Isaiah 1:26 - Hawaii Pidgin Bible

²⁶ Den I goin bring good kine judge guys fo you guys, jalike befo time. An akamai kine peopo dat can tell you guys wat fo do, Jalike you guys wen get da firs time. Afta dat, peopo goin call you guys ‘Da big town wea erybody do da right ting,’ An ‘Da town wea you can trus da peopo.’ ”

Isaiah 1:26 ပူးပေါင်းရင်းမြစ်များ

Isaiah 1:21

Bummahs! You see da peopo inside da big town Dat I wen trus befo time, Dey come jalike one hoa. Befo time, dey stay tight wit me, An wen dey judge peopo, dey do um da right way. All da time dey stay do wass right. But now, ony get guys ova dea Dat ony like kill peopo!

Isaiah 2:3

Den plenny peopos goin go dea an tell, “Come on. We go up da hill wea da Temple stay, Da Temple Fo Da One In Charge, da God Jacob pray to. He goin teach us guys wat he like us fo do, An we goin do um.” Wat Da One In Charge teach goin come from him, From Zion Hill inside Jerusalem town.

Isaiah 33:5

Da One In Charge, he da greates! He live high on top da mos importan place! All ova Jerusalem town He goin make shua da judge guys judge da right way An da peopo do right kine tings.

Isaiah 54:14

You guys goin come solid Cuz you stay do da right ting erytime, No mo nobody goin put presha on you guys, An you no need stay sked no moa. Cuz da tings dat make you sked, No even goin come nea you guys.

Isaiah 60:14

Get peopo befo time Dat wen make any kine to you guys, Dea kids goin come by you guys An go down in front you guys. Erybody dat wen ack jalike dey tink you no good, Dey goin go down on top da groun by yoa feets. Dey goin call yoa town, ‘Da One In Charge Town, Zion Town, Da Town Fo Da One Dat Stay Good An Spesho fo da Israel peopo.’

Isaiah 60:21

“Dat time, all yoa peopo goin do da right tings. Dey goin own da land foeva, Jalike I plant one young plant An put um dea. Me, I do all dat Fo peopo see dat I awesome.

Jeremiah 31:23

Dis wat Da One In Charge, da God Ova All Da Armies, da God fo da Israel peopo, tell: “Da peopo inside da Judah ohana land, dat live inside da towns ova dea, I goin bring dem back from wea dey stay prisonas. An wen I do dat, dey goin talk lidis one mo time: “ ‘I like fo Da One In Charge do good kine stuffs fo Jerusalem town, Cuz da One Dat Do Wass Right Erytime, live dea. I like him do da same ting fo da hill dat stay spesho fo Da One In Charge!’

Jeremiah 33:11

bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.

Jeremiah 33:7

I goin bring back da Israel an Judah peopo dat was prisonas ova dea Babylon side. I goin make um strong one mo time, jalike how was befo time.

Ezekiel 45:8

Dat piece land goin be fo da prince guy inside Israel. An my princes no goin put presha on top my peopo no moa. Dey goin let da Israel peopo take ova da land fo dea ohanas.

Micah 4:8

Jerusalem on top da hill, Goin stay jalike one watch towa. From dea, God goin watch ova his peopo, Jalike one sheep guy watch ova his sheeps. All da places wea da ol kings stay in charge befo time Goin get Jerusalem fo dea main town one mo time. Goin get king guys fo da Jerusalem peopo.

Zefaniah 3:13

“Da Israel peopo dat still stay alive, Dey no goin do wrong kine stuff. Dey no goin bulai peopo. Dey no goin tell stuff you no can trus. Jalike sheeps dat eat grass an den res, No mo notting goin make dem run away sked.”

Zefaniah 3:9

“Dat time, I goin clean up da way all da peopos talk, So dey talk good kine bout me! Den all a dem goin call out to me, Da One In Charge, fo help um, Cuz dey know wat kine god me. Dey all goin work togedda fo me.

Zekariah 8:3

Dis wat Da One In Charge tell: “I goin go back Mount Zion, an live inside Jerusalem town. Den dey goin call Jerusalem, ‘Da big town wea erybody tell da trut.’ An da mountain dat I own, me, Da One In Charge, Da God Ova All Da Armies, dey goin call um ‘Da Mountain Dat Stay Spesho Fo Da One In Charge.’ ”

Zekariah 8:8

I goin bring dem back fo live inside Jerusalem. Dey goin be my peopo, an I goin be dea God. Dey goin know dat dey can trus me, an dat I goin do da right kine tings fo dem.”

Census 12:3

(You gotta know dat dis Moses guy erytime make um so he come las, mo den all da odda peopo on top da earth.)

Census 16:15

Den Moses come real huhu. He tell Da One In Charge, “No take da sacrifices dey give you! I neva take even one donkey from dem, an I neva do notting agains dem!”

Jesus Show 21:27

But da kine peopo dat no can go in front God, dey no can go inside da town. Same ting fo da peopo dat do pilau kine stuff an bulai peopo, dey no can go inside da town. Ony da peopo dat God Bebe Sheep Guy get dea names inside his Book, Da Book Dat Tell Who Get God Kine Life, dey can go inside God big town.