Isaiah 1:30 - Hawaii Pidgin Bible

³⁰ Cuz a dat, you guys goin come jalike one oak tree Wit leaf dat stay come all dry up. An jalike one garden Dat no mo watta.

Isaiah 1:30 ပူးပေါင်းရင်းမြစ်များ

Start 12:6

Den Abram dem start fo go from one side Canaan land to da odda side. Dey come one place, Shekem town. Get one real big tree dea at Moreh, an dey stay dea. Da Canaan peopo dat live ova dea awready go Moreh fo find out wat dea gods like dem fo do.

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

Isaiah 58:11

Da One In Charge goin show you guys Wea fo go all da time. He goin take kea wateva you guys need, No matta da sun stay hot an burn up da land. He goin make you guys stay strong An feel good. You goin be jalike one garden dat get plenny watta, Jalike one watta puka wea da watta no pau come out.

Isaiah 64:5

You come fo help da peopo dat do da right ting An stay good inside cuz a dat, An no foget how you make. But fo shua, wen us still do bad kine stuff, You wen stay huhu! Az why us gotta live how you like us live An live lidat foeva! Dass da ony way us goin get outa trouble!

Isaiah 64:6

All us guys wen come Jalike somebody dat do pilau kine stuff An no can come in front you, Da One In Charge, cuz a dat. All da tings we do fo show we stay do da right ting, Jalike pilau an dirty kine rags. We all lose fight, jalike one dry up leaf. An da bad kine stuff we do, wipe us out Jalike wen da wind blow away da leaf.

Jeremiah 31:12

Dey goin come back yelling cuz dey stay good inside, On top da hill wea Da One In Charge stay, Zion side. Dey goin smile plenny cuz Da One In Charge give um plenny— Wheat an barley, new wine an olive oil, Young sheeps, goats, an cows. Dey goin stay jalike one garden dat get plenny watta. Dey no goin lose fight no moa.

Ezekiel 17:24

Jalike all da cedar trees in da fores goin know dis: Me, Da One In Charge, da One goin bring down da tall trees an make da short trees come tall. I goin make da green trees come dry an make da dry trees grow good. “ ‘Me, Da One In Charge wen tell all dis, an I da One goin do um.’ ”

Matthew 21:19

He spock one fig tree by da road. He go ova dea, an ony find leafs, no mo fruit notting. He tell um, “You no goin give fruit no moa!” Right den an dea da fig tree go dry up.