, you go agains God erytime. Dat mean, you no do wat da Rules From God tell—cuz you no mo da powa fo do um.

1 Corint 10:22

Wat you guys tink? Us goin make Da One In Charge come huhu wit us, o wat? No good we make lidat. O, you tink us guys mo strong den him?

Rules Secon Time 29:25

“An some odda peopo goin tell, ‘Az cuz da peopo dea no like take da Deal dat Da One In Charge, da God fo dea ancesta guys, wen make wit dem wen he bring dem outa Egypt.

Rules Secon Time 31:16

Da One In Charge tell Moses, “You get litto bit mo time, an you goin go res wit yoa ancesta guys. But dese peopo, dey goin go down in front da odda gods dat da diffren peopos pray to ova dea inside da land dey goin go inside fo take ova. Dey goin do tings wit dose gods, jalike wen peopo go fool aroun behind dea husban o wife back. Dey goin bag from me, an broke da deal I wen make wit dem.

Rules Secon Time 32:19

Da One In Charge see wat his peopo stay do. Az why he throw um out, An no like dem be his peopo no moa, Cuz he tell “Laytas” to wat his boys an girls stay do.

Rules Secon Time 32:5

But you Israel peopo, You do pilau kine stuff dat he no like. You not his kids no moa, Cuz you all jam up inside. You all crooked an kapakahi kine peopo.

Colosse 1:24

Christ wen suffa plenny, an right now I stay suffa plenny too. But no matta I suffa, I stay plenny good inside. If still yet get peopo dat gotta suffa, I like be da one fo suffa plenny fo dem. Az jalike how Christ wen suffa cuz dey stay inside Christ ohana, you know, da church.

Jesus Show 18:5

Cuz all da bad kine stuff da Babylon peopo stay do, Real plenny, jalike dey stack up to da sky! I know all da tings dey do dat no stay right.

Local Leadas 10:10

Den da Israel peopo yell to Da One In Charge fo help um. Dey tell, “Us guys wen do bad kine stuff agains you! We wen bag from you, oua God, an work fo da Baal gods!”