Hosea 13:8 - Hawaii Pidgin Bible

⁸ I goin attack dem jalike one bear Wen somebody steal her bebes. I goin rip dea heart open. I goin eat um up right den an dea, jalike one lion, Jalike da wild animals bus up da body a da animals dey catch. I goin bus up dea body!

Hosea 13:8 ပူးပေါင်းရင်းမြစ်များ

2 Samuel 17:8

You know yoa faddah an his guys, dey all know how fo fight real good, an dey plenny huhu awready! Dey goin ack jalike one wild bear wen somebody steal her bebes. An yoa faddah win plenny war awready, you know. He no goin go sleep by da odda army guys, nite time.

Songs 50:22

You peopo dat ack jalike God no matta, Tink real good Bout all da tings I tell you. Cuz if you no lissen, I goin rip you guys up, An no mo nobody Goin get you outa trouble.

Songs 80:13

You let peopo rip into us guys, Jalike da wild pig from da fores Rip into da grape plants, An all da wild animals From da boonies eat up eryting.

Smart Guys 17:12

Mo betta if you meet one muddah bear Right afta somebody steal her bebes, Den if you meet one dumb buggah Dat tink he no need learn notting, Right afta he do someting stupid.

Isaiah 5:29

Da army guys make big noise jalike da wahine lion. Dey grab eryting, Jalike da lion make noise wen he grab one animal An carry um away An no mo nobody can bring dem back.

Isaiah 56:9

Da One In Charge tell: “Eh, all you wild animals From my boonies! Go come an eat stuff, Even all you wild animals From da fores!

Jeremiah 12:9

Da peopo dat stay mines, Dey come jalike one scavenja dat like eat me. Jalike get wild hyenas, Wit scavenja birds all aroun um. Go bring all da wild kine animals fo eat up my peopo!

Jeremiah 25:38

Jalike one lion leave da place wea he stay hide fo hunt, Da One In Charge goin go out lidat too! Az why dat land goin come one skery place fo live. Cuz da guys dat like put presha on dem, Goin bus um up wit swords, An cuz Da One In Charge stay real huhu.”

Hosea 2:12

I goin wipe out her grape plants an her fig trees Dat she tink, ‘Da guys dat make sex wit me wen give me dis fo pay me!’ I goin make her trees grow thick togedda Fo ony da wild animals eat all da fruits.

Hosea 5:14

Cuz az me, Da One In Charge, Dat punish Israel an Judah. I goin be jalike one lion dat attack da Efraim peopo. Jalike one lion dat go agains da Judah ohana. I goin bus dem up, den go way. I goin drag dem wit me, an no mo nobody goin free um up.