Isaiah 1:18 - Hawaii Pidgin Bible

¹⁸ Da One In Charge tell: “Come, we go talk togedda bout dis ting. No matta all da bad kine stuff you wen do Look jalike one big red spot now, But dey goin come white jalike da snow. No matta now jalike dey stay dark red, Dey goin come white jalike da wool.

Isaiah 1:18 ပူးပေါင်းရင်းမြစ်များ

Job 9:33

I like fo somebody come between us fo tell us who right! Fo somebody put his hand on top God an me same time! But no mo nobody fo do dat!

Songs 51:7

Make me come clean inside Fo no do bad tings no moa! Jalike wen da pries guys make one sacrifice An sprinkle da blood Wit one oregano branch, Fo me come clean inside fo pray! Wash me good till I come Mo clean inside, Mo clean den da white snow!

Songs 51:9

No look da bad tings I wen do. Hemo da shame Fo all da wrong kine tings I wen do.

Isaiah 1:23

Yoa leada guys, dey go agains me. Dey hang aroun wit steala guys. Dey all like get unda da table kine money Fo eryting dey do. Dey no make jalike one good judge Fo kokua da kids dat no mo faddah o muddah. Dey no even tink notting Bout kokua da widow wahines.

Isaiah 3:13

But Da One In Charge, he go in front da court fo make argue. He stan up fo judge da peopo.

Isaiah 41:1

Da One In Charge tell: “No tell notting, jus lissen, You islan peopos! An all you peopos, try fo change Fo come mo strong. Try come ova hea by me, Den we talk. Good erybody come togedda by me, da Judge.

Isaiah 41:21

Da One In Charge, da king fo da peopo dat come from Jacob, he tell, “You peopo dat pray to da idol kine gods, I da Judge. How come you no come in front me?! Tell me wat you make argue bout!

Isaiah 44:22

You guys go agains me plenny. Wat you wen do, was jalike one black cloud. But I wen wipe all dat out! You wen do plenny bad kine stuff, An dat was jalike get cloud all ova da place. But I wen hemo da shame fo all dat! Go come back by me! Cuz I wen pay da price Fo let you guys go awready.”

Isaiah 50:8

Da One dat goin show peopo dat I stay right, He stay nea me. Whoeva like poin finga me, I like fo him an me stan togedda in front da judge! Let him come in front me fo him tell me!

Isaiah 55:7

Fo da bad kine peopo, Da ones dat stay make trouble, Az good dey bag from da stuff Dey do befo time, An no tink bad kine stuff no moa. Mo betta dey turn back to Da One In Charge, Cuz he goin show pity fo dem. Wen dey turn back to oua God, He goin do plenny fo let dem go Fo wat dey wen do befo time, An hemo dea shame.

Jeremiah 2:5

Lissen wat he tell, “How come yoa ancesta guys tell ‘Laytas!’ to me?! Wot?! Dey tink I wen do someting wrong, o wat?! Dey wen pray to da idol kine gods dat good fo notting. Az how come yoa ancesta guys come good fo notting too.

Ezekiel 18:27

An maybe one bad kine guy goin walk away fo do bad kine stuff. Maybe da guy goin make up his mind fo do wass right an pono. Den dat guy, he goin get da real kine life an he no goin get cut off from me.

Ezekiel 33:16

I goin foget da bad kine stuff he wen do. Now he stay do wass good an wass right. Dat guy goin live fo shua.

Micah 6:2

“Lissen wat me Da One In Charge tell Fo poin finga my peopo. Let da mountains hear dat. Dey da strong foundations Fo da earth dat stay foeva. Lissen cuz Da One In Charge know How come he poin finga his peopo, Da Israel peopo!

Jesus Guys 17:2

Paul go da Jew church, jalike he erytime go. Fo three week on da Res Day, he talk to dem bout da Bible.

Jesus Guys 18:4

Ery Res Day he talk plenny wit da Jew guys an da peopo dass not Jew guys inside da Jew church fo help um trus da Good Stuff Bout Jesus.

Jesus Guys 24:25

Paul tell um gotta get um right wit God, do da right stuff, cuz us guys goin stan in front God da Judge bumbye. Den Felix come sked, an he tell, “Nuff awready! Go back inside. Wen I like lissen you moa, I goin tell you fo come one mo time.”

Rome 5:20

God give us his Rules so erybody know how real bad da bad kine stuff stay. But wen you get peopo do bad kine stuff mo an moa, God do mo an mo plenny good kine stuff.

Jesus Show 7:14

I tell him, “Mista, I donno. But you know!” He tell, “Dis all da peopo dat come out from da big trouble. Da Bebe Sheep Guy, he make um clean inside, cuz he wen bleed an mahke fo dem. Dey all clean inside, jalike wen peopo wash dea clotheses clean, an make um come white.

1 Samuel 12:7

So, stan up right hea in front God da judge. Cuz I goin ack jalike one lawya guy in front Da One In Charge, fo show proof dat Da One In Charge wen do da right tings fo you guys an yoa ancesta guys we he get you guys outa trouble.