Hosea 4:6 - Hawaii Pidgin Bible

⁶ My peopo stay coming wipe out Cuz dey donno me. An cuz you pries guys no like know me, Az why I no like let you guys be my pries guys. You guys foget da teaching Dat come from me, yoa God, Da One In Charge, Az why I goin foget yoa kids.

Hosea 4:6 ပူးပေါင်းရင်းမြစ်များ

2 Records 15:3

From long time, da Israel peopo no mo da God dass fo real, an no mo pries fo teach dem, an no mo da Rules From God.

Job 36:12

But if dey no lissen, Dey goin get kill wit swords. Dey goin mahke cuz dey neva learn notting.

Songs 119:139

Da ones dat stay agains me, Dey foget eryting you tell. An dat make me real mad, Az why I no can even talk!

Songs 119:153

Try look at all da stuff Dat make me come sore inside, An get me outa trouble. Cuz I no foget da Rules you teach.

Songs 119:61

Da bad guys, jalike dey come All aroun me fo tie me up, But I no goin foget da Rules you give.

Songs 18:27

Da kine peopo dat get hard time, You get um outa trouble. But da peopo dat ack high makamaka, You shame um in front erybody.

Smart Guys 10:21

Da peopo dat stay do wass right, Wat dey tell, az jalike food fo da inside fo plenny peopo. Da stupid head kine peopo wit attitude, Dey goin get cut off from God foeva, Cuz dey no tink strait.

Smart Guys 19:2

An no good, you go all out fo do someting But you no tink good bout wat you doing. An no good, you rush An come jam up.

Isaiah 1:3

Da cows know who own um, An da donkeys know wea dea owna give um food. But da Israel peopo, dey donno me. Even my peopo no undastan notting bout me.”

Isaiah 17:10

Fo shua you guys foget bout God No matta he da One dat get you guys outa trouble. You no even rememba Dat he jalike one big rock fo you hide dea. Dass why you stay plant nice plants fo da god Adonis An da gods from anodda place.

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Isaiah 28:7

But nowdays, even dose guys Fall down cuz dey drink too much wine An no can walk good cuz a da beer! Even da pries guys an da guys dat talk fo God, Dey fall down cuz a da beer An no can figga right cuz a da wine. Wen God like show um someting jalike one dream, Dey no undastan um an dey tell um az wrong Wen dey gotta judge wass right an wass wrong, Dey no can do um, cuz dey stay jam up.

Isaiah 29:12

An if you guys give um to somebody dat donno how fo read, An tell him fo read um, He goin tell, “I no can. I donno how fo read.”

Isaiah 3:12

Da ones dat give my peopo presha, Dey stay ack jalike dey young kids. My peopo get wahines in charge a dem. Lissen, my peopo, Da ones dat tell you guys wea fo go, Dey stay take you guys da wrong way. Dey stay jam up you guys plenny, So you donno wea da right way fo go.

Isaiah 45:20

“Go come togedda, an come nea me, All you prisona guys From all da diffren countries. Da peopo dat carry dea idol kine gods hea an dea wit dem, Dat somebody wen make from wood, Dey donno notting! Dey pray to da kine gods Dat no can get dem outa trouble.

Isaiah 5:13

Dass why my peopo goin come prisonas An go anodda land, Cuz dey donno notting. Dea importan peopo goin mahke Cuz dey no mo food fo eat, Da odda peopo goin mahke Cuz dey no mo notting fo drink.

Jeremiah 2:8

Da pries guys neva aks, ‘Wea Da One In Charge stay?’ Da guys dat suppose to know da Rules fo shua, Dey donno me fo real kine. Da guys dat suppose to take kea da peopo, Dey like beef wit me. Da guys dat suppose to talk fo me, Dey talk fo da god Baal. Dey stay tight wit da idol kine gods Dass good fo notting.”

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Jeremiah 5:21

‘Lissen up, you stupid peopo dat no tink! You guys get eyes, but you no can see. You guys get ears, but you no can hear.’ ”

Ezekiel 44:23

Dey goin teach my peopo dat da stuff dass spesho fo me an da regula kine stuff stay diffren. Dey goin teach my peopo fo know dat da pilau kine stuff an da stuff dass spesho fo me stay diffren too.

Hosea 13:6

Wen I wen feed dem, dey get full. Wen dey full, den dey ack high makamaka. Dass how dey foget me.

Hosea 2:13

I goin punish her fo all da times She go burn incense fo da Baal idols. She put on plenny rings an jewelry. She go wit da guys dat make sex wit her, But she foget bout me.” Az wat Da One In Charge tell.

Hosea 4:1

You Israel peopo, lissen wat Da One In Charge tell. Cuz he stay poin finga at da guys dat live inside da land. He tell: “No can trus dem guys! Cuz dey no stay tight wit me! No mo nobody inside da land know me, God!

Hosea 4:14

I no goin punish yoa girls Wen dey fool aroun fo money, O yoa daughtah-in-laws Wen dey fool aroun behind dea husban back. Cuz dea guys do da same ting, Dey fool aroun da hoaz too, An make sacrifice wit da hoaz Dat fool aroun inside da temple Fo da idol kine gods. Da peopo no undastan. Az why dey goin come all wipe out!

Hosea 5:4

Da Israel peopo stay do bad kine stuff, An dat make um so dey no come back by me, dea God. Cuz inside, dey ony like fool aroun wit odda gods. Dey donno me, Da One In Charge.

Hosea 6:6

Cuz make me feel good, Wen you guys stay tight wit me, Mo den wen you jus make sacrifice. Make me feel good, Mo den wen you jus make one burn up kine sacrifice Wen you guys know dat I God.

Hosea 7:11

“Da Israel peopo wen come jalike one dove, Stupid kine dat no can undastan notting. Firs ting, dey call da Egypt peopo fo help dem. Den dey turn aroun an call Assyria.

Hosea 7:9

Da peopo from anodda place take away dea powa. But da Efraim peopo tink notting wen happen to dem. Az jalike da Efraim peopo hair come all gray, But dey donno dey stay weak.

Hosea 8:1

Da One In Charge tell, “Blow da sheep horn war trumpet! Da ones dat stay agains dem, Az jalike get one eagle bird stay come down fo attack my Temple. Az cuz da peopo wen broke my deal wit dem. Dey go agains my rules.

Hosea 8:12

I wen write uku plenny rules fo dem, But dey ack jalike dose rules not fo dem.

Hosea 8:14

“Da Israel peopo foget me, da One dat wen make dem. Dey build palaces. Da Judah peopo make one strong wall aroun plenny towns. But I goin burn down all dea strong towns An dea strong wall.”

Hosea 9:17

God tell “Laytas” to da Israel peopo Cuz dey no goin lissen him. Dey goin go from one nation to anodda nation, Cuz dey donno wea dey stay goin live.

Matthew 1:6

An Jesse, he King David faddah. Den had fourteen faddahs from David till dey come prisonas Babylon side: David, he Solomon faddah. An Solomon muddah Batsheba, befo dat she Uriah wife.

Matthew 15:14

Laytas wit dem awready! Dey jalike one blind guy stay go aroun, an show anodda blind guy wea fo go. Bumbye da two blind guys goin fall down inside one puka.”

Matthew 15:8

“ ‘God tell, “Dese guys talk jalike dey get respeck fo me, But inside dey stay far from me.

1 Samuel 2:12

Eli boys, cuz dey no mo respeck fo Da One In Charge, dey pilau kine guys an dey do bad kine stuff.