Hosea 6:5 - Hawaii Pidgin Bible

⁵ Az why I sen da guys dat talk fo me. But you neva lissen wat I tell! An cuz you no lissen dem, I goin cut you guys up Fo kill you wit wat I tell.

Hosea 6:5 ပူးပေါင်းရင်းမြစ်များ

Start 18:25

No can be dat you goin wipe um all out, da way you wen tell! If you kill da peopo dat do da right ting, same time you kill da bad peopo, den dat mean you tink dey not diffren, da peopo dat do da right ting an da bad peopo! No can be! You da Judge fo all da peopo inside da world. So den, you gotta make diffren kine to da good peopo an to da bad peopo!”

1 Kings 14:6

Ahijah hear her stay coming by da door. He tell her, “Go come inside! You Jeroboam wife, aah? So, how come you put on diffren kine clotheses fo nobody know az you?! God wen tell me awready, fo tell you some stuff dat goin make you come bum out.

1 Kings 17:1

Get one guy Elijah from Tishbe town, Gilead side. He tell King Ahab, “I stay shua dat Da One In Charge, da God fo da Israel peopo, stay alive, an he da God I stay work fo. An I shua bout dis: From now, no goin get rain fo long time. No even goin get watta on top da groun morning time. Da ony rain goin get, goin come wen I tell um fo come!”

1 Kings 18:17

Wen Ahab see Elijah, he tell um, “So! You da guy dat stay make trouble fo all da Israel peopo!”

1 Kings 19:17

Hazael goin kill plenny peopo wit his sword, an da ones he no kill, Jehu goin kill um. An da ones Jehu no kill wit his sword, Elisha goin kill dem.

2 Kings 1:16

Wen Elijah see da king, he tell um, “Dis wat Da One In Charge tell: You tink no mo God inside Israel fo aks him wat fo do, so you sen guys Ekron side fo aks dea god Baal-Zebub wat fo do? Cuz you wen make lidat, you no goin get off da punee you stay lay on top. Fo shua you goin mahke!”

2 Records 21:12

Jehoram get one letta from Elijah, da guy dat talk fo God, dat tell: “Dis, one message from Da One In Charge, da God fo yoa ancesta David: ‘You no make jalike yoa faddah Jehoshafat, o jalike Asa da Judah king.

Job 15:30

Dey no goin get away from da dark place cuz dey goin mahke. Dey goin be jalike one tree dat da shoots goin dry up from one fire. God goin breave an dey all goin blow away.

Job 34:10

“Az why you gotta lissen me, you guys dat undastan plenny! No ways God goin do someting bad! No ways Da God Dat Get All Da Powa goin do wass wrong!

Songs 119:120

I come all sked an shaking All ova my body wen I tink bout you, Cuz you da Judge. An I sked you goin punish me Fo no do wat you tell was right.

Songs 37:6

He goin shine da light On eryting you stay do dass right Fo make shua erybody know dis. An God goin show you do da right ting In front him, da judge. An dass jalike wen can see eryting Real good wen da sun stay strong.

Isaiah 11:4

Dass why he make one good judge Fo da peopo dat no mo notting. Wen dis judge make up his mind, He goin do da right ting fo da peopo all ova da world Dat no tink dey numba one. Da stuff he tell cuz he da judge, Dat goin bus up peopo all ova da world, An wipe out da ones dat do bad kine stuff.

Isaiah 58:1

Da One In Charge tell: “Yell real loud! No hold back! Jalike one trumpet, make um loud! Tell my peopo, da one dat come from Jacob, How dey go agains me An do bad kine stuff!

Jeremiah 1:10

“So lissen up now! Today I give you one importan job, Fo grumble bout da diffren peopos an dea govmens. You goin tell um how I goin pull um outa da groun jalike plants An bus um up. I goin wipe um out, an throw out dea kings. Den I goin build up da diffren peopos one mo time, an make um come solid.”

Jeremiah 1:18

Today, I make you come strong, Jalike one big town wit one strong wall, Jalike one iron pos, An jalike one bronze wall. You goin stan face all da peopo Inside da whole land! You goin go agains da Judah kings an military guys, Da pries guys an da peopo dat live dea.

Jeremiah 13:13

Tell um: ‘Dis wat Da One In Charge tell: I da One goin fill up all da peopo inside dis land fo dem come piloot—da king guys from da David ohana dat sit on top his throne, da pries guys, da guys dat suppose to talk fo me, an erybody inside Jerusalem.

Jeremiah 23:29

“So. Wat I tell, burn jalike fire, an poun jalike one hamma dat broke big kine rocks an make um come small pieces.” Az wat Da One In Charge tell.

Jeremiah 5:14

Az why Da One In Charge, da God Ova All Da Armies, tell dis to me, Jeremiah: “Cuz da peopo wen talk lidat, Dis wat I goin do: I goin put my words inside yoa mout. Wat you tell dem goin come out jalike one fire, An dese peopo, dey goin come Jalike da wood dat da fire goin burn up!”

Ezekiel 11:4

Cuz dey ack lidat, go tell dem wat I tell agains dem. Eh! Fo Real Kine Guy, go talk fo me!”

Ezekiel 3:9

I goin make you mo hard head den dem, hard jalike da mos hardes kine stone, so you no let dem push you aroun. No sked dem, no matta dey go agains me.”

Ezekiel 32:18

“Eh! Fo Real Kine Guy! Cry real loud cuz get plenny Egypt peopo make tantaran. Go make Egypt go down undaneat da groun wit da wahines from odda importan nations, an wit da odda peopo dat go down inside da Deep Dark Hole.

Ezekiel 43:3

Da vision I see stay jalike da vision I wen get befo time wen Da One In Charge come fo wipe out Jerusalem town. An dass jalike da odda vision I get by da Kebar Canal. Den I go down an put my face on top da groun.

Zefaniah 3:5

But Da One In Charge, he stay dea inside da town, An he do da right kine tings. He no do wass wrong! Ery morning he judge da peopo da right way. Ery new day he no let nobody down. Still yet, dose peopo dat no do wass right, Dey no mo shame!

Jesus Guys 7:31

Wen Moses see dat, dat blow his mind. He go nea ova dea fo check um out, an he hear Da One In Charge tell,

Rome 2:5

But you get hard head. An you no like change wat you do. So, you stay make tings mo worse fo you. Bumbye God da Judge goin tell who wen do bad kine stuff, an erybody goin know dat God judge da right way. Den he goin punish you cuz he had it wit wat you do.

Efesus 6:17

Wen you guys let God take you outa all da kine bad stuff you stay in, dass jalike one helmet fo yoa head. Wen you guys tell wat God tell, dass jalike one sword dat God Spirit give you.

Hebrews 4:12

Az cuz wat God tell stay alive, an get da powa fo do wat suppose to do, an stay mo sharp fo change us guys inside den one sharp sword dat two side sharp. Wat God tell cut deep inside fo show fo real kine how we tink an wat we like do, an even cut deep inside da joints an da bone marrow. Wat God tell judge wat we tink an how we tink bout stuff.

Jesus Show 1:16

Inside his right hand, he hold seven stars! From outa his mout, come one sword dat get da two side sharp! His face stay shine, jalike wen da sun shine real strong!

Jesus Show 2:16

So den, you guys gotta come sorry, an no do all da bad kine tings you stay do no moa. Cuz if you guys do dat, den I goin come by you guys pretty soon, an wat I tell goin show dat dey stay wrong. Dass jalike I use one sword fo fight an win ova da guys dat stay agains me!’

Jesus Show 9:15

Dose angel messenja guys, dey stay ready fo dat year, an month, an day, an hour. So da numba six angel guy let um go fo go kill one guy from ery three peopo on top da earth.

Jesus Show 9:21

Da peopo still yet no come sorry. Dey still yet murda peopo, put kahuna on top any kine stuff, fool aroun wit somebody, an steal stuffs.

1 Samuel 13:13

Samuel tell Saul, “Bummahs! You wen ack stupid! You neva lissen an do wat yoa God, Da One In Charge, wen tell you fo do! If you wen do wat Da One In Charge tell, den he make you come da ancesta awready fo da kings ova da Israel peopo, foeva. But, you neva do um!

1 Samuel 15:22

But Samuel tell: “You tink dat Da One In Charge feel mo good inside Wen you make all da diffren kine sacrifice, O wen you lissen him?! Wen you lissen, dass mo betta Den wen you make one sacrifice! Mo betta wen you find out wat God like, Den, kill da sheep!

1 Samuel 15:32

Den Samuel tell, “Bring me Agag, da king fo da Amalek peopo.” Da army guys bring Agag in front Samuel. Agag stay good inside, cuz he figga, “Fo shua dey no goin kill me now.”

1 Samuel 15:33

But Samuel tell, “Jalike you wen use yoa sword so dat da wahines no mo dea kids, Now, yoa muddah goin come one a da wahines dat no mo kids.” So Samuel wack Agag wit his sword an chop um up, right dea in front Da One In Charge, Gilgal side.