Hosea 7:16 - Hawaii Pidgin Bible

¹⁶ Dey no turn to me, Da God Dass Mo Importan Den All Da Odda Gods. Dey jalike one bow dat you no can trus fo shoot strait, Dey good fo notting. Dea leadas goin mahke in da war. Cuz dey tell how dey stay piss off wit me. Cuz a dat, erybody inside Egypt Goin make fun a dem.”

Hosea 7:16 ပူးပေါင်းရင်းမြစ်များ

Songs 12:3

I like fo Da One In Charge Wipe out all da peopo Dat talk real nice kine Fo bulai peopo. An da peopo dat talk big.

Songs 12:4

Dey tell, “Cuz us guys talk wit plenny powa, Dass how we goin win! Cuz we talk nice kine, No mo nobody can tell us guys wat fo do!”

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Songs 17:10

Dem guys, dey no mo pity fo nobody. Dey talk big bout dea life Jalike dey tink dey God!

Songs 52:2

You tink bout how you goin hurt peopo. An da tings you tell hurt peopo, Jalike you cut um Wit one sharp knife, Cuz you bulai um.

Songs 57:4

Weneva I go sleep, Da peopo dat stay agains me, Dey jalike lions all aroun me Dat like eat peopo, An get sharp teet jalike spears an arrows. Wen dey talk, jalike dey cut me Wit one sharp sword.

Songs 73:9

Dey even talk bad bout God in da sky An talk big bout eryting Dat dey do all ova da world.

Songs 78:37

Inside, erytime dey stay change How dey tink bout him. Da way dey ack, God no can trus um Fo stick wit da deal Dey wen make wit him.

Songs 78:57

Jalike dea ancesta guys, Dey wen bag from God An neva stay tight wit him. Az why God no can trus dem. Dey jalike one bow dat no shoot strait.

Isaiah 3:8

You know, da peopo inside Jerusalem, Jalike dey no can walk strait. Da peopo inside Judah, Jalike dey stay fall down too. Cuz wit wat dey tell, An wit wat dey do, Dey talk bad bout Da One In Charge An go agains him. Dey tink he no good, no matta he awesome.

Jeremiah 18:18

Some peopo tell: “Eh come! We go make one plan fo kill Jeremiah. Dat way, we not goin throw out da rules da pries guys teach, o throw out wat da guys dat know wat fo do erytime tell us fo do, o throw out da tings da guys dat talk fo God tell. So we goin poin finga Jeremiah an tell wat he do wrong. We no goin lissen him notting!”

Jeremiah 3:10

An cuz a wat da Israel peopo stay do, dea sistah guys da Judah peopo, dat stay ack jalike one wahine you no can trus. Dey no go all out fo come back by me. Dey ony ack!” Az da message from Da One In Charge.

Jeremiah 42:18

“Cuz dis wat Da One In Charge, da God Ova All Da Armies, da God fo da Israel peopo, tell: ‘Jalike I come huhu an tell “Laytas” to wat da peopo dat wen stay inside Jerusalem do, same ting az how I tell “Laytas” to wat you guys goin do wen you go Egypt side. Peopo goin sing sad songs an cry loud kine bout you guys. Dey goin tink az skery wat happen to you. Dey goin like put kahuna on top you guys, an poin finga you guys an laugh at you. An you guys no goin see dis land no moa.’

Ezekiel 23:32

Dis wat me Da One In Charge, da Boss, tell: “You goin get punish same same jalike yoa sistah. Jalike you gotta drink eryting inside her cup Dat stay big an deep. Dass how you goin get punish. Az jalike peopo goin laugh at you, An make fun a you plenny.

Ezekiel 36:20

All da nations wea I wen scatta dem, dey give me one bad rep, no matta I good an spesho. Cuz da odda nations talk bout dem lidis: ‘Dese Israel guys, dey da peopo a Da One In Charge, you know. But still yet, dey gotta bag from his land! Wassup wit dat?!’

Daniel 7:25

He goin grumble bout da God Dass Mo Importan Den All Da Odda Gods, An put presha on da peopo dat stay spesho fo God. An he goin try fo change Da regula times fo make sacrifice An change da rules from God. He goin get powa Ova da peopo dat stay spesho fo God Fo three an a half year.

Hosea 11:5

“But my peopo tell ‘Laytas!’ fo come back to me Cuz dey like, dey goin go back Egypt side! Oddas goin let da Assyria king come dea leada! Az cuz dey no change dea mind.

Hosea 11:7

My peopo go all out fo tell ‘Laytas’ to me. Even wen dey call me Da Mos Importan God, Dey no mo respeck fo me.

Hosea 6:4

But Da One In Charge tell, “Wat I goin do wit you Efraim peopo? Wat I goin do wit you Judah peopo? Wen you guys tink you stay tight wit me, Az jalike da mist dat disappea morning time. Jalike da dew dat come early an den go way.

Hosea 7:13

“Bummahs fo dose guys Dat wen bag from me! Dey goin get wipe out, Cuz dey wen go fight agains me. I stay ready fo buy dem back, But dey bulai bout me.

Hosea 9:3

Da peopo no goin stay inside da land Da One In Charge own. Da Efraim peopo, some goin go back Egypt side, An some goin go Assyria side. Dey goin eat da kine food ova dea Dat make um so dey no can go in front Da One In Charge.

Hosea 9:4

Ova dea, dey no goin pour out wine Fo make sacrifice fo Da One In Charge, Cuz God had it wit dea sacrifices. Dea sacrifices goin be fo dem Jalike bread from one house wea somebody mahke. You eat dat kine bread, you no can go in front Da One In Charge. Ova dea, da food goin be ony fo peopo eat um. No can bring um inside da Temple Fo Da One In Charge.

Hosea 9:6

Even if da Israel peopo no come wipe out, You know wat goin happen?! Da Egypt peopo goin make um prisonas, An da Memphis peopo goin bury dem. Da thorn bushes goin take ova da silva dey like plenny, An take ova dea tents.

Malakai 3:13

Da One In Charge tell, “You guys, you talk bad about me!” But you guys tell, “Wot, us guys talk bad about you?! No way!”

Malakai 3:14

You guys tell, “Ony wase time, work fo God! Wat we goin get from dat?! Notting! Us guys do all da religious kine ceremonies fo God awready, an now, us stay make real sad face in front Da One In Charge, Da God Ova All Da Armies.

Matthew 12:36

I tell you guys fo real kine, da day all you guys stan in front God da Judge, you gotta tell how come you wen tell all da no good stuff you wen tell.

Luke 8:13

Da seeds on top da rocks, dass da peopo dat take wat God tell, an dey stay good inside wen dey hear um. Dey trus God litto bit, but wen get hard time dey pau trus, cuz dey no mo deep root, jalike da seeds on top da rocks.

James 3:5

Same ting wit yoa mout. Az ony one small ting, but still yet, can talk real big. Jalike wea get plenny trees. Ony need one small spark fo burn um up, you know.

2 Peter 2:8

Lot like do da right ting, but he wen live right dea by da peopo from Sodom town. Az why ery day he hear an see dem broke da Rules From God. All dat wen make him suffa plenny inside.

Jesus Show 13:5

Da Wild Animal get da mout fo talk big an talk bad bout God, an fo him an da Dragon take charge a da peopo fo three an a half year.