Hosea 6:3 - Hawaii Pidgin Bible

³ Good we know Da One In Charge. Good we go all out fo know um. Jalike us guys stay shua da sun goin come up, We stay shua Da One In Charge goin show up— Jalike da rain dat come winta time, An jalike da rain give watta on top da earth spring time.”

Hosea 6:3 ပူးပေါင်းရင်းမြစ်များ

2 Samuel 23:4

Dat guy jalike da light, wen da sun come up, An wen no mo clouds. He jalike da sunshine dat come afta da rain go way, Dat make da grass come up from da groun.’

Job 29:23

Dey wait fo me talk Jalike peopo wait fo da rain come. Jalike dea mout stay open fo taste Da las rain befo da hot time.

Songs 19:4

Da tings da sky tell, Peopo all ova da world awready know bout um. Ery place on top da earth, Da peopo awready hear wat da sky tell. Da sun, he stay inside da sky. Dass wea God wen put up one tent fo him.

Songs 19:6

Da sun come up from da east side An go all da way to da odda side. No mo notting dat can run away Fo no come hot wen da sun go ova him.

Songs 63:8

Me, I stay tight wit you. You hold me up so I no fall down.

Songs 65:9

You no foget fo do good tings fo da land. You give da land eryting he need. You make da dirt come plenny rich. God, you get plenny watta ditch, full a watta. Az how you give da peopo Plenny wheat fo harves, Cuz az how you stay make da land ready fo plant.

Songs 72:6

I like fo da king make good tings Happen fo da peopo, Jalike da rain dat come down Right afta dey cut da grass, An jalike da passing showas Dat make da groun get plenny watta.

Smart Guys 4:18

But fo da peopo dat do wass right erytime, Eryting come mo an mo betta fo dem, Jalike early morning time get ony litto bit light, Den come mo an mo strong till come day time.

Isaiah 2:3

Den plenny peopos goin go dea an tell, “Come on. We go up da hill wea da Temple stay, Da Temple Fo Da One In Charge, da God Jacob pray to. He goin teach us guys wat he like us fo do, An we goin do um.” Wat Da One In Charge teach goin come from him, From Zion Hill inside Jerusalem town.

Isaiah 32:15

Eryting goin stay lidat Till da Spirit from da sky come An take charge us guys. Dat time, da place wea nobody live, Goin get fields wea plenny stuff grow. Da field wea peopo tink plenny stuff grow now, Dat time dey goin tink, Look jalike one fores.

Isaiah 44:3

I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

Isaiah 54:13

“Me, Da One In Charge, I da One Goin teach all yoa peopo. I goin make eryting come plenny good fo dem.

Jeremiah 24:7

I goin give dem da kine heart fo know fo shua who me. Dey goin know dat me, dea God, Da One In Charge! Dey goin come my peopo, an I goin come dea God. Cuz dey goin go all out fo come back by me.’

Ezekiel 36:25

“Jalike I goin splash clean watta on top you guys an you guys goin come real clean inside. I goin make you guys come real clean from all da pilau kine stuff you guys wen do an from yoa idol kine gods.

Hosea 10:12

Do da right tings! Dass da kine seed you guys gotta plant fo ony you! An you stay tight wit me! Dass jalike da kine fruit you guys gotta pick! Broke up da hard dirt inside you dat you neva plow yet! Cuz stay time now fo come tight wit me, Da One In Charge, Till I come teach you guys how fo do wass right, Jalike da rain make da groun come sof fo good stuff grow.

Hosea 14:5

Jalike da dew give watta from da sky fo make da lily flowa come out, I goin make da Israel peopo come strong lidat. Dey goin be jalike da cedar trees Lebanon side Dat sen down deep roots.

Hosea 14:6

Da Israel peopo goin be jalike one tree dat get young shoots. Dey goin stay awesome jalike beautiful olive trees, An smell nice jalike da poplar tree.

Hosea 2:20

I goin marry you an you goin trus me. An you goin know who me fo shua, Da One In Charge.”

Micah 4:2

Peopo from diffren nations Goin come dea an tell, “Go come! Us go up Da mountain a Da One In Charge, Wea his Temple stay. He da God Jacob wen pray to. He goin show us guys da way he like fo us live, Fo us do wat he tell us fo do, His Rules goin come out from Mount Zion. Wat he tell goin go out from Jerusalem.”

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Micah 5:7

All da peopo from da Jacob ohana Dat stay alive still yet, Dey goin live togedda wit plenny diffren peopos. Dey goin be jalike dew from Da One In Charge, An rain on top da grass. Cuz nobody can hold back da dew, An da rain come from Da One In Charge, Not from peopo!

Zekariah 10:1

Tell Da One In Charge fo sen rain spring time. Cuz him da One dat make da clouds wit thunda. He goin sen rain showas fo da peopo. He make da plants grow good inside da fields fo erybody.

Malakai 4:2

But fo you guys dat feel real sked Wen you tink bout wat kine god me, Erybody goin see fo real kine wat stay right, Jalike wen da bright sun come up An you can see eryting mo clear. An dass goin make all you guys feel good. Den, you guys goin run aroun an jump, Jalike wen peopo let da bebe cows outa da pen!

Matthew 13:11

He tell, “God let you guys know all da stuff bout how he stay king in da sky. But da odda guys, he no let dem know all dat kine stuff.

Luke 1:78

Oua God give chance cuz he get one big heart. Dass why one new day goin come up fo us guys from God in da sky.

John 17:3

Dis wat da kine life mean dat stay fo real kine foeva: dat da peopo dat get dat kine life know you, da ony God dass fo real, an dat dey know me too, Jesus Christ, da Spesho Guy You Wen Sen.

John 7:17

If anybody like do wat God like um fo do, dey goin know if da stuff I stay teach come from God, o if ony come from my head.

Jesus Guys 17:11

Da Berea peopo, dey mo betta den da Tessalonika peopo, cuz dey trus da Good Stuff Bout Jesus. Ery day dey study real good wat da Bible tell from befo time fo find out if wat Paul tell az true.

Rules Secon Time 32:2

I like wat I teach fall down jalike da rain. An wat I tell come jalike wen get plenny dew, Jalike small kine rain on top da new grass, Jalike plenny rain on top young plants.

Hebrews 3:14

You know, God make all us guys stay tight wit Christ. But we gotta hang in dea an go all out fo trus God, jalike wen we wen trus him da firs time.

2 Peter 1:19

Az how make all us guys mo shua bout da tings we wen learn from da guys dat wen talk fo God befo time. Az good you guys do wat dey wen tell you fo do! Cuz da stuff dey tell, az jalike one small lamp dat shine inside one real dark place. You guys gotta lissen wat dey wen tell. So stay lissen good till Jesus come back! Den you guys goin undastan mo an mo betta. Goin be jalike wen da light from da morning star come out, an den da sun come out!

Jesus Show 22:16

“Me, I Jesus. I wen sen my angel messenja guy fo tell you guys inside da churches all dis stuff. I come from David ohana. I jalike da plant dat come up from da root. I jalike da bright Morning Star.