Hosea 2:7 - Hawaii Pidgin Bible7 She goin chase afta da guys dat make sex wit her, But she no goin catch um up. She goin look fo dem, But she no goin find dem. Den she goin tell, ‘Eh! Wase time awready! I goin go back by my firs husban, Cuz wen I stay wit him, Eryting mo betta den now.’ အခန်းကိုကြည့်ပါ။ |
Hosea 2:7
41 ပူးပေါင်းရင်းမြစ်များ
“Go tell dis Fo all da peopo inside Jerusalem hear you. Da One In Charge tell, ‘I no foget how you guys was, young time. You guys was real tight wit me, Jalike one bride dat get plenny love an aloha fo da guy she marry. You guys wen stay tight wit me all da way thru da boonies, Even da places wea no can plant seeds notting.
Da One In Charge tell dis: “If one guy dump his wife, An she go way from him an go marry anodda guy, Den no way he can go back an marry her one mo time. Cuz if he do dat, den da land wea he do um goin come all pilau. But you guys stay live Jalike one hoa dat fool aroun wit plenny guys. So how come you guys tink now you can come back by me?! No ways!” Dass da message from Da One In Charge.
Fo shua, I hear da Efraim peopo make sad kine noise, Dey tell: ‘You wen punish us guys jalike us one young cow Dat no like learn how fo pull one plow. But now, us guys know dat you wen punish us guys Fo teach us one lesson. Help us go home, an we goin go, Cuz you, oua God, dass Da One In Charge a us!
Fo shua we goin do eryting we tell we goin do. We goin burn incense fo oua wahine god da Queen Inside Da Sky. We goin pour out drink sacrifices fo her, jalike us guys, oua ancesta guys, da king guys, an oua leada guys wen do inside da Judah towns an on top da Jerusalem streets. Befo time, wen we make lidat, we get plenny food, an we stay rich, an we no suffa notting bad.
“ ‘Da nex time I go by dea, I wen look you, an I see dat you stay ol enuff fo make love. I spread da corna a my blanket ova you fo cova you cuz you stay naked. Dass how I show I goin take kea you fo come my wife. I make one strong promise to you an make one spesho deal wit you fo you come mines. Az wat me, Da One In Charge, da Boss, tell.
Us angel messenja guys tell Wat God make up his mind fo do. We stay spesho fo God, An we tell wat goin happen. Cuz we do dat, Erybody dat stay alive goin know dis: Da God Dass Mo Importan Den All Da Odda Gods, He get da powa fo tell All da govmens in da world Wat dey gotta do. He make whoeva he like Come da king fo dem. He even can take one guy Dat nobody tink he importan, An make him da govmen leada.”
Da peopo goin make you go way from dem an go stay wit da wild animals. You goin eat grass jalike da cows an come wet wit da dew from da sky. Afta seven year, you goin know dat da God Dass Mo Importan Den All Da Odda Gods, get da powa fo tell all da govmens in da world wat dey gotta do. God can give whoeva he like come da king fo dem.
Da peopo goin make you go way from dem an make you stay wit da wild animals. You goin eat grass jalike da cows. Afta seven year pass, you goin know dat da God Dass Mo Importan Den All Da Odda Gods get da right fo tell all da govmens in da world wat dey gotta do. He can make whoeva he like come da king fo dem.”
Da peopo no let him stay wit dem no moa. He get da head fo tink jalike one animal. He live wit da wild donkeys, an eat grass jalike da cows. His body come wet wit da dew from da sky. Afta dat, he find out dat da God Dass Mo Importan Den All Da Odda Gods get da powa fo stay in charge a all da peopo dat come king inside da world, an he make whoeva he like come king.
ကြော်ငြာတွေ