Hosea 9:11 - Hawaii Pidgin Bible

¹¹ Da Efraim peopo, dey awesome. But no goin be lidat no moa, jalike wen one bird fly away. Dey no goin get hapai. Dey no goin born kids.

Hosea 9:11 ပူးပေါင်းရင်းမြစ်များ

Start 41:52

Da numba two boy, Joseph call um Efraim, cuz dat soun like how fo tell “come plenny” in Hebrew language. Joseph tell, “God give me plenny kids ova hea inside da land wea dey wen make any kine to me.”

Start 49:22

“Joseph! He goin get plenny peopo come from him Jalike he one tree branch dat get plenny fruit Ova dea wea da watta come outa da groun. Jalike he get branches wit leafs, Dat grow ova one wall.

2 Samuel 6:23

An Michal, Saul girl, she no mo kids all da time she stay alive.

Job 18:5

“Fo shua, da bad guys goin mahke, Jalike dea light come pio, An jalike dea fire no burn no moa.

Songs 58:8

I like dem come jalike da snail Dat leave one track Dat bumbye disappea, An I like dem come Jalike one bebe dat mahke befo born, Fo him no see da sun.

Teacha 6:3

Maybe one guy get hundred kids an live long time. But if he no stay good inside bout da good tings he get, an peopo no show respeck wen dey bury him, den no matta how long da guy stay alive. Dis wat I tink: One bebe dat mahke awready wen he born, stay mo betta den da guy.

Isaiah 17:3

Inside da Efraim land, No goin get towns dat get strong wall no moa. Inside da Damascus land, No goin get kings no moa. Da Aram kings from Damascus, An da Israel kings from Efraim, Dey was awesome befo time. But bumbye, da ones dat still stay alive From da Aram peopo an da Israel peopo, Dey no goin be awesome no moa. Az how goin be, Da One In Charge, Da God Ova All Da Armies tell.

Hosea 10:5

Da peopo dat live Samaria town stay bodda inside, Cuz maybe someting bad goin happen To da young cow idol kine gods in Bet-Aven town. Da Samaria peopo goin come sked, An dea pries guys fo da idol kine gods, Dey all goin stay sad bout da calf statue too. Befo time dey wen stay good inside, Cuz da idol stay awesome. But now odda peopo wen take da awesome idol one far place.

Hosea 4:7

Wen get mo plenny pries guys, Dey ony do mo plenny bad kine stuff agains me. Dey trade dea awesome kuleana fo shame kine stuff.

Hosea 5:9

Da Efraim land goin come all wasted Wen I punish dem. I goin tell da Israel ohanas Wat fo shua goin happen.

Hosea 9:14

Da One In Charge, wat I goin tell you fo do fo dem? Make dem lose dea bebes! Make dea breases dry up!

Amos 1:13

You betta lissen! Dis wat Da One In Charge tell: “Ova an ova, da Ammon peopo wen go agains me. Az why, no way I goin let um go an no punish dem! Gilead side, dey even wen rip open da hapai wahines Jus fo dem take ova mo plenny land.

Luke 23:29

Cuz da time goin come wen you goin tell, ‘Lucky now, da wahines dat no mo kids, da wahines dat neva born kids, an da wahines dat neva breas feed kids!’

Rules Secon Time 28:18

“God goin put kahuna on top you guys wen you born kids, wen you harves da food you grow, an wen yoa cows an sheeps born bebes.

Rules Secon Time 28:57

She goin eat even da stuff dat come out afta she born one bebe! She goin eat her bebe dat she born too! She goin eat um so nobody know. Az cuz da peopo dat stay agains you guys goin make you suffa plenny, wen dey put army guys all aroun yoa big towns.

Rules Secon Time 33:17

Da Joseph ohana, dey big an strong, Jalike one king, Jalike one bull dat born firs. Da Joseph ohana get plenny powa, Jalike one wild cow dat get big horn, An wit da horn dey poke all da diffren peopos same time, Even da one dat stay Da mos far place on top da earth. Az how da ten tousan Efraim ohana peopo dat come from Joseph stay, An da tousans inside da Manasseh ohana dat come from Joseph.”