Hosea 13:4 - Hawaii Pidgin Bible

⁴ Da One In Charge tell, “But me Da One In Charge, I yoa God. I wen bring yoa ancesta guys outa Egypt. You guys betta not know any odda god, ony me. Me, da ony One can get you guys outa trouble.

Hosea 13:4 ပူးပေါင်းရင်းမြစ်များ

2 Kings 18:35

From all da gods fo dose lands, no mo even one god wen get dea land outa my powa! So, how you tink Da One In Charge goin get Jerusalem town outa my powa?!”

Isaiah 43:3

Cuz me Da One In Charge, Da God fo all you guys. I da Spesho One fo da Israel peopo Dat get you guys outa trouble. I wen give Egypt fo pay So you no gotta be one slave, An Sudan an Yemen too.

Hosea 11:1

Da One In Charge tell, “Befo da Israel peopo come one nation, dey jalike my kid. I get love an aloha fo all dem. An I call out to all dem, ‘Eh my boy! Go come outa Egypt!’

Hosea 12:10

I wen talk to da guys dat talk fo me. Fo tell you guys take kea. I make dem dream plenny stuff. I show um how fo tell stories fo teach fo me.”

Hosea 12:9

Da One In Charge tell, “Me, Da One In Charge, yoa God. I wen bring yoa ancesta guys outa Egypt. Bumbye I goin make you guys live inside tents one mo time, Jalike wen yoa ancesta guys make da spesho religious ceremony, Da one Fo Live In Shacks.

Hosea 2:15

Ova dea I goin give her back her grape fields. I goin make Trouble Valley come Da Place Wea Fo Shua Someting Good Goin Happen. An ova dea she goin sing to me jalike wen she stay young. Jalike da time I bring up outa Egypt.”

Hosea 2:20

I goin marry you an you goin trus me. An you goin know who me fo shua, Da One In Charge.”

Jonah 2:10

Den God tell da big fish bahf up Jonah on top da beach.

Jesus Guys 4:12

“No mo nobody dat can take da peopo outa da bad kine stuff dey stay do. No mo nobody in da whole world dat we gotta stay tight wit fo him take us outa da bad kine stuff we stay do. God give us ony Jesus fo do dat.”