Hosea 13:2 - Hawaii Pidgin Bible

² Now, dey stay do bad kine stuff mo an moa. Dey cova idol kine gods wit dea silva. Dey know how fo make um real good. But dass ony peopo dat make um. Odda peopo talk bout dem. Dey tell, “Dose peopo dat make da sacrifices to odda gods, Dey kiss da bebe cow statues.”

Hosea 13:2 ပူးပေါင်းရင်းမြစ်များ

1 Kings 19:18

But I still get 7,000 Israel guys dat neva go down on top dea knee in front da Baal god an neva kiss da Baal statue!”

2 Records 28:13

Dey tell, “You guys betta not bring dose prisona guys ova hea! Cuz you know, we goin get da blame fo dat in front Da One In Charge. You guys wen tink fo give us even mo blame awready! An us awready get plenny blame, an Da One In Charge stay real huhu wit us Israel guys!”

2 Records 33:23

But he no make jalike his faddah Manasseh, cuz he no come notting in front Da One In Charge, so he get even mo blame.

Songs 2:12

Go down in front da king An show respeck. Cuz if you guys no like do dis, Watch out! Cuz if you make him come huhu Even litto bit, Right den an dea, you guys Goin come wipe out, Cuz he come huhu real quick! But all da peopo dat let God Take kea dem, Dey stay good inside.

Isaiah 1:5

Eh! How come you guys like Fo God bus up you guys some moa?! How come you guys still stay go agains him?! Yoa head stay sore plenny awready, An inside, you not strong.

Isaiah 30:1

Dis, one message from Da One In Charge: “Bummahs! to da hard head peopo Dat stay go agains me! Dey make one plan an do um, But da plan, not from me. Dey make one deal wit peopo from anodda country, But my Spirit neva tell dem fo do dat. Dey do one bad ting, Den anodda mo worse ting.

Isaiah 44:11

But you know wat?! All da ones dat stay pray To da idol kine gods, Dey goin come plenny shame. An da guys dat make da idols, Dey ony peopo! Let all dem come togedda an stan togedda! Still yet, dey goin come sked an shake, An dey plenny shame, togedda.

Isaiah 45:20

“Go come togedda, an come nea me, All you prisona guys From all da diffren countries. Da peopo dat carry dea idol kine gods hea an dea wit dem, Dat somebody wen make from wood, Dey donno notting! Dey pray to da kine gods Dat no can get dem outa trouble.

Isaiah 46:6

Get peopo pour out gold from dea money bag, An weigh dea silva on top da scales. Dey pay one metal worka guy Fo make da gold come one god. Den dey go down an put dea face on top da groun An pray to um.

Isaiah 46:8

No foget all dis, Bout Da One In Charge an yoa idol kine gods. Come strong inside! An you guys dat no like lissen, Tink bout dis ova an ova.

Jeremiah 10:4

Dey put silva an gold fo make um look nice. Dey use hamma an nails on top um, So no goin fall down.

Jeremiah 10:8

Dea smart guys, dey no can tink mo betta den da animals, An dey do stupid kine stuff. Fo shua, no can learn wat fo do From da idol kine gods dey make from wood!

Jeremiah 8:5

So! How come dese peopo stay go da wrong road? How come da Jerusalem peopo erytime no come back by me? Dey stay tight wit bulaia kine gods. Da Jerusalem peopo tell, ‘Us guys no goin go back!’

Hosea 10:1

Befo time da Israel peopo Was jalike one grape plant dat grow an spread all ova. Da fruits, same ting. But wen dey come even mo right, Dey wen build mo plenny altars fo odda gods. Wen da land make even mo fruit, Dey make da kapu stones fo da idol kine gods mo fancy.

Hosea 10:5

Da peopo dat live Samaria town stay bodda inside, Cuz maybe someting bad goin happen To da young cow idol kine gods in Bet-Aven town. Da Samaria peopo goin come sked, An dea pries guys fo da idol kine gods, Dey all goin stay sad bout da calf statue too. Befo time dey wen stay good inside, Cuz da idol stay awesome. But now odda peopo wen take da awesome idol one far place.

Hosea 11:2

But no matta how plenny I wen call dem, Dey go da odda way, mo far away. Dey wen make sacrifice fo da Baal gods, An dey burn incense fo da idol kine gods.

Hosea 11:6

Cuz a dat, da peopo dat stay agains dem goin use swords Fo attack da Israel towns Dey goin bus up da bars on top da Israel town gates. Da Israel peopo goin make plans, But dey no can do notting!

Hosea 14:3

Da Assyria peopo no can get us guys outa trouble. We no goin ride war horses fo fight. We no goin tell no mo Dat da tings us guys wen make, dey oua gods. Cuz you da ony One dat show love an pity Fo da kids dat no mo faddah o muddah!’ ”

Hosea 2:8

“But she neva know I da one Wen give her da wheat an barley, da new wine, an da olive oil. I da one wen give her plenny silva an gold, Dat her an da guys dat make sex wit her go use um fo da Baal god.

Hosea 4:17

Da Efraim peopo stay fool aroun da idol kine gods. Let um stay lidat!

Hosea 8:4

Dey pick dea kings, but az not da ones I pick. Dey pick princes, but az da ones I no like. Dey make dea idol kine gods from da silva an gold dey own, But da ones dat make um ony goin get wipe out.

Hosea 8:5

“You Samaria peopo, throw out yoa idol kine god Dat look jalike one bebe cow! I stay real huhu wit you guys. How long you guys goin stay do stuff Dat I punish, aah?!

Hosea 8:6

Somebody from Israel wen make dat idol! One guy dat work wit metal Wen make da bebe cow kine idol from Samaria. Dass not me, God! Gotta broke um in small pieces awready!

Census 32:14

“So hea you guys stay now, braddahs dat do bad kine stuff. You stay ack hea jalike yoa faddah guys wen ack. You guys goin make Da One In Charge come even mo mad still yet wit you Israel peopo!

Rome 11:4

An you know wat God tell Elijah? He tell um dis: “I still get 7,000 guys dat stay my guys. Dey no go down in front da idol kine god Baal!”

Rome 2:5

But you get hard head. An you no like change wat you do. So, you stay make tings mo worse fo you. Bumbye God da Judge goin tell who wen do bad kine stuff, an erybody goin know dat God judge da right way. Den he goin punish you cuz he had it wit wat you do.

2 Timoty 3:13

An da bad kine peopo, an da peopo dat bulai, dey goin ack mo an mo worse. Dey goin bulai peopo, but dey bulai ony dem!

1 Samuel 10:1

Den Samuel take some olive oil dat he get inside one small clay kine pitcha, an pour um on top Saul head, an he kiss Saul on his face. Samuel tell, “Da One In Charge wen pick you fo come da leada ova his peopo, you know.