Hosea 5:5 - Hawaii Pidgin Bible

⁵ “Da Israel peopo get big head, Dat show dat dey get da blame. Da Efraim peopo an da odda Israel peopo, Jalike dey trip an fall down wen dey do bad kine stuff. An da Judah peopo trip an fall down wit dem.

Hosea 5:5 ပူးပေါင်းရင်းမြစ်များ

Smart Guys 11:21

You betta know dat da bad kine peopo Goin get busted an suffa, But fo da peopo Dat do da right ting erytime, Da ones dat goin come from dem Goin stay outa trouble.

Smart Guys 11:5

Da kine peopo dat nobody can poin finga dem, Wateva stuff dey do, dey no need worry Cuz dey erytime do da right ting. Wen da bad kine peopo do bad stuff Watevas dey try do, goin jam dem up.

Smart Guys 14:32

Da bad kine peopo, Dey goin get wipe out, Wen dey do bad kine stuff. Da peopo dat do da right ting erytime, Even wen dey goin mahke No mo notting goin hurt dem.

Smart Guys 24:16

Cuz da kine guy dat do wass right erytime, No matta he fall down seven time, He goin come right back up. But da bad guys, dey goin stay down Weneva bad tings happen to dem.

Smart Guys 30:13

Dey da kine peopo Dat ack jalike dey mo betta den erybody. Az why wen dey look at you, dey ack jalike you notting.

Isaiah 3:8

You know, da peopo inside Jerusalem, Jalike dey no can walk strait. Da peopo inside Judah, Jalike dey stay fall down too. Cuz wit wat dey tell, An wit wat dey do, Dey talk bad bout Da One In Charge An go agains him. Dey tink he no good, no matta he awesome.

Isaiah 3:9

Da way dea face look, Show dey no stay do da right kine ting. Dey talk big bout da bad kine stuff dey do, Jalike da peopo inside Sodom. Dey no try hide wat dey do. Bummahs! Dey da ones dat bring da horraz on top dem.

Isaiah 44:9

“All da guys dat make idol kine tings, Dey no mo notting inside. All da statues dey figga worth plenny, Dey no worth notting. Da guys dat tell wat da idols can do, Dey blind, dey no can see notting. Dey donno notting. Az how come dey get plenny shame.

Isaiah 59:12

Da One In Charge, da way you see um, Plenny time us guys go agains you. An all da bad kine stuff us wen do, Dat stay agains us in front da judge. Cuz us guys stay go agains you, An da blame fo dat stay wit us foeva. An us know awready, az true Dat cuz a da tings us wen do, God gotta punish us.

Jeremiah 14:7

Den dis how us guys pray: “I know us guys wen do wass wrong, An az why all dis stuff happen. You Da One In Charge. Try do someting fo show wat kine god you, Cuz us guys wen run away from you An do plenny bad kine stuff agains you.

Jeremiah 2:19

Da bad kine stuff you guys do, Dass wat goin punish you guys. Da way you guys make deaf ear to me, Dat show proof awready dat you guys stay wrong. Try tink hard, an you goin know Dat eryting come real bad fo you guys, Jalike you haunas! Az cuz you guys bag from me, yoa God, Da One In Charge, An no show respeck fo me.” Dass da message from Da One In Charge, da God Ova All Da Armies.

Hosea 14:1

Hosea tell: “You Israel peopo, come back by oua God, Da One In Charge. All da bad kine stuff you guys wen do, Az wat wen bring you guys down!

Hosea 14:2

Come back by Da One In Charge, An tell him you sorry. Tell um: ‘Try hemo da shame fo all da bad tings us guys wen do, An let us guys go! Lissen wen we pray Fo tell you we sorry. Den we goin talk good bout you, Jalike wat we tell now, az one sacrifice Dass mo betta den da bulls we kill.

Hosea 4:5

You guys trip an fall down day time. An nite time, da guys dat talk fo God trip an fall down jalike you guys. Az why I goin wipe out da Israel nation Dass jalike yoa muddah!

Hosea 5:14

Cuz az me, Da One In Charge, Dat punish Israel an Judah. I goin be jalike one lion dat attack da Efraim peopo. Jalike one lion dat go agains da Judah ohana. I goin bus dem up, den go way. I goin drag dem wit me, an no mo nobody goin free um up.

Hosea 7:10

Da Israel peopo get big head, Az why erybody know dey lose face. But no matta, still yet dey no come back to me. Dey no look fo me, dea God, Da One In Charge.

Hosea 8:14

“Da Israel peopo foget me, da One dat wen make dem. Dey build palaces. Da Judah peopo make one strong wall aroun plenny towns. But I goin burn down all dea strong towns An dea strong wall.”

Amos 5:2

“ ‘Da Israel ohana, jalike one young girl. No matta she young, She fall down cuz dey kill her. She no goin stan up one mo time, eva. Dey wen leave her body ova dea, inside her country. Cuz no mo nobody goin come fo her.

Matthew 23:31

Wen you guys talk lidat, you guys show you jalike dem killa guys—an you guys da killa guys kids!

Luke 19:22

Da boss tell, ‘Bummahs! I goin make jalike one judge. Wat you tell show you one bad worka! You know I one hard guy. I take wat not mines, an I harves da crop dat I neva plant.