Hosea 5:8 - Hawaii Pidgin Bible

⁸ “Blow da sheep horn trumpet inside Gibeah! Blow da metal trumpet inside Ramah! Yell fo fight inside Bet-Aven! Lead da army guys, you Benjamin guys!

Hosea 5:8 ပူးပေါင်းရင်းမြစ်များ

2 Samuel 21:6

So den, give us seven guys, Saul boys o grankids, fo us poke big sticks thru dea bodies fo kill um, an hang dea bodies up in front Da One In Charge. We goin do dis inside Gibeah town, cuz Saul, da guy Da One In Charge wen pick fo be king, wen come from Gibeah.” So da king tell, “Fo shua, I goin give dem to you guys.”

1 Kings 12:29

Jeroboam put up one a da idol kine gods Bethel side nea da borda wit Judah, an da odda one in da north, Dan ohana side.

Isaiah 10:29

Dey go ova Mikmash Pass. Dey tell, “Eh, we stay Geba town tonite!” Da peopo inside Ramah town, dey sked an shaking. All da peopo inside Gibeah, Saul town, dey stay run.

Jeremiah 4:5

Da One In Charge tell: “Tell da Judah peopo! An make da Jerusalem peopo hear dis! ‘Make noise wit da sheep horn trumpet all ova da land!’ Yell real loud an tell, ‘Erybody come togedda! Us guys gotta reach da big towns dat get strong wall!’

Jeremiah 6:1

“Quick! You Benjamin ohana peopo, run, go hide! Run away from inside Jerusalem! Blow da sheep horn trumpet inside Tekoa town! Light da signal fire ova Bet-Hakkerem town! Cuz get bad kine guys stay come from da north side Fo come bus us up an wipe us out!

Hosea 10:5

Da peopo dat live Samaria town stay bodda inside, Cuz maybe someting bad goin happen To da young cow idol kine gods in Bet-Aven town. Da Samaria peopo goin come sked, An dea pries guys fo da idol kine gods, Dey all goin stay sad bout da calf statue too. Befo time dey wen stay good inside, Cuz da idol stay awesome. But now odda peopo wen take da awesome idol one far place.

Hosea 4:15

“No matta you Israel peopo fool aroun lidat, I no like fo da Judah peopo make lidat an get da blame. No go Gilgal fo pray to dea fake gods! No go Bet-Aven fo pray to dea fake gods! An no make one promise an tell, ‘Fo shua Da One In Charge stay alive, An he goin punish me if I no do um!’

Hosea 8:1

Da One In Charge tell, “Blow da sheep horn war trumpet! Da ones dat stay agains dem, Az jalike get one eagle bird stay come down fo attack my Temple. Az cuz da peopo wen broke my deal wit dem. Dey go agains my rules.

Hosea 9:9

Dey go all out fo do plenny bad kine stuff, Jalike wen happen long time befo inside Gibeah town. God no foget da blame dese guys get. An he goin punish dem fo all da bad stuff dey do.

Joel 2:1

Blow da sheep horn trumpet On top Mount Zion! Yell to da peopo on top da hill dat stay spesho fo me, An tell um watch out! Good, dat erybody dat live inside da land goin shake cuz dey sked. Cuz da time stay nea fo Da One In Charge come!

Joel 2:15

Blow da sheep horn trumpet on top Mount Zion! Tell da peopo fo no eat so dey can pray to Da One In Charge! Tell dem come togedda fo Da One In Charge.

Amos 3:6

If somebody blow da war trumpet inside one town, Da peopo dea goin tell, “Wassup?! Watch out!” Weneva bad tings happen inside one town, Az Da One In Charge da One make um happen!

Joshua 7:2

Joshua sen guys from Jericho to Ai, nea Bet-Aven, da east side Bethel. He tell dem, “Go up dea fo scope out da land.” So da guys go an scope out Ai.

Local Leadas 5:14

Some a my guys come from Efraim, From wea da Amalek peopo live befo time. Da Benjamin guys follow you wit da odda peopos. Da captains come down from Makir, Da Zebulun guys carry one stick Fo show dey one main army leada.

1 Samuel 15:34

Den Samuel go his place Ramah side. But Saul go his place inside Gibeah.

1 Samuel 7:17

But he erytime go back by Ramah, cuz he stay judge da Israel peopo ova dea too, an az wea he live. An he build one altar ova dea fo Da One In Charge.

1 Samuel 8:4

So, all da older leada guys come togedda, an go by Samuel, Ramah side.