Hosea 6:6 - Hawaii Pidgin Bible

⁶ Cuz make me feel good, Wen you guys stay tight wit me, Mo den wen you jus make sacrifice. Make me feel good, Mo den wen you jus make one burn up kine sacrifice Wen you guys know dat I God.

Hosea 6:6 ပူးပေါင်းရင်းမြစ်များ

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

Songs 50:8

But wen I tell you guys you do wrong, I no talk bout da sacrifices you make. You guys kill animals fo me An burn um up on top da altar All da time.

Smart Guys 21:3

Wen us guys stay do wass right An judge da right way, Da One In Charge tink az mo betta Den jus fo make one sacrifice.

Teacha 5:1

Wise up how you ack wen you go da Temple Fo God. Go come close fo lissen good, an no make stupid wen you make one sacrifice! Cuz da stupid guys donno az bad wat dey do.

Isaiah 1:11

Da One In Charge tell dis: “You tink I need Da plenny sacrifices you guys make?! No way! I get mo den plenny boy kine sheeps Dey can burn up fo make sacrifice, An da fat stuff from da bestes animals. I no need da blood from da bulls An da bebe sheeps an da boy goats. Dat no make me feel good inside.

Isaiah 58:6

“But dis da way I tell gotta be Wen you guys skip food fo pray: Anybody dat stay in jail Cuz da judge wen judge um da wrong way, Get um outa jail! Anybody gotta carry one heavy load Jalike one yoke fo cows fo pull one wagon, Hemo da yoke! Anybody stay suffa cuz dey get plenny presha, Let um go an no make dem come slaves one mo time! Broke up all da yokes!

Jeremiah 22:16

He wen make shua da judge guys do da right ting Fo help da peopo dat no mo notting, an need stuff. Dass how come eryting come good fo him. Cuz wen you know me, Da One In Charge, fo real kine, az how you goin ack! Az wat Da One In Charge tell.

Jeremiah 7:22

Cuz da time I wen bring yoa ancesta guys outa Egypt, an talk to dem, no was jus fo tell dem dey gotta make burn up kine sacrifices an odda kine sacrifices.

Daniel 4:27

“Eh King Nebukadnezzar, az why I like you lissen an do wat I tell you now: Throw out all da bad kine stuff you wen do awready! Do wat stay right! Throw out all da tings you wen do fo go agains God! Make good to da peopo dat suffa plenny! Den maybe you can stay king long time.”

Hosea 14:2

Come back by Da One In Charge, An tell him you sorry. Tell um: ‘Try hemo da shame fo all da bad tings us guys wen do, An let us guys go! Lissen wen we pray Fo tell you we sorry. Den we goin talk good bout you, Jalike wat we tell now, az one sacrifice Dass mo betta den da bulls we kill.

Hosea 2:20

I goin marry you an you goin trus me. An you goin know who me fo shua, Da One In Charge.”

Hosea 4:1

You Israel peopo, lissen wat Da One In Charge tell. Cuz he stay poin finga at da guys dat live inside da land. He tell: “No can trus dem guys! Cuz dey no stay tight wit me! No mo nobody inside da land know me, God!

Hosea 8:13

Dey make sacrifices fo me, an dey eat da meat. But fo me, Da One In Charge, no mean notting. So now I no goin foget dat dey get da blame, An I goin punish dem cuz a all da bad kine stuff dey do. Den dey goin go back Egypt side.

Amos 5:21

Da One In Charge tell, “Wen you guys make religious kine ceremonies, I hate wat you guys do! Wen you guys stop work Cuz you make jalike you goin come togedda fo me, Dat make me like puke!

Micah 6:6

Den da peopo tell: “Fo make tings right, Wat I can bring fo Da One In Charge Wen I go in front him? Wen I go down fo show respeck Fo da God Up Dea Inside Da Sky? I goin bring bebe cows one year ol, Fo make burn up kine sacrifice, o wat?

Micah 6:8

Den Micah tell: “No need! Da One In Charge tell you awready Wass good fo you do, An how he like you fo ack. You gotta do wass right, An stay tight wit God ery day, An come las, not firs, wit God.”

Matthew 12:7

Da Bible tell, ‘I like my peopo make good to each odda an give each odda chance. Dat mo betta den jus make one sacrifice inside da temple.’ If you guys wen know wat dis mean, den you guys no tell dey wen broke da Rules From God, cuz dey neva.

Matthew 5:7

“Da peopo dat pity da odda peopo, an give um chance, Dey can stay good inside Cuz God goin pity dem an give um chance too.

Matthew 9:13

Go figga wat Hosea, da guy dat talk fo God, wen tell befo time, ‘I like my peopo give chance to each odda. Dat mo betta den jus make one sacrifice inside da temple.’ Dass wat God tell. But me, I neva come fo tell da guys dat erytime do wat God tell um fo do, fo come my guys, but I wen come fo da peopo dat get one bad rep.”

Mark 12:33

Us guys gotta go all out fo show love an aloha fo him wit eryting inside us, wit how we tink, an wit all oua powa. An we gotta go all out fo show love an aloha fo odda guys jalike we get love an aloha fo us. Dass mo importan den make da burn up kine offering an da odda sacrifices.”

Joshua 5:5

All da guys dat come outa Egypt get da cut skin mark. But da guys dat wen born inside da boonies wen da peopo stay go inside dea, dey no mo da mark.

1 John 2:3

Wen us guys do da tings he tell us fo do, dass how us stay shua dat us know God fo real kine.

1 John 3:6

Whoeva stay tight wit Christ no do bad kine stuff. Whoeva stay do bad kine stuff, jalike dey neva see Christ o know him fo real kine.

1 Samuel 15:22

But Samuel tell: “You tink dat Da One In Charge feel mo good inside Wen you make all da diffren kine sacrifice, O wen you lissen him?! Wen you lissen, dass mo betta Den wen you make one sacrifice! Mo betta wen you find out wat God like, Den, kill da sheep!