Isaiah 1:19 - Hawaii Pidgin Bible

¹⁹ If you guys like lissen, An tink da same ting jalike me, You goin eat all da good stuff from da land.

Isaiah 1:19 ပူးပေါင်းရင်းမြစ်များ

Isaiah 25:6

On top dis mountain, Jerusalem side, Da One In Charge, Da God Ova All Da Armies, He goin make one big luau fo all da diffren peopos. Goin get da bestes kine food, All da bestes kine wine, An good kine meat wit plenny good stuff inside da bone, Ol kine wine dat no mo junks awready.

Isaiah 3:10

Tell da guys dat do da right kine stuff, Dat eryting goin come out good fo dem. Cuz dey goin get wat dey work fo, Wit da good kine stuff dey make.

Isaiah 58:14

If you guys stay do all dat, Den you guys goin feel good inside Cuz you stay tight wit me, Da One In Charge. I goin let you guys ride on top da mos high places in da land, Cuz you guys goin be da ownas. I goin make shua you guys get plenny food fo eat From da same land Dat I wen make one promise Fo give um to yoa ancesta Jacob. Dass wat I goin do cuz me Da One In Charge, An dass wat I tell!”

Isaiah 65:13

Az why Da One In Charge a me tell dis: “You know wat? My worka guys goin eat, But you guys goin stay hungry. My worka guys goin drink, But you guys goin stay thirsty. My worka guys goin stay good inside an dance an sing, But you guys goin come shame.

Jeremiah 21:8

“Tell da peopo dis too: ‘Dis wat Da One In Charge tell: Lissen up! I give you guys two tings—you guys can pick fo stay alive o fo mahke!

Jeremiah 7:3

Dis da message from Da One In Charge, da God Ova All Da Armies, da God Fo Da Israel Peopo: Change da way you live an how you ack! Den I goin let you guys stay live dis place.

Jeremiah 7:5

If you guys change da way you live an how you ack fo real kine, dis how goin be: You guys goin do da right ting fo each odda.

Jeremiah 7:7

If dass how you guys goin live, den I goin let you guys live dis place. Cuz I wen give dis land to yoa ancesta guys long time befo time, an foeva.

Joel 2:26

Now you guys goin get plenny food fo eat. You guys goin come full. You guys goin talk good bout yoa God, Da One In Charge. He wen do plenny good kine stuff fo you guys. You guys my peopo, an you no goin lose face one mo time.

Prieses 25:19

Den da land goin give plenny food, an you guys goin get plenny fo eat, an live good ova dea, an no need worry notting.

Prieses 26:3

“If you guys live da way I tell you gotta live, an lissen up real good wat I tell you fo do,

Prieses 26:5

You guys goin stay shake da barley an wheat from da junk kine stuffs till time fo harves grape. An den da grape plants goin give fruit, till time fo plant seed one mo time. You guys goin eat all da food you like, an you goin stay shua you no need worry notting inside yoa land.

Haggai 1:12

Den Zerubbabel, Shealtiel boy, an Joshua, Jehozadak boy, da Main Pries Guy, an all da res a da peopo dat stay dea, dey lissen wat dea God, Da One In Charge, tell. Dey lissen wat Haggai tell, da guy dat talk fo Da One In Charge, cuz was Da One In Charge, dea God, dat wen sen Haggai. Dass why da peopo start fo respeck Da One In Charge.

Rules Secon Time 28:1

Moses tell: “If you guys lissen fo real kine to oua God, Da One In Charge, an make shua you do eryting I stay tell you today fo do, den he goin make you guys come mo importan den all da odda peopos on top da earth.

Hebrews 5:9

Christ wen come perfeck, an now he da One dat take all da peopo dat lissen him outa da bad kine stuff dey stay do. An he help um stay perfeck lidat foeva.