Hosea 4:7 - Hawaii Pidgin Bible

⁷ Wen get mo plenny pries guys, Dey ony do mo plenny bad kine stuff agains me. Dey trade dea awesome kuleana fo shame kine stuff.

Hosea 4:7 ပူးပေါင်းရင်းမြစ်များ

Ezra 9:7

From da time oua ancesta guys wen live to now, us guys get uku pile a shame. An cuz a da bad kine stuff us guys stay do, you wen let da kings from odda lands take ova us guys—oua kings an prieses an erybody. Dey kill us wit swords, an drag us away fo work fo dem. Dey take eryting we get, an dey make us come plenny shame. An dat stay happen one mo time right now!

Hosea 10:1

Befo time da Israel peopo Was jalike one grape plant dat grow an spread all ova. Da fruits, same ting. But wen dey come even mo right, Dey wen build mo plenny altars fo odda gods. Wen da land make even mo fruit, Dey make da kapu stones fo da idol kine gods mo fancy.

Hosea 10:6

Dey goin take da idol Assyria side Fo make one present fo da importan king ova dea. Da Efraim peopo goin lose face. An all da odda Israel peopo goin come shame too Cuz dey wen trus da idol dey wen make from wood.

Hosea 13:14

You tink I goin pay da price fo dem So da Mahke Peopo Place no mo powa ova dem? No ways! You tink I goin pay fo dem no mahke? Not even! Az da real bad kine sick goin make dem mahke! Da Mahke Peopo Place goin wipe dem out! No way I goin show dem pity!

Hosea 13:6

Wen I wen feed dem, dey get full. Wen dey full, den dey ack high makamaka. Dass how dey foget me.

Hosea 4:10

Dey all goin eat, but dey no goin get enuff. Dey goin fool aroun, but dat no goin give um mo kids. Az cuz dey wen bag from me, Da One In Charge, Fo go fool aroun

Hosea 5:1

Da One In Charge tell, “Lissen, you pries guys! Lissen good, all you Israel ohana peopo! An lissen, you king an yoa ohana! Wat da judge tell stay agains you guys: You guys wen lead peopo to one trap Mizpah side. An az jalike you spread out one net fo catch peopo at Mount Tabor.

Hosea 6:9

Da pries guys, dey one gang, Jalike da steala guys dat hide togedda fo jump somebody. Dey kill peopo on top da Shekem road. Dey make plans fo do real bad kine stuff.

Hosea 9:11

Da Efraim peopo, dey awesome. But no goin be lidat no moa, jalike wen one bird fly away. Dey no goin get hapai. Dey no goin born kids.

Habakkuk 2:16

You da ones goin lose face! No way wat you do Goin make you guys look awesome! Now az time fo you guys suffa! So drink, an show erybody Dat you no mo da cut skin mark Dat da peopo a Da One In Charge get! Da One In Charge goin use his powa Fo make you drink from his cup. Dat mean you goin get plenny trouble! Befo time, you guys was awesome, but now you shame ony!

Malakai 2:9

An I goin make erybody tink you guys pilau, an make you guys come shame. Cuz wit you guys, no mo nobody do da tings da way I tell um fo do um! Wen you guys teach da peopo wat da Rules From God mean, you tell um diffren kine fo diffren peopo!” Dass wat Da One In Charge, Da God Ova All Da Armies, tell.

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.

Philippi 3:19

Dem guys, bumbye dey goin come wipe out. Dey ony live fo eat. Dey do shame kine stuff all da time, an dey talk real big wen dey make lidat. Dey da guys dat ony like tink bout da kine stuff from dis world.

1 Samuel 2:30

“ ‘Me, Da One In Charge, da God fo da Israel peopo. Az why I tell you dis: I wen make one promise dat yoa ohana, an yoa ancesta Aaron ohana, goin live in front me foeva. But cuz me Da One In Charge, I tell you dis too: No way goin be how stay now! Cuz da peopo dat show respeck fo me, I goin show respeck fo dem. But da peopo dat make to me jalike I notting, I goin put kahuna on top dem!