Hosea 13:9 - Hawaii Pidgin Bible

⁹ “You Israel peopo, somebody goin wipe you out Cuz you stay agains me, An I da ony One can help you guys.

Hosea 13:9 ပူးပေါင်းရင်းမြစ်များ

2 Records 28:23

He make sacrifice to da Damascus gods, no matta da Damascus guys wen win ova him. He figga, “Cuz da gods fo da Aram kings wen help dem, I goin make sacrifice fo dose gods, fo dem help me too!” But az was da ting dat make Ahaz an his Judah peopo come weak.

Songs 146:5

Whoevas get da God Dat Jacob wen pray to fo help dem, Dey can stay good inside. Dey stay shua dat bumbye Da One In Charge goin do Good tings fo dem, Cuz he da God fo dem.

Songs 33:20

Us guys stay wait Fo Da One In Charge take kea us. He da One dat help us. He jalike one shield Fo no let us guys get hurt.

Songs 46:1

God, he jalike one place Fo us guys go hide. He make us guys stay strong Fo notting bad happen. Wen get all kine trouble, God stay ready Fo help us guys plenny.

Smart Guys 6:32

But da guy dat fool aroun one wahine dat stay married, Jalike da guy no mo one brain, Cuz he ony stay kill himself, An dass his fault.

Smart Guys 8:36

But whoeva no can find me, Dey ony come jam up. Whoeva hate me, Jalike dey like fo mahke.”

Isaiah 3:11

Bummahs! fo da guys dat do bad kine stuff, Cuz eryting goin come out bad fo dem! Jalike wat dey do, Dass wat dey goin get.

Isaiah 3:9

Da way dea face look, Show dey no stay do da right kine ting. Dey talk big bout da bad kine stuff dey do, Jalike da peopo inside Sodom. Dey no try hide wat dey do. Bummahs! Dey da ones dat bring da horraz on top dem.

Jeremiah 2:17

You guys do all dis to you, Cuz you guys wen bag From yoa God, Da One In Charge, Da time he show you guys da way fo go.

Jeremiah 2:19

Da bad kine stuff you guys do, Dass wat goin punish you guys. Da way you guys make deaf ear to me, Dat show proof awready dat you guys stay wrong. Try tink hard, an you goin know Dat eryting come real bad fo you guys, Jalike you haunas! Az cuz you guys bag from me, yoa God, Da One In Charge, An no show respeck fo me.” Dass da message from Da One In Charge, da God Ova All Da Armies.

Jeremiah 4:18

“Da way you guys live An da kine tings you guys do Make all dese tings happen to you. Dis how I goin punish you guys: Goin be real sore, Jalike one sword dat stab yoa heart!”

Jeremiah 5:25

But cuz you guys stay do wass wrong, Da time fo rain an da time fo harves food no goin come. An cuz you guys stay do bad kine stuff, Da good kine stuff no goin happen fo you guys.

Hosea 13:4

Da One In Charge tell, “But me Da One In Charge, I yoa God. I wen bring yoa ancesta guys outa Egypt. You guys betta not know any odda god, ony me. Me, da ony One can get you guys outa trouble.

Hosea 14:1

Hosea tell: “You Israel peopo, come back by oua God, Da One In Charge. All da bad kine stuff you guys wen do, Az wat wen bring you guys down!

Hosea 7:14

Dey no call me wit one good heart. Dey ony lay on top dea beds an cry loud. Dey cut dea body Fo odda gods give um wheat an barley an new wine, But dey tell ‘Laytas’ to me!

Hosea 7:15

Was me Da One In Charge wen teach dem an make um strong. But dey plan now fo do bad kine stuff agains me.

Malakai 1:12

But I tell, you pries guys, you da one make my Boss altar pilau. Da tings you guys tell, dass wat make um pilau. You guys make erybody tink da altar good fo notting an da food on top dat altar pilau.

Malakai 1:13

Da One In Charge, da God Ova All Da Armies, tell: “You guys tink, ‘Eh! Too much, dis!’ You guys ack jalike da sacrifices haunas! Den you go bring da kine animals dat da wild animals rip up, an give um to me fo one sacrifice. Da kine no can walk an stay sick. You tink I goin take um an stay good inside cuz you make lidat? I no tink so!” Dass wat Da One In Charge tell.

Malakai 1:9

Now you beg me fo make good to you guys, an maybe I give you guys chance, no matta you bring dat pilau kine sacrifice! How come you tink, ‘Maybe Da One In Charge, Da God Ova All Da Armies, goin do good kine tings fo us guys,’ aah?!

Rules Secon Time 33:26

“No mo anodda god like da God fo Jeshurun, Az da Israel peopo dat stay do wass right, He ride from one side a da sky to da odda side Fo help you guys. He ride jalike da clouds one war wagon fo him Cuz he awesome.

Rules Secon Time 33:29

You Israel peopo can stay good inside! No mo nobody jalike you guys. Da One In Charge get you guys outa trouble. Jalike he yoa shield, He help you guys. Jalike he yoa awesome sword, He fight fo you guys. Da peopo dat stay agains you guys Goin come sked an shaking in front you guys. You guys goin walk all ova dea backs.”