Isaiah 1:25 - Hawaii Pidgin Bible

²⁵ I goin go agains you Jerusalem guys too, Jalike I goin put you inside da fire Fo take out all yoa junk kine stuff from inside you.

Isaiah 1:25 ပူးပေါင်းရင်းမြစ်များ

Songs 119:119

Da peopo inside da world Dat stay do bad kine stuff, You treat um jalike dey rubbish. Dass why I get love an aloha Fo da tings you tell me ova an ova.

Isaiah 1:22

Jalike you melt silva metal, An keep da junks dat come up, But throw way da good kine silva. An yoa good wine jalike ony half watta.

Isaiah 27:9

Dass wat God goin do fo pay da price, Fo hemo da shame fo da Jacob ohana. Dass wat goin happen Wen God throw out all da bad kine stuff dey wen do. Den, God goin make all da stones Inside da altars fo da odda gods Come jalike chalk wen somebody smash um. Da poses wea dey pray to da wahine god Asherah An da altars wea dey burn da incense fo da odda gods, Dey no goin stan dea no moa.

Isaiah 4:4

My boss goin clean up All da pilau kine stuff da Jerusalem wahines wen do. Jalike he goin wash clean da Jerusalem peopo Cuz dey wen make plenny oddas bleed an mahke. His Spirit goin be dea judge An jalike wit one fire, he goin clean out all da bad kine stuff.

Jeremiah 6:29

Az jalike one ledda bag you use fo blow da fire real strong Fo burn up da junks fo clean da metal, But still yet, wase time, fo get da good kine metal, Cuz da fire no stay hot enuff fo burn out da junks. Da bad guys still stay dea!

Jeremiah 9:6

Wea you live, erybody bulai erybody. An cuz dey bulai, No way dey goin tell dat I dea God.” Az da message from Da One In Charge.

Jeremiah 9:7

Az why dis wat Da One In Charge, da God Ova All Da Armies, tell: “Look! I goin tes dem Jalike wen peopo melt metal fo tes if stay good o no good. Dass da ony ting I can do! Cuz I get love an aloha fo my peopo. But dey wen go do plenny bad kine stuff!

Ezekiel 20:38

I goin throw out yoa peopo dat go agains me an bag from da deal you guys get wit me. No matta I bring dem outa da land wea dey stay prisonas, dey still yet no goin go inside da Israel land. Den you guys goin know dass me Da One In Charge dat do dat.

Ezekiel 22:19

Az why Da One In Charge, da Boss, tell dis: Cuz all you guys come jalike da no good kine junk metal, I goin bring you guys togedda inside Jerusalem town. Dass wat I goin do.

Ezekiel 22:20

Jalike peopo bring silva dat get coppa, iron, lead, an tin inside um, den put um inside one real hot fire, an blow air on top um fo melt um. Az how I goin bring you guys togedda. An I goin blow fire on top you guys cuz I stay real huhu. I goin put you guys inside da big town an melt you guys.

Ezekiel 22:22

Jalike peopo melt da silva inside one fire, you guys goin come melt inside da big town. An you guys goin know dass me Da One In Charge wen show how mad I stay agains you guys.”

Zefaniah 3:11

Dat time, you guys no goin get shame, Fo all da wrong kine stuff you guys wen do agains me! Cuz den, I goin take away from Jerusalem town All da peopo dat feel good cuz dey get big head. You guys no goin ack high makamaka no moa, On top da hill dat stay spesho fo me.

Malakai 3:3

Da messenja guy goin make jalike da guy Dat melt da silva fo take out da junk stuff. Da guys dat come from Levi, He goin make dem come all clean inside. He goin throw out all da junk kine stuff inside dem, Jalike he melt da gold an silva fo burn up da junks. Den, da Levi peopo goin be da ones Dat make da sacrifices fo Da One In Charge. Cuz den, dey goin be da kine peopo Dat stay do da right ting.

Matthew 3:12

Jalike he goin throw all da wheat fo let da wind blow all da no good parts from da wheat, an den he goin put dat wheat inside da storage place. Afta dat, he goin burn all da no good parts inside da fire dat no goin pio eva.”

Rules Secon Time 32:43

All you peopos, yell plenny Cuz you stay good inside Wen you tink bout da peopo a Da One In Charge! Cuz he goin pay back da ones dat wen kill his worka guys. He goin pay back da peopo dat stay agains him. He goin make his peopo an land Come pono wit him one mo time.

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.