Isaiah 1:23 - Hawaii Pidgin Bible

²³ Yoa leada guys, dey go agains me. Dey hang aroun wit steala guys. Dey all like get unda da table kine money Fo eryting dey do. Dey no make jalike one good judge Fo kokua da kids dat no mo faddah o muddah. Dey no even tink notting Bout kokua da widow wahines.

Isaiah 1:23 ပူးပေါင်းရင်းမြစ်များ

2 Records 36:14

Same time, all da leadas fo da pries guys an da peopo do mo an mo tings dat show Da One In Charge no can trus dem. Dey do all da pilau kine stuff dat da odda peopos do. Dey make da Temple Fo Da One In Charge come pilau so no can pray dea. Neva mind dass da place dat Da One In Charge wen make spesho fo him inside Jerusalem.

Outa Egypt 23:8

No take dirty money notting, cuz dat kine money make da guy dat suppose to know wass right, jalike he blind an no can see notting, an make da judge figga, dat da peopo dat do da right ting, dey da bad guys.

Smart Guys 17:23

Da bad guys, dey give money unda da table Fo make shua da judge no judge da right way.

Smart Guys 29:24

If you help one steala guy fo steal stuff, Fo shua, you hate yoa life! You hear dat get kahuna on top you if you no tell wat you know, But still yet, you no tell notting!

Isaiah 1:17

Learn how fo do wass good. Go all out fo do wass right. Kokua da peopo dat need help Fo da bad tings da bad guys do to dem. Da kids dat no mo faddah o muddah, help dem. Talk in court fo help da widow wahines.”

Isaiah 1:18

Da One In Charge tell: “Come, we go talk togedda bout dis ting. No matta all da bad kine stuff you wen do Look jalike one big red spot now, But dey goin come white jalike da snow. No matta now jalike dey stay dark red, Dey goin come white jalike da wool.

Isaiah 1:22

Jalike you melt silva metal, An keep da junks dat come up, But throw way da good kine silva. An yoa good wine jalike ony half watta.

Isaiah 28:14

Cuz a dat, lissen wat Da One In Charge tell, You guys like laugh at God, You guys dat stay in charge a dis peopo inside Jerusalem!

Isaiah 3:14

Da One In Charge da One goin judge da older leadas An da odda ones dat stay lead his peopo. He tell dem, “You, jalike da guys Dat wen bus up my grape fields. All da stuff you guys wen rip off From da peopo dat no mo notting, All dat stuff you guys take um Inside yoa houses.

Isaiah 30:1

Dis, one message from Da One In Charge: “Bummahs! to da hard head peopo Dat stay go agains me! Dey make one plan an do um, But da plan, not from me. Dey make one deal wit peopo from anodda country, But my Spirit neva tell dem fo do dat. Dey do one bad ting, Den anodda mo worse ting.

Isaiah 33:15

Da peopo dat no need stay sked, Dey da ones stay do da right kine stuff, An tell wat stay right. Dey no presha peopo Fo take dea stuff fo come rich, An dey no even touch Da unda da table kine gif, Dey make deaf ear Wen peopo plan fo kill somebody. An no make jalike dey donno Wen somebody like do bad kine stuff.

Isaiah 5:23

Dat kine guys, wen somebody do wrong kine stuff, Dey give da judge money Fo make um look jalike dey stay do eryting right. But fo da peopo dat stay do da right ting fo real kine, Dey take away dea rights.

Isaiah 65:2

“All day, I put out my hand To da peopo dat stay go agains me. Dey do stuff dass no good. Dey like do ony wat dey like do, An dass wat dey goin do.

Jeremiah 22:17

“But you, Jehoiakim, you ony like get Wat you can rip off from da real owna! You like kill da peopo dat neva do notting wrong. You like make sly kine fo make peopo pay you extra fo wat you do fo dem. You bus up peopo an you no give a rip!”

Jeremiah 32:32

I goin dump da town, cuz a all da bad kine stuff da Israel peopo an da Judah peopo stay do fo make me come huhu—dea king guys, dea govmen guys, dea pries guys, an dea guys dat tell dat dey talk fo me, da Judah guys, an da peopo dat live Jerusalem.

Jeremiah 4:17

Da army guys goin make circle aroun da Judah towns, Jalike wen da farma guys guard dea field. Cuz da Judah peopo wen go agains me.” ’ ” Az da message from Da One In Charge.

Jeremiah 5:5

Az why I goin go by da leada guys an talk to dem. Fo shua dose guys know how Da One In Charge like fo dem live An wat dea God tell Bout wass right an wass wrong. But all dem guys ack jalike cows An broke off God yoke An broke da rope dat tie dem wit him.

Jeremiah 5:6

Az why da lions from da fores Goin attack dem. Da wild dogs from da up country boonies goin wipe um out. Da leopards goin wait fo dem nea da towns Fo jump whoeva go outside. Dis goin happen cuz dey go agains me ova an ova, An dey go da wrong way plenny times.’ ”

Ezekiel 12:2

“Eh! Fo Real Kine Guy! You live wit one peopo dat erytime go agains me. Dey get eyes fo see, but dey no see, an ears fo hear, but dey no hear, cuz dey erytime go agains me.

Ezekiel 22:27

Da Israel leadas ack jalike da wolfs dat rip up animals an make um bleed. Dey wipe out peopo cuz dey greedy fo do wass wrong fo make money.

Hosea 4:18

Even wen dey no mo booze, dey still stay fool aroun. Dea leadas ony like make shame fo real kine.

Hosea 5:10

Da Judah leada guys ack jalike da steala guys Dat move da stones dat show wea da edge a one field stay. I goin come real huhu wit dem I goin hit um Jalike one wattafall.

Hosea 9:15

Da One In Charge tell, “Cuz a all da bad kine stuff my peopo wen do Gilgal side, Ova dea I wen start fo hate dem. Cuz a da bad kine tings dey stay do, I goin kick dem outa my land. I no goin love dem no moa. All dea leadas stay go agains me.

Amos 5:12

Eh! I know how much stuff you guys do agains me. I know all da diffren ways you guys do bad kine stuff! You guys, you stay agains da peopo dat do da right ting. You guys like get money from unda da table, You guys like put presha on peopo Az why da ones dat need help from da judge, no goin get help!

Micah 3:11

Dea main guys take unda da table kine money Fo judge dat da guy dat pay um, he da one stay right. Dea pries guys teach da Rules from God, But ony if da peopo pay um too. Da guys dat tell dey talk fo God, Make da peopo pay fo tell dem wat goin happen. But same time dey talk bout how dey trus Da One In Charge, an tell: ‘Da One In Charge stay hea wit us guys. So no mo notting bad goin happen to us guys!’

Micah 3:9

“Lissen up now, you leada guys dat come from Jacob, An you main guys dat stay in charge a da Israel ohana! You guys tink az pilau, wen da judges judge da right way! You guys take eryting dass right, An make um come all kapakahi.

Micah 6:12

All da rich guys from Jerusalem ony like bus up peopo. Da peopo dat live ova dea stay bulai erytime. Erytime dey talk, dey make scam.

Micah 7:3

Fo do bad kine stuff, dey go all out! Da alii guys aks fo gifs fo make dem come rich. Da judge guys aks fo unda da table kine money fo do dea job. Da importan guys tell wat dey like erytime. Dey all make plan togedda fo do um.

Zekariah 7:10

No put presha on da widows o da kids dat no mo faddah, o da peopo from anodda place, o da peopo dat no mo notting. No make plan fo scam each odda.

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

Census 22:7

Da older leadas fo Moab an Midian go, an take wit dem da money fo give Balaam fo put kahuna on top da Israel peopo. Wen dey come by Balaam, dey tell him wat Balak wen tell um.

Matthew 21:13

He tell all dose peopo, “Da Bible tell, ‘My temple goin be one house fo pray inside.’ But you guys stay make um jalike one hangout fo crooks!”

Mark 11:17

He teach um, “Da Bible tell, ‘My temple goin be one house fo all da peopos all ova da world fo pray inside.’ But you guys stay make um jalike one hangout fo crooks!”

Luke 19:46

He tell, “Da Bible tell, ‘My Temple goin be one house fo pray inside.’ But you guys stay make um jalike one hangout fo crooks!”

Luke 24:27

An den Jesus teach dem eryting da Bible tell bout him from befo time. He start wit da stuff Moses wen write down inside da Rules, an den all da odda guys dat wen talk fo God, wat dey wen write down.

Rules Secon Time 16:19

No judge da wrong way, an no make mo spesho fo some peopo. No take money from peopo fo you do tings fo dem. Cuz dat make da peopo dat know wat fo do erytime jalike dey no can see, an make da peopo dat do wass right erytime jalike dey donno notting.

James 1:27

God oua Faddah, he figga lidis: Da guy dat stay religious fo real kine, an no do notting pilau, he da one goin kokua da peopo dat get hard time—da kids dat no mo faddah o muddah, an da wahines dat no mo husban fo take kea dem. Dat kine guy, he no goin let da peopo inside da world make him do bad kine stuff.

1 Samuel 8:3

But Samuel boys no do stuff jalike dea faddah. Dey go da wrong way fo da money. An dey take unda da table money too! Dey suppose to judge wass right an wass wrong. But erytime, dey make shua dat dey judge da wrong way.