Isaiah 1:22 - Hawaii Pidgin Bible

²² Jalike you melt silva metal, An keep da junks dat come up, But throw way da good kine silva. An yoa good wine jalike ony half watta.

Isaiah 1:22 ပူးပေါင်းရင်းမြစ်များ

Songs 119:119

Da peopo inside da world Dat stay do bad kine stuff, You treat um jalike dey rubbish. Dass why I get love an aloha Fo da tings you tell me ova an ova.

Isaiah 1:21

Bummahs! You see da peopo inside da big town Dat I wen trus befo time, Dey come jalike one hoa. Befo time, dey stay tight wit me, An wen dey judge peopo, dey do um da right way. All da time dey stay do wass right. But now, ony get guys ova dea Dat ony like kill peopo!

Isaiah 1:23

Yoa leada guys, dey go agains me. Dey hang aroun wit steala guys. Dey all like get unda da table kine money Fo eryting dey do. Dey no make jalike one good judge Fo kokua da kids dat no mo faddah o muddah. Dey no even tink notting Bout kokua da widow wahines.

Hosea 4:18

Even wen dey no mo booze, dey still stay fool aroun. Dea leadas ony like make shame fo real kine.

Hosea 6:4

But Da One In Charge tell, “Wat I goin do wit you Efraim peopo? Wat I goin do wit you Judah peopo? Wen you guys tink you stay tight wit me, Az jalike da mist dat disappea morning time. Jalike da dew dat come early an den go way.

2 Corint 2:17

Us guys, we not like plenny odda peopo dat teach wat God tell, ony fo make money. No way! Az why wen us guys talk fo God, erybody see dat us fo real, an da stuff we tell come from God. Us do um fo God see us do um, cuz we stay tight wit Christ.