Isaiah 1:14 - Hawaii Pidgin Bible

¹⁴ Yoa new moon meetings An yoa odda spesho religious kine ceremonies, Dey no make me feel good. Dey jalike one heavy ting on top my back Dat I gotta carry. I had it wit um awready.

Isaiah 1:14 ပူးပေါင်းရင်းမြစ်များ

1 Records 23:31

An dey do um weneva get burn up kine sacrifice fo Da One In Charge fo da Res Day an da New Moon times, an da odda spesho religious ceremonies. Dey work in front Da One In Charge all da time wen an how dey suppose to work.

Isaiah 29:1

Bummahs! fo da peopo inside Jerusalem town, Da town dat get da spesho name Ariel! Da town wea King David an his army guys Wen make camp befo he take ova da town. Year afta year, you Jerusalem peopo, Still make da spesho religious kine time!

Isaiah 29:2

Still yet, I goin make hard Fo da peopo inside Ariel town. Dey goin stay sad an sore inside. Bumbye Ariel town goin be fo me, Jalike da kine town I like um fo be.

Isaiah 43:24

You guys neva buy me Da cane kine perfume dat smell nice, An you guys neva give me Da bestes part a yoa sacrifice meat. Da ony ting you guys wen do fo me, You make pilikia fo me Wit all da bad tings you stay do, An you guys make me tired Wit all da bad tings you do.

Isaiah 61:8

Cuz me, Da One In Charge, Wen peopo judge da right way Dat make me feel good inside! Wen peopo steal stuff cuz dey bad, I no like dat. Dey can trus me fo do wat I tell I goin do. I goin give dem wat dey wen work fo, An make one deal wit dem dat stay foeva.

Isaiah 66:23

All da time, ery new moon time an ery Res Day, all da peopo all ova da world goin come an go down in front me.” Az wat Da One In Charge tell.

Isaiah 7:13

Den Isaiah tell, “Lissen, you peopo dat come from David ohana. Not enuff you guys try fo make odda peopo come piss off wit you. Now you stay trying fo make my God come piss off wit you too!

Hosea 2:11

I goin stop all her religious ceremonies, Da spesho times she make ery year, Da new moon spesho times, da Res Days, An all da odda spesho religious ceremonies.

Hosea 5:7

Me, Da One In Charge, I no trus dem, Cuz dey go agains me. Dey born kids dat no mo da right fo be my kids. Cuz a dat, wen dey make da spesho religious kine ceremony fo da new moon, Dey goin come wipe out, an dea property too.

Amos 2:13

“Kay den! I goin smash you guys Right dea wea you stay standing, Jalike wen one wagon go huli on top you Cuz get too much heavy stuff inside.

Amos 5:21

Da One In Charge tell, “Wen you guys make religious kine ceremonies, I hate wat you guys do! Wen you guys stop work Cuz you make jalike you goin come togedda fo me, Dat make me like puke!

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.

Malakai 2:17

You guys, you talk too much, you make Da One In Charge real tired! An you tell, “How us guys make God tired?” Az cuz you tell, weneva you do bad kine stuff, Da One In Charge tink you good, an he stay good inside cuz a wat you do. Az why you guys tell, “You tink God goin judge us? No way!”