Hosea 14:3 - Hawaii Pidgin Bible

³ Da Assyria peopo no can get us guys outa trouble. We no goin ride war horses fo fight. We no goin tell no mo Dat da tings us guys wen make, dey oua gods. Cuz you da ony One dat show love an pity Fo da kids dat no mo faddah o muddah!’ ”

Hosea 14:3 ပူးပေါင်းရင်းမြစ်များ

2 Records 16:7

Dat time, get one guy Hanani dat can see wass goin happen bumbye. He go by Asa da Judah king, an tell him, “Cuz you wen trus da Aram king, an no trus yoa God, Da One In Charge, da army fo da Aram king wen get away from you.

Songs 10:14

But you, erytime dey do humbug kine stuff You see um an make trouble. You know wass happening fo real kine! You get da powa fo pay dem back. Dass why da peopo dat no can fight back Trus you fo take kea dem. You da One dat take kea Da peopo dat no mo faddah o muddah.

Songs 146:3

No trus some guy Jus cuz he one leada guy Wit one good heart, Cuz he ony one guy! He no goin get you outa trouble!

Songs 146:9

Da One In Charge, he da One Dat take kea da foreign peopo Dat live wit us guys. He come fo help da kids Dat no mo muddah an faddahs An da widow wahines. But fo da peopo Dat stay do bad kine stuff, Da One In Charge jam up Da way dey like go.

Songs 33:17

If you tink you goin get outa trouble Jus cuz you get One good kine army horse, You wrong. Da horse real strong fo shua, But he no goin help you fo run away.

Songs 68:5

God live inside da place Dat stay spesho fo him. He jalike one faddah guy Fo da kids dat no mo faddah, An jalike one judge Dat take kea da widows.

Isaiah 1:29

“Fo shua, you guys goin come shame plenny Cuz you like go down in front da idol kine gods Inside places wea get oak trees an garden.

Isaiah 2:20

Dat time, da idol kine gods Dat da peopo wen make from silva an gold Fo go down an show um respeck, Dey goin throw um all away To da bats an da rats.

Isaiah 27:9

Dass wat God goin do fo pay da price, Fo hemo da shame fo da Jacob ohana. Dass wat goin happen Wen God throw out all da bad kine stuff dey wen do. Den, God goin make all da stones Inside da altars fo da odda gods Come jalike chalk wen somebody smash um. Da poses wea dey pray to da wahine god Asherah An da altars wea dey burn da incense fo da odda gods, Dey no goin stan dea no moa.

Isaiah 30:16

Dass how come you guys wen tell, “No way! We goin ride horse an run away!” So den, you guys goin run away! You guys wen tell, “We goin ride horse dat run real fas!” But da guys dat come chase you guys, Dey get fas horse too.

Isaiah 30:2

Befo dey go Egypt side, Dey neva aks me firs bout dat. Dey aks da Pharaoh guy fo help dem An let dem stay wit him So notting goin hurt dem.

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 31:3

Still yet, da Egypt guys, dey ony peopo. Dey not God. Dea horses, dey ony animals, Dey not spirits. Wen Da One In Charge put up his hand fo bus um up, Da guys dat help dem, Jalike dey goin trip. An da guys dey help, Jalike dey goin fall down. All a dem goin come wipe out togedda.

Isaiah 36:8

“So now, make one bet wit my boss, da Assyria king. I give you guys 2,000 horse if you get enuff guys fo ride on top um!

Jeremiah 49:11

No goin get nobody from da Esau ohana dat can tell, ‘Az okay fo leave yoa kids hea dat no mo faddah o muddah, Cuz I goin make shua dey stay alive. Same ting fo da widows, Dey can trus me.’ ”

Ezekiel 36:25

“Jalike I goin splash clean watta on top you guys an you guys goin come real clean inside. I goin make you guys come real clean from all da pilau kine stuff you guys wen do an from yoa idol kine gods.

Ezekiel 37:23

Dey no goin come pilau no mo wit dea idol kine gods, o wit da pilau kine statues dey make, o wit all da ways dey go agains me. Az cuz I goin get um outa all da bad kine stuff dey wen do wen dey wen bag from me. I goin make dem come clean inside. Den dey goin come my peopo fo real kine an I goin come dea God.

Hosea 12:1

Da Israel peopo, dey ack jalike da wind stay dea food. All day dey chase da east wind. Dey bulai mo an moa, an dey beef mo an moa. Dey make one deal wit da Assyria peopo. Den dey sen olive oil Egypt side.

Hosea 13:2

Now, dey stay do bad kine stuff mo an moa. Dey cova idol kine gods wit dea silva. Dey know how fo make um real good. But dass ony peopo dat make um. Odda peopo talk bout dem. Dey tell, “Dose peopo dat make da sacrifices to odda gods, Dey kiss da bebe cow statues.”

Hosea 14:8

“Eh! You Israel peopo! Tell ‘Laytas’ to da idol kine gods! I da One goin lissen wen you guys pray, An take kea you guys. I jalike one green pine tree dat make shade fo you guys. An all da good tings dat happen to you guys, stay come from me!”

Hosea 2:17

I goin take away da names fo da Baal gods from her mout. She no goin talk bout dem no moa.

Hosea 5:13

“Wen da Efraim peopo an da Judah peopo Wen see dey sick, Den da Efraim peopo wen go Assyria side Fo tell da strong Assyria king help dem. But he no can help you guys. He no can make yoa sores come pau.

Hosea 7:11

“Da Israel peopo wen come jalike one dove, Stupid kine dat no can undastan notting. Firs ting, dey call da Egypt peopo fo help dem. Den dey turn aroun an call Assyria.

Hosea 8:6

Somebody from Israel wen make dat idol! One guy dat work wit metal Wen make da bebe cow kine idol from Samaria. Dass not me, God! Gotta broke um in small pieces awready!

Hosea 8:9

Cuz da Israel peopo ack jalike one wild donkey dat go look fo one wahine donkey. Az how dey wen go Assyria side. Jalike da Israel peopo sell dea body To da guys dat pay fo fool aroun dem.

Jonah 2:10

Den God tell da big fish bahf up Jonah on top da beach.

Zekariah 13:2

Da One In Charge, Da God Ova All Da Armies, tell: “Dat time, I no goin let nobody use da names fo all da idol kine gods from da land. Nobody goin rememba dose gods no moa. I goin throw out da peopo dat talk fo dose gods, an da pilau kine spirit dat peopo inside dis land get.

John 14:18

“I no goin leave you guys all alone. I goin come back by you guys.

Rules Secon Time 17:16

No foget: da king no can get plenny horses ony fo him, o make da peopo go back Egypt side fo get mo horses. Cuz Da One In Charge, he wen tell you guys, “No go back Egypt side no moa!”