Hosea 5:15 - Hawaii Pidgin Bible

¹⁵ Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

Hosea 5:15 ပူးပေါင်းရင်းမြစ်များ

Start 42:21

Da braddah guys talk to each odda wit dea language. Dey tell, “Az right, you know! Us get punish cuz a all da bad tings we wen do to oua braddah Joseph. Dat time, we wen see dat he was sked an plenny sore inside, an he beg us fo show pity to him, but us neva lissen! Az how come us guys stay sad inside now.”

2 Records 7:14

If dat kine ting happen, maybe den my peopo, da ones erybody know dey my guys, goin make um come not importan. Dey goin pray an try know me fo real kine. An dey goin no do da bad kine stuff dey wen do no moa. Wen dey do dat, den I goin lissen from da sky. I goin let dem go an hemo dea shame fo da bad kine tings dey wen do. An I goin make dea land come good one mo time.

Job 33:27

Den da guy go in front erybody an tell, ‘I wen do bad kine stuff. I wen jam up wat stay right. But God neva punish me fo pay me back!

Songs 107:13

Den, wen eryting come real hard fo dem, Dey wen yell fo Da One In Charge Help dem, An he get dem outa trouble.

Songs 107:19

Den, wen eryting come hard fo dem, Dey wen yell to Da One In Charge Fo help dem, An he get um outa trouble.

Songs 107:28

Den, wen eryting real hard fo dem, Dey yell fo Da One In Charge Help dem, An he get dem outa trouble.

Songs 107:6

Da peopo wen yell to Da One In Charge Fo him help dem, Cuz was real hard fo dem, An he get um outa trouble.

Songs 132:14

He tell: “Dis da place I goin stay foeva. I goin sit on top da throne an be da king, Cuz dis da place I wen like stay From long time befo time.

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 78:34

But afta God kill some a dea peopo, Da ones dat still stay alive Change dea mind. Dey like know God Jalike dey wen know um befo time.

Songs 83:16

Make dem lose face an come shame, fo dem like find out bumbye Wat kine god you, Da One In Charge.

Smart Guys 8:17

“I get love an aloha fo erybody dat get love an aloha fo me. Erybody dat go look fo me, dey goin find me.

Isaiah 18:4

Dis da ting Da One In Charge tell me: “I goin look down from wea I stay, But I goin stay quiet, Jalike da hot air look jalike stay move wit da light, But no mo noise notting, An jalike da watta dat stay on top da grass make one cloud Wen come real hot wen dey cut da plants, But stay quiet.

Isaiah 26:16

Da One In Charge, befo time oua peopo look fo you Wen dey get hard time. Wen you scold dem fo teach dem, Dey ony can wispa wen dey pray to you.

Isaiah 26:21

Cuz you know wat?! Da One In Charge stay come out from his place Fo punish da peopo on top da earth Fo all bad kine stuff dey do. Den da earth goin show All da peopo dat wen bleed an mahke dea, Da ones dat wen murda dem No can hide um no moa.

Isaiah 26:9

All nite, I fo real kine tink bout you. An morning time, I go all out Fo know you fo real kine. Cuz wen you judge peopo an punish dem, Den peopo all ova da world Goin learn fo do wass right.

Jeremiah 2:27

Dey tell one wood idol, ‘You my faddah!’ Dey tell one stone idol, ‘You wen born me!’ Dey make deaf ear to me, An no lissen. But wen dey get trouble, Dey tell me, ‘Help us get outa trouble!’

Jeremiah 3:13

But one ting I tell you guys gotta do— You gotta tell wat you wen do az wrong, An dat you guys wen go agains me, yoa God, Da One In Charge, An dat you guys fool aroun all ova da place Wit odda peopo gods, Unda all da trees dat get big shade. An wen I talk, you guys no lissen, you make deaf ear! Az wat Da One In Charge tell.’ ”

Jeremiah 3:14

Da One In Charge tell dis too: “Go come back by me, you peopo dat like dig out an go way from me. Cuz I yoa husban, dat get da right fo tell you wat fo do. I goin pick some a you guys, one from one town, o two from one ohana, wea eva you stay scatta. I goin bring you guys back to da place dat stay spesho fo me, az Zion.

Sad Song 3:40

Good, us guys go check out how we do, an tes um. Good, we turn aroun an come tight one mo time wit Da One In Charge.

Ezekiel 10:4

Den da strong light from Da One In Charge go up ova da spesho watcha tings. Da light go from dea, ova da inside part wea da Temple start, by da door fo da Temple. Da Temple all fill up wit cloud inside, an da inside open lanai was shining from da awesome light from wea Da One In Charge stay.

Ezekiel 11:23

Den da awesome light from Da One In Charge go up from inside Jerusalem town, an hang ova da mountain by da east side.

Ezekiel 20:43

Wen you guys come ova dea, you no goin foget how you guys wen live, an all da real bad tings you guys wen do fo come pilau. Den you guys goin come all bum out cuz a all da bad kine stuff you guys wen do.

Ezekiel 36:31

Den you guys no goin foget how pilau you guys was, an all da no good kine stuff you guys wen do. Den you guys goin come real shame cuz a all dat kine stuff you wen do befo time an da way you ack pilau.

Ezekiel 6:9

Den inside da nations wea da army guys wen bring dem, an wea dey stay prisonas, dey goin tink bout me. Dey no goin foget how I was sore inside wen dey wen fool aroun an go away from me. An dey no goin foget how dey wen turn to da idol kine gods an like stay tight wit dem. An den dey goin hate how dey stay cuz a all da bad kine stuff dey wen do an cuz dey wen ack pilau kine.

Ezekiel 8:6

An God tell me, “Eh, Fo Real Kine Guy! You see wat dey do? Da Israel ohana peopo stay do supa pilau kine stuff. Dass why I like stay far from dis place dat suppose to be spesho fo me. But you goin see some tings dat even mo pilau!”

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Hosea 5:6

Wen dey go wit dea sheeps, goats, an cows, Fo find me, Da One In Charge, Dey no goin find me. Cuz I wen bag from dem awready.

Micah 1:3

Look! Da One In Charge stay come From da place wea he stay. He come down. He walk on top da high places All ova da world.

Census 21:7

Da peopo come by Moses, an tell, “Us wen do bad kine stuff wen we grumble bout Da One In Charge an about you. Try aks Da One In Charge fo make da snakes go way from us guys.” So Moses pray fo da peopo.

Luke 13:25

God jalike one house owna dat eat, den go lock da door fo go sleep. Den you guys goin stan outside an start fo knock da door an tell, ‘Eh Boss, try open da door fo us!’ But he goin tell you guys, ‘I donno who you guys o wea you guys come from!’

Local Leadas 4:3

Jabin get nine hundred iron war wagons. He put mean kine presha on top da Israel peopo fo twenny year. So dey yell to Da One In Charge fo help dem.