Hosea 2:14 - Hawaii Pidgin Bible

¹⁴ “Az why bumbye I goin make her like fo go wit me. I goin lead her back inside da boonies, An talk nice to her.

Hosea 2:14 ပူးပေါင်းရင်းမြစ်များ

Start 34:3

Den he start fo feel plenny love fo Dinah, Jacob daughtah. So he make nice to her.

Job 36:16

“Fo shua, Job, God make you fo you like get away from trouble. Az cuz he like bring you inside one place fo you move aroun. He like you res by yoa table dat get plenny good food.

Love Song 1:4

Take me away wit you! Hurry up! Us go! Eh! You my king guy! Bring me inside da bedroom! Us guys like dance an sing cuz a you! We stay real good inside! Us goin talk good bout how you guys make love togedda now, Mo den we talk good bout da wine. So az right, fo dem get plenny love an aloha fo you!

Isaiah 30:18

Dass how come Da One In Charge stay wait, Cuz he stay ready fo do good tings fo you guys. He goin stan up Fo show you guys pity an love. Cuz Da One In Charge, he da kine god Dat judge da right way erytime. An all da peopo dat stay wait fo him, Dey can stay good inside.

Isaiah 5:5

“Now, I goin tell you guys Wat I goin do wit my grape field! I goin take away da hedge from aroun um, Fo da cows come inside an eat wat stay dea. I goin broke down da wall aroun um Fo odda guys go inside an bus um up.

Jeremiah 16:14

“Me, Da One In Charge tell: But you know wat? Da time goin come wen peopo make one strong promise. Dey no goin make um lidis no moa. Dey no goin tell ‘Jalike fo shua Da One In Charge stay alive, da One dat wen bring da Israel peopo outa Egypt.’

Jeremiah 2:2

“Go tell dis Fo all da peopo inside Jerusalem hear you. Da One In Charge tell, ‘I no foget how you guys was, young time. You guys was real tight wit me, Jalike one bride dat get plenny love an aloha fo da guy she marry. You guys wen stay tight wit me all da way thru da boonies, Even da places wea no can plant seeds notting.

Jeremiah 45:4

Den Da One In Charge tell Jeremiah, “Tell Baruk dis: ‘Dis wat me Da One In Charge tell: I stay ready fo bus up wat I wen build. I stay ready fo pull out wat I wen plant. Dass wat goin happen all ova da world.

Ezekiel 20:10

Az why I bring dem outa Egypt an make um go inside da boonies.

Ezekiel 20:33

Me, Da One In Charge, da Boss, tell dis: Cuz me Da One In Charge, fo shua I goin be da king ova you Israel guys, wit one strong hand, an plenny powa, an I goin show dat I stay huhu.

Hosea 2:3

If she no pau make lidat, Den I goin make her come naked Jalike da day she wen born. I goin make her come jalike da boonies An jalike da dry land. An den she goin come thirsty an mahke.

Micah 1:7

I goin smash all da idol kine gods Dat da Samaria peopo wen make. Da presents guys give to da temples ova dea, Fo dem fool aroun wit da wahines dat work dea, I goin burn um all up. I goin take all dea idol kine gods An make um come one pile a junk. Da Samaria wahines fool aroun fo money. An da Samaria peopo make idol kine gods Wit da money from dose wahines. But bumbye, da guys dat stay agains Israel Goin take away dat money Fo pay odda wahines dat fool aroun in odda countries.”

Micah 4:10

Squirm an yell, you Jerusalem peopo! Jalike one wahine dat stay born one bebe. Cuz now you guys gotta go way from da big town, An stay inside da boonies. You guys goin go all da way to Babylon town. Az wea you guys goin get outa dis trouble. Az wea Da One In Charge goin do wat he gotta do Fo get you guys outa trouble From da powa dat da peopo Dat stay agains you guys get.

John 12:32

Wen dey lif me up from da groun fo kill me, den I goin bring erybody by me.”

John 6:44

My Faddah wen sen me hea. No mo nobody can come by me, if my Faddah no bring um. An I goin make dem guys come back alive from mahke wen da world goin come pau.

Jesus Show 12:14

God give her two wings jalike one big eagle fo fly to da place wea he wen make ready fo her inside da boonies. Ova dea he goin take kea her fo three an a half year, an da Dragon no can touch her.

Jesus Show 12:6

Den da wahine run to da boonies, to one place dat God wen make ready fo her, an somebody take kea her three an a half year.

Local Leadas 19:3

her Levi guy go talk wit her an she like come back. He take wit him one worka guy an two donkeys. She let him come inside her faddah house. Wen her faddah see him, he stay good inside.