Isaiah 1:16 - Hawaii Pidgin Bible

¹⁶ Wash! Go come clean inside! Throw out all da bad kine stuff you stay do. No do wass wrong no moa, Dass right; no do um no moa!

Isaiah 1:16 ပူးပေါင်းရင်းမြစ်များ

2 Kings 17:13

Da One In Charge wen tell all da guys dat talk fo him, an all da guys dat get dream an know wat goin happen, “Tell da Israel an Judah peopo, ‘No go do da bad kine stuff you stay do no moa! Do wat I wen tell you guys fo do, da tings you suppose to do, jalike all my Rules tell. Dis da Rules I wen give yoa ancesta guys, an dis wat I wen sen my guys dat talk fo me fo tell you guys.’ ”

Songs 26:6

Eh! You Da One In Charge! Inside yoa Temple, I goin wash my hands Fo show dat I neva do notting wrong. Den I goin walk aroun yoa altar fo make da sacrifice ready.

Songs 34:14

No go do bad kine stuff. Ony do good kine stuff. Work hard fo be frenz wit erybody.

Songs 37:27

Get away from da bad kine stuff, An do good. Den you goin live on top da land Da One In Charge give you, foeva.

Songs 51:2

Make me come all clean inside, Cuz wat I wen do, no was right. Make me come all clean inside Fo me pray one mo time.

Smart Guys 21:3

Wen us guys stay do wass right An judge da right way, Da One In Charge tink az mo betta Den jus fo make one sacrifice.

Smart Guys 4:27

No go way from dat good road, No go right side o lef side. If get any place wea you can do bad kine stuff, You betta go da odda way!

Isaiah 52:11

Get away! Get away! Get outa Babylon! No touch notting dat not spesho fo Da One In Charge! Get outa dea! Make shua you clean fo go inside da Temple fo pray! Dass cuz you guys stay carry da tings fo Da One In Charge Dat go inside da Temple.

Jeremiah 18:11

“Az why you gotta tell all dis to all da Judah peopo an da Jerusalem peopo: ‘Dis da message from Da One In Charge: Watch out! I da One stay make ready all da bad kine stuff goin happen to you guys. I da One stay make one plan agains you guys. All you guys betta not do da bad kine stuff no moa, an betta change how all you guys ack.’

Jeremiah 25:5

Da guys dat talk fo God wen tell dem dis: ‘All you guys gotta change da way you tink! You gotta change an no do bad kine tings no moa! Den you can come back fo live inside da land Da One In Charge wen give you guys an yoa ancesta guys fo real long time.

Jeremiah 26:3

Maybe dey goin lissen, an no do da bad kine stuff all a dem stay do. If dey do dat, I goin change da way I goin make to dem. I goin hold back da bad kine stuff I wen plan fo do to dem cuz a da bad kine stuff dey stay do.

Jeremiah 35:15

Plenny times, I tell all my worka guys dat talk fo me fo go by you guys. Dey tell you: All you guys, one by one, no do da bad kine stuff you guys stay do no moa. You gotta start fo do wass right. No follow da odda gods an work fo dem. Den fo shua you guys can come back fo live on top da land I wen give you guys an yoa ancesta guys. But you guys still no use yoa ears fo lissen me.

Jeremiah 4:14

Eh you Jerusalem peopo, throw out da bad kine stuff from inside you, Fo Da One In Charge get you guys outa trouble! How long you guys goin make plan Fo do wrong kine tings?!

Amos 5:15

Go all out fo hate da bad kine stuff An get love an aloha fo da good kine stuff. Make shua you pick da judges dat goin tell wass right. Den, maybe Da One In Charge, da God Ova All Da Armies, Bumbye give chance to da litto bit peopo Dat stay alive still yet From yoa Israel ohana.”

Jonah 3:8

Erybody gotta put on burmbag kine clotheses, all da peopo an da animals, fo show dey stay sorry inside. Erybody gotta go all out fo yell to God fo help! Erybody gotta no do bad kine tings! Erybody gotta no hurt odda peopo no moa!

Zekariah 13:1

Da One In Charge tell dis: “Dat time, jalike God goin open one puka fo watta fo da David ohana an da peopo inside Jerusalem. An from dat watta, dey goin make dea peopo come clean inside from all da bad an pilau kine stuff dey wen do.”

Zekariah 7:7

Az da same ting dat Da One In Charge wen tell da guys dat talk fo him befo time, da time da peopo inside Jerusalem an da towns aroun um stay quiet, an eryting go good, an peopo stay live inside da Negev Boonies an da low lands.”

Matthew 3:8

Jalike one fruit tree give same kine fruit, you guys gotta do da kine good stuff dat show you come sorry fo do all da kine bad stuff you stay do, an no do um no moa.

Jesus Guys 22:16

An now, wat you stay waiting fo? Stan up, get baptize. An all da bad kine stuff you wen do, Da One In Charge goin clean um up an throw um away cuz you aks him fo help you.’

Rome 12:9

Wen you show peopo love an aloha, do um fo real kine, no ack. Hate all da bad kine stuff, an stay tight wit da good kine stuff.

2 Corint 7:1

My frenz, we get all dis stuff God wen promise us. Dass why us guys gotta clean out all da bad kine stuff dat make us pilau inside o outside, an go all out fo come clean an spesho fo God fo real kine, cuz we get real plenny respeck fo him jalike we sked him.

James 4:8

So, come close to God, an he goin come close to you. Eh, you guys dat stay do da bad kine stuff—go clean up inside! You guys dat stay ack jalike you get two brain, you gotta make shua you all clean fo God!

1 Peter 2:1

So den, no do no bad kine stuffs. No bulai nobody. No tell one ting an do anodda. No get jealous. No talk bad.

1 Peter 3:11

He betta not do da bad kine stuff no moa, Ony do da right kine stuff. He gotta like fo real kine Fo learn how fo make good wit erybody, An work hard fo do dat.

Jesus Show 7:14

I tell him, “Mista, I donno. But you know!” He tell, “Dis all da peopo dat come out from da big trouble. Da Bebe Sheep Guy, he make um clean inside, cuz he wen bleed an mahke fo dem. Dey all clean inside, jalike wen peopo wash dea clotheses clean, an make um come white.