Isaiah 1:10 - Hawaii Pidgin Bible

¹⁰ So, lissen wat Da One In Charge tell you guys, You leada guys dat ack jalike you from Sodom! Lissen wat oua God stay teach, You peopo dat ack jalike you from Gomorrah!

Isaiah 1:10 ပူးပေါင်းရင်းမြစ်များ

Start 13:13

But da Sodom peopo, dey bad peopo. Dey erytime do bad kine stuff dat Da One In Charge tell dey betta not do.

Isaiah 28:14

Cuz a dat, lissen wat Da One In Charge tell, You guys like laugh at God, You guys dat stay in charge a dis peopo inside Jerusalem!

Isaiah 3:9

Da way dea face look, Show dey no stay do da right kine ting. Dey talk big bout da bad kine stuff dey do, Jalike da peopo inside Sodom. Dey no try hide wat dey do. Bummahs! Dey da ones dat bring da horraz on top dem.

Isaiah 30:9

Go do dat cuz dis peopo Dey hard head. Dey ony like go agains Da One In Charge. Dey jalike kids dat stay bulai erybody. Da One In Charge stay teach dem plenny, But dey no like lissen.

Isaiah 33:22

Da One In Charge, he oua Judge. Da One In Charge, he da One give us guys oua rules. Da One In Charge, he da king fo us guys. He da One goin get us outa trouble.

Isaiah 8:20

Check out wat dem guys dat lissen da spirits tell. See if dey tell da same ting da Rules From God tell, an if dey talk da same kine jalike wat you know Da One In Charge tell. If dey talk diffren kine, den wat dey tell no goin help you undastan notting.

Jeremiah 23:14

An wit da guys dat suppose to talk fo me inside Jerusalem, I wen spock one even mo bad kine ting: Dey ack jalike one wahine dat fool aroun behind her husban back, An go fool aroun wit da odda gods, An follow da bulaia god Baal. Dey tell da peopo dat do bad kine stuff, ‘Go fo broke!’ So den no mo nobody turn aroun An no do bad kine stuff. Fo me, all dem jalike da Sodom peopo. An da Jerusalem peopo, dey jalike da Gomorrah peopo.”

Jeremiah 9:26

Da Egypt guys, da Judah guys, da Edom guys, Da Ammon guys, da Moab guys, An all da ones dat live inside da boonies Dat cut dea hair spesho fo dea gods. All dose peopos, an all da Israel guys, dey cut skin, But dey no mo da mark inside dem Dat show dey my peopo.”

Ezekiel 13:2

“Eh! Fo Real Kine Guy! Go come be my talka guy. Talk bad bout da guys inside Israel dat tell dey stay talk fo me, Da One In Charge. Dose guys tell all kine stuff dat dey make up inside dea heads. So tell um: ‘Lissen da message from Da One In Charge!’

Ezekiel 16:35

“ ‘Eh, you Jerusalem peopo dat fool aroun wit da odda gods jalike one hoa! Lissen wat me Da One In Charge, da Boss, tell!

Ezekiel 16:46

Yoa older sistah, her Samaria town. She live north side from you wit her girls. An yoa younga sistah live south side from wea you live wit her girls. She Sodom town.

Ezekiel 16:49

“ ‘Now dis wat yoa sistah Sodom town wen do dass wrong. Her an her girls get big head, dey get mo plenny food den dey need an dey no need worry bout notting. But dey neva help da peopo dat no mo food an need help.

Amos 3:1

Eh! Lissen up, you Israel peopo! I stay talking fo God, cuz Da One In Charge stay tell dis to you guys, da whole ohana dat he wen bring hea from Egypt side.

Amos 3:8

Wen da lion make big noise, you betta come sked! Wen Da One In Charge a us guys dat talk fo him tell someting, Us guys betta talk fo him!

Amos 9:7

Dis wat Da One In Charge tell: “Eh you Israel peopo! Fo shua, I no make diffren to you guys An to da peopo from da Sudan land! I wen bring you Israel peopo up hea outa da Egypt land, I wen bring da Filisha peopo from Crete Islan too, An da Aram peopo, I wen bring dem from Kir side.

Micah 3:1

Den me Micah tell: “Lissen up, you leada guys dat come from Jacob, You guys dat stay in charge a da Israel ohana. You da guys suppose to know wass right an wass wrong, aah?

Rome 9:29

Befo time, Isaiah tell dis too: “Good ting, God, Da One In Charge Ova All Da Armies, Wen let some a oua kids stay alive. If he neva do dat, oua blood line pau awready, Jalike da peopo from Sodom town an Gomorrah town.”

Rules Secon Time 32:32

Da guys dat stay agains us, Jalike da grape plant dat come from da Sodom peopo, An from da fields Gomorrah side. Sour dea grapes taste An can kill you!

Jesus Show 11:8

An dea bodies goin stay on top da street inside da Big Town, da one you can tell stay jalike Sodom town o jalike Egypt. Dat Big Town, dass wea dey wen put Da One In Charge, Jesus, on top da cross fo mahke.