Hosea 13:3 - Hawaii Pidgin Bible

³ Az why dey goin disappea fas, Jalike da clouds, morning time. Jalike da dew dat come out early an den go way. Jalike da junk kine stuff dat da wind blow way from da wheat an barley. Jalike da smoke dat go outa one window.

Hosea 13:3 ပူးပေါင်းရင်းမြစ်များ

Job 21:18

You tink dey stay jalike da junk kine stuff from da wheat Dat blow away? Not!

Job 30:15

Skery tings come all ova me. Jalike da wind blow way all da respeck peopo wen get fo me. All da good kine stuffs I get, gone awready jalike one cloud.

Songs 1:4

Da guys dat broke da Rules from God, Dey not like God peopo. Dey jalike da junks from da wheat Dat da wind blow all ova da place.

Songs 68:2

I like fo God make da peopo Dat do bad tings run away, Jalike da wind make da smoke go way, Jalike da wax melt in front one fire! I like fo da peopo dat do bad tings Come all wipe out Wen dey stan in front God!

Isaiah 17:13

All da army guys from diffren countries make big noise, Jalike da big watta stay running. But God tell um, “No do dat!” An dey run away one far place, Jalike da junk kine stuff from da wheat An jalike da dry weeds in front one storm Dat blow in da wind in da hills.

Daniel 2:35

Den, da iron, da clay, da bronze, da silva, an da gold wen broke same time, all small pieces, jalike da junk kine stuff dat fall down on top da groun wea dey split da wheat from da junk kine stuff summa time. An da wind blow um all away, so no mo notting dea. But da rock dat wen smash da statue, come one big mountain, an fill up da whole world.”

Hosea 6:4

But Da One In Charge tell, “Wat I goin do wit you Efraim peopo? Wat I goin do wit you Judah peopo? Wen you guys tink you stay tight wit me, Az jalike da mist dat disappea morning time. Jalike da dew dat come early an den go way.

Zefaniah 2:2

Go come togedda befo da time start Dat Da One In Charge come huhu! Dat time goin come fas, Jalike wen da wind blow da junks outa da wheat! Go come togedda befo Da One In Charge catch up you guys, Cuz he real huhu wit you! Do um befo he punish you guys, Cuz he real mad!

Zekariah 8:12

“Da seeds goin grow good, da grape vines goin grow fruits, da groun goin grow food, an da sky goin give watta. I goin give all dis stuff to da peopo dat still yet stay alive.